ಹಕ್ಕಾನಿ ಬಣದ ಜತೆ ಘರ್ಷ​ಣೆ: ಆಫ್ಘನ್‌ ಭಾವಿ ಅಧ್ಯಕ್ಷ ಬರಾದರ್‌ಗೆ ಗಾಯ!

* ಬರಾದರ್‌ ಮತ್ತು ಹಕ್ಕಾನಿ ಬೆಂಬಲಿತ ಗುಂಪುಗಳ ನಡುವೆ ಸಂಘರ್ಷ * ಆಫ್ಘ​ನ್‌ನ ಭಾವಿ ಅಧ್ಯಕ್ಷ ಎಂದೇ ಹೇಳ​ಲಾ​ಗಿ​ರುವ ಮುಲ್ಲಾ ಬರಾದರ್‌ಗೆ ಗಾಯ

ಕಾಬೂಲ್‌(ಸೆ.07): ತಾಲಿಬಾನ್‌ ಸಹ ಸಂಸ್ಥಾಪಕ ಮುಲ್ಲಾ ಅಬ್ದುಲ್‌ ಘನಿ ಬರಾದರ್‌ ಮತ್ತು ಹಕ್ಕಾನಿ ಬೆಂಬಲಿತ ಗುಂಪುಗಳ ನಡುವೆ ಸಂಘರ್ಷ ನಡೆ​ದಿದೆ. ಈ ವೇಳೆ ಆಫ್ಘ​ನ್‌ನ ಭಾವಿ ಅಧ್ಯಕ್ಷ ಎಂದೇ ಹೇಳ​ಲಾ​ಗಿ​ರುವ ಮುಲ್ಲಾ ಬರಾದರ್‌ ಗಾಯಗೊಂಡಿದ್ದಾನೆ.

ಈ ಘಟನೆ ನಡೆದ ಬೆನ್ನಲ್ಲೇ ಪಾಕಿಸ್ತಾನ ಬೇಹುಗಾರಿಕಾ ಸಂಸ್ಥೆ ಐಎಸ್‌ಐ ಮುಖ್ಯಸ್ಥ ಲೆಫ್ಟಿನೆಂಟ್‌ ಜನರಲ್‌ ಫೈಜ್‌ ಹಮೀದ್‌ ಕಾಬೂಲ್‌ಗೆ ತೆರಳಿ, ಸಂಧಾ​ನಕ್ಕೆ ಯತ್ನಿ​ಸಿ​ದ್ದಾರೆ ಎಂದು ವರ​ದಿ​ಗಳು ಹೇಳಿ​ವೆ.

ತಾಲಿಬಾನ್‌ ಅಷ್ಘಾನಿಸ್ತಾನದಲ್ಲಿ ಸರ್ಕಾರ ರಚನೆಯನ್ನು ಮುಂದೂಡಿತ್ತು. ಈ ಸಮಯದಲ್ಲಿ ಬರಾ​ದರ್‌ ಹಾಗೂ ಅನಾಸ್‌ ಹಕ್ಕಾನಿ ಬಣ​ಗಳ ನಡು​ವೆ ಶುಕ್ರ​ವಾರ ರಾತ್ರಿ ನಡುವೆ ಸಂಘರ್ಷ ಏರ್ಪಟ್ಟಿದೆ. ಕಾಬೂ​ಲ್‌​ನಲ್ಲಿ ಗುಂಡಿನ ಮೊರೆತ ಕೇಳಿ​ದೆ. ಈ ವೇಳೆ ಬರಾ​ದ​ರ್‌ಗೆ ಗಾಯ​ವಾ​ಗಿ​ದೆ ಎಂದು ಮಾಧ್ಯಮ ವರ​ದಿ​ಗಳು ಹೇಳಿ​ವೆ.

ತಾಲಿಬಾನ್‌ ಅನ್ನು ಪಾಕಿಸ್ತಾನದ ಬೇಹುಗಾರಿಕಾ ಸಂಸ್ಥೆ ನಿಯಂತ್ರಿಸುತ್ತಿದೆ ಎಂದು ಅಷ್ಘಾನಿಸ್ತಾನದ ಮಾಜಿ ಉಪಾಧ್ಯಕ್ಷ ಅಮ್ರುಲ್ಲಾ ಸಲೇಹ್‌ ಆರೋಪಿಸಿದ್ದರು ನಂತರ ಅಷ್ಘಾನಿಸ್ತಾನದಲ್ಲಿ ಈ ಘರ್ಷಣೆ ನಡೆದಿದೆ.