ವಿಶ್ವವನ್ನೇ ನಡುಗಿಸಿದೆ ಉಕ್ರೇನ್ ನರಸಂಹಾರದ ಈ ಚಿತ್ರಗಳು, ಕಂಡ ಕಂಡಲ್ಲಿ ಶವ!

* ರಷ್ಯಾ ಮತ್ತು ಉಕ್ರೇನ್ ನಡುವಿನ ಯುದ್ಧ ಇಡೀ ಜಗತ್ತನ್ನು ಚಿಂತೆಗೀಡು ಮಾಡಿದೆ * ಈ ಯುದ್ಧ ಆರಂಭವಾಗಿ ಏಪ್ರಿಲ್ 4ಕ್ಕೆ ಬರೋಬ್ಬರಿ 40 ದಿನ * ಯುದ್ಧ ಭೂಮಿಯ ಭಯಾನಕ ದೃಶ್ಯಕ್ಕೆ ಇಡೀ ವಿಶ್ವವೇ ತತ್ತರ

ಮಾಸ್ಕೋ(ಏ.04): ರಷ್ಯಾ ಮತ್ತು ಉಕ್ರೇನ್ ನಡುವಿನ ಯುದ್ಧ ಇಡೀ ಜಗತ್ತನ್ನು ಚಿಂತೆಗೀಡು ಮಾಡಿದೆ. ಈ ಯುದ್ಧ ಆರಂಭವಾಗಿ ಏಪ್ರಿಲ್ 4ಕ್ಕೆ ಬರೋಬ್ಬರಿ 40 ದಿನ. ಫೆಬ್ರವರಿ 24 ರಿಂದ ರಷ್ಯಾ ಮತ್ತು ಉಕ್ರೇನ್ ನಡುವೆ ಆರಂಭವಾದ ಯುದ್ಧದ ಸಮಯದಲ್ಲಿ, ಇಂತಹ ಅನೇಕ  ಹೃದಯ ವಿದ್ರಾವಕ, ಭಯಾನಕ ಚಿತ್ರಗಳು ಹೊರಬರುತ್ತಿವೆ. ಬುಚಾ ಮತ್ತು ಕೀವ್ ನಗರದಲ್ಲಿ ರಷ್ಯಾದ ಸೇನೆ ನರಮೇಧ ನಡೆಸಿದೆ ಎಂದು ಉಕ್ರೇನ್ ಆರೋಪಿಸಿದೆ. ಆದಾಗ್ಯೂ, ಬುಚಾ ದೌರ್ಜನ್ಯಕ್ಕೆ ರಷ್ಯಾ ಉಕ್ರೇನ್ ದೋಷಿ ಎಂದು ಆರೋಪಿಸಿದೆ.

ಒಡೆಸ್ಸಾ ಮೇಲೆ ರಾತ್ರಿಯಿಡೀ ಕ್ಷಿಪಣಿಗಳ ಮಳೆ

ರಷ್ಯಾದ ಸೈನ್ಯವು ಒಡೆಸ್ಸಾ, ಮೈಕೊಲೈವ್ ಮೇಲೆ ರಾತ್ರಿಯಿಡೀ ದಾಳಿ ಮಾಡಿದೆ. Mykolaiv ಮೇಯರ್ Oleksandr Senkevych ಪ್ರಕಾರ, ರಷ್ಯಾ ಏಪ್ರಿಲ್ 4 ರಂದು ಕೆಲವು ಕ್ಷಿಪಣಿಗಳೊಂದಿಗೆ Mykolaiv ನಗರದ ಮೇಲೆ ದಾಳಿ ಮಾಡಿತು. ಸಾವು ನೋವುಗಳ ಸಂಖ್ಯೆ ಅಥವಾ ತೀವ್ರತೆಯ ಬಗ್ಗೆ ಇನ್ನೂ ಯಾವುದೇ ಮಾಹಿತಿ ಇಲ್ಲ. ಮುಂಜಾನೆ, ಒಡೆಸ್ಸಾ ಮಿಲಿಟರಿ ಆಡಳಿತದ ವಕ್ತಾರ ಸೆರ್ಗೆಯ್ ಬ್ರಾಚುಕ್, ಒಡೆಸ್ಸಾ ರಾತ್ರೋರಾತ್ರಿ ವೈಮಾನಿಕ ದಾಳಿಯನ್ನು ಎದುರಿಸಿದೆ ಎಂದು ಹೇಳಿದ್ದಾರೆ.

ಕೀವ್‌ನಲ್ಲಿ 410 ಶವ ಪತ್ತೆ

ಉಕ್ರೇನಿಯನ್ ರಾಜಧಾನಿ ಕೀವ್ ಬಳಿಯ ನಗರಗಳಲ್ಲಿ 410 ಶವಗಳು ಪತ್ತೆಯಾಗಿವೆ, ಆದರೆ ಕೆಲವರು ಈ ದೃಶ್ಯ ಕಣ್ಣಾರೆ ಕಂಡು ತುಂಬಾ ಭಯಭೀತರಾಗಿದ್ದಾರೆ, ಹೀಗಾಗಿ ಅವರು ಈ ಬಗ್ಗೆ ಏನನ್ನೂ ಹೇಳಲು ಮುಂದಾಗುತ್ತಿಲ್ಲ. ಆದಾಗ್ಯೂ, ಬುಚಾದಲ್ಲಿ ತನ್ನ ಮಿಲಿಟರಿ ನಾಗರಿಕರನ್ನು ಕೊಂದಿದೆ ಎಂಬ ಆರೋಪವನ್ನು ರಷ್ಯಾ ತಳ್ಳಿ ಹಾಕಿದೆ. 

AFP ಸುದ್ದಿ ಸಂಸ್ಥೆಯ ಪ್ರಕಾರ, ಪ್ರಾಸಿಕ್ಯೂಟರ್-ಜನರಲ್ ಐರಿನಾ ವೆಂಡಿಕ್ಟೋವ್ ಇದನ್ನು ರಾಷ್ಟ್ರೀಯ ದೂರದರ್ಶನಕ್ಕೆ ಖಚಿತಪಡಿಸಿದ್ದಾರೆ. 280 ಶವಗಳನ್ನು ಸಾಮೂಹಿಕ ಸಮಾಧಿಯಲ್ಲಿ ಹೂಳಲಾಗಿದೆ ಎಂದು ಬೌಚಾ ಮೇಯರ್ ಆಂಟೊಲಿ ಫೆಡೆರೊಕ್ ಶನಿವಾರ ಬಹಿರಂಗಪಡಿಸಿದ್ದಾರೆ. ಕೀವ್ ತನ್ನ ವಾಯುಪಡೆಗಳು ರಷ್ಯಾದ ಮಿಲಿಟರಿ ಮತ್ತು ಪ್ರಿಪ್ಯಾಟ್ ನಗರದಿಂದ ಕೈಬಿಟ್ಟ ಚೆರ್ನೋಬಿಲ್ ಪರಮಾಣು ವಿದ್ಯುತ್ ಸ್ಥಾವರದ ಸಂಪೂರ್ಣ ನಿಯಂತ್ರಣವನ್ನು ತೆಗೆದುಕೊಂಡಿದೆ ಎಂದು ಹೇಳಿದರು, ಇದು ಬೆಲಾರಸ್‌ನ ಗಡಿಯ ಹೊರಭಾಗದಲ್ಲಿದೆ.