ವಿಚ್ಛೇದನ ಕೇಸ್: ತಾಯಿಗೆ 750 ಕೋಟಿ ರು.ನೀಡಲು ಮಗನಿಗೆ ಆದೇಶಿಸಿದ ಕೋರ್ಟ್!
ಸಾರಾಂಶ
ವಿಚ್ಛೇದನ ಪ್ರಕರಣಗಳಲ್ಲಿ ಪತಿ ತನ್ನ ವಿಚ್ಛೇದಿತ ಪತ್ನಿಗೆ ಜೀವನಾಂಶವನ್ನು ನೀಡಬೇಕು| ಆದರೆ ಇಲ್ಲಿ ತಾಯಿಗೆ 750 ಕೋಟಿ ರು.ನೀಡಲು ಮಗನಿಗೆ ಆದೇಶಿಸಿದ ಕೋರ್ಟ್!
ಲಂಡನ್(ಏ.24): ಸಾಮಾನ್ಯವಾಗಿ ವಿಚ್ಛೇದನ ಪ್ರಕರಣಗಳಲ್ಲಿ ಪತಿ ತನ್ನ ವಿಚ್ಛೇದಿತ ಪತ್ನಿಗೆ ಜೀವನಾಂಶವನ್ನು ನೀಡಬೇಕು. ಆದರೆ, ಬ್ರಿಟನ್ನ ಅತಿದೊಡ್ಡ ವಿಚ್ಛೇದನ ಪ್ರಕರಣವೊಂದರಲ್ಲಿ ತಾಯಿಗೆ 750 ಕೋಟಿ ರು. ಪರಿಹಾರ ನೀಡುವಂತೆ ಕೋರ್ಟ್ ಮಗನಿಗೆ ಆದೇಶಿಸಿರುವ ಪ್ರಸಂಗವೊಂದು ಜರುಗಿದೆ.
ಅಜೆರ್ಬೈಜಾನ್ ಮೂಲದ ಕೋಟ್ಯಧಿಪತಿ ಫರ್ಖಾದ್ ಅಖ್ಮೆಡೋವ್ ಎಂಬಾತನ ವಿಚ್ಛೇದನ ಪ್ರಕರಣದಲ್ಲಿ ಕೋರ್ಟ್ ಇಂಥದ್ದೊಂದು ವಿಚಿತ್ರ ತೀರ್ಪು ನೀಡಿದೆ. ಅಖ್ಮೆಡೋವ್ ತನ್ನ ಪತ್ನಿಯಿಂದ ವಿಚ್ಛೇದನ ಪಡೆದಿದ್ದಾಕ್ಕಾಗಿ 4700 ಕೋಟಿ ಜೀವನಾಂಶ ನೀಡುವಂತೆ ಕೋರ್ಟ್ ಆದೇಶಿತ್ತು.
ಆದರೆ, ತನ್ನ ತಾಯಿಗೆ ಜೀವನಾಂಶ ದೊರಕದಂತೆ ಮಾಡಲು ಮಗ ತೆಮೂರ್ ಅಖ್ಮೆಡೋವ್ ಯತ್ನಿಸಿದ್ದ. ತಂದೆಯ ಆಸ್ತಿಯನ್ನು ಬಚ್ಚಿಡಲು ಯತ್ನಿಸಿದ ಕಾರಣಕ್ಕೆ ತೆಮೂರ್ ಕಖ್ಮೆಡೋವ್ಗೆ ಛೀಮಾರಿ ಹಾಕಿರುವ ಬ್ರಿಟನ್ನ ವಿಚ್ಛೇದನಾ ನ್ಯಾಯಾಲಯ 750 ಕೋಟಿ ರು. ಪರಿಹಾರವನ್ನು ತುಂಬಿಕೊಡುವಂತೆ ಸೂಚಿಸಿದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ