ಕೋವಿಡ್ ತನಿಖೆ : ಮತ್ತೆ ಚೀನಾದಿಂದ ಕ್ಯಾತೆ

ಇಡೀ ವಿಶ್ವಕ್ಕೆ ಕೊರೋನಾ ವೈರಸ್ ಹಬ್ಬಿಸಿದ ಕುಖ್ಯಾತಿಗೀಡಾಗಿರುವ ಚೀನಾ ವಿಶ್ವ ಆರೋಗ್ಯ ಸಂಸ್ಥೆ  ನಡೆಸಲು ಉದ್ದೇಶಿಸಿರುವ 2ನೇ ಸುತ್ತಿನ ಅಧ್ಯಯನಕ್ಕೆ ಬಹಿರಂಗವಾಗಿಯೇ ವಿರೋಧ 

 ಬೀಜಿಂಗ್ (ಜು.23): ಇಡೀ ವಿಶ್ವಕ್ಕೆ ಕೊರೋನಾ ವೈರಸ್ ಹಬ್ಬಿಸಿದ ಕುಖ್ಯಾತಿಗೀಡಾಗಿರುವ ಚೀನಾ ಆ ಕುರಿತು ವಿಶ್ವ ಆರೋಗ್ಯ ಸಂಸ್ಥೆ  ನಡೆಸಲು ಉದ್ದೇಶಿಸಿರುವ 2ನೇ ಸುತ್ತಿನ ಅಧ್ಯಯನಕ್ಕೆ ಬಹಿರಂಗವಾಗಿಯೇ ವಿರೋಧ ವ್ಯಕ್ತಪಡಿಸಿದೆ. 

ಅಲ್ಲದೇ ಚೀನಾದ ವುಹಾನ್ ಲ್ಯಾಬ್‌ನಿಂದಲೇ ವೈರಾಣು ಸೋರಿಕೆಯಾಗಿದೆ ವಿಶ್ವದಲ್ಲಿ ಕೊರೋನಾ ಕಾಣಿಸಿಕೊಳ್ಳುವ ಮೊದಲು ಆ ಲ್ಯಾಬಿನ ಸಿಬ್ಬಂದಿ ಸೋಂಕಿಗೆ ತುತ್ತಾಗಿದ್ದರು ಎಂಬ ವಾದವನ್ನು ಅಲ್ಲಗಳೆದಿದೆ. 

ಪ್ರಯೋಗಾಲಯಕ್ಕೆ ಸಂಬಂಧಿಸಿದ ನಿಯಂತ್ರಣಗಳನ್ನು ಚೀನಾ ಉಲ್ಲಂಘಿಸಿದೆ ಹಾಗೂ ವೈರಾಣು ಸೋರಿಕೆ ಮಾಡಿದೆ. ಈ ಕುರಿತು ಅದ್ಯಯನ ನಡೆಯಬೇಕಾಗಿದೆ ಎಂಬ  ಡಬ್ಲ್ಯು ಎಚ್‌ಒ ಪ್ರಸ್ತಾಪ ನಡಿ ದಿಗ್ಬ್ರಮೆಯಾಗಿದೆ. ಹೀಗಾಗಿ ವಿಸ್ವ ಆರೋಗ್ಯ ಸಂಸ್ಥೆಯ ಎರಡನೇ ಸುತ್ತಿನ ಅಧ್ಯಯನ ಯೋಜನೆಯನ್ನು ನಾವು ಪಾಲಿಸುವುದಿಲ್ಲ ಎಂದು ರಾಷ್ಟ್ರೀಯ ಅರೋಗ್ಯ ಆಯೋಗದ ಉಪ ಸಚಿವ ಚೆಂಗ್ ಯಿಕ್ಸಿನ್ ತಿಳಿಸಿದ್ದಾರೆ. 

ಚೀನಾದ ಈ ರ್ಷಾರಂಭದಲ್ಲಿ 4 ವಾರಗಳ ಕಾಲ ಅಧ್ಯಯನ ನಡೆದಿದೆ. ಹೀಗಾಗಿ ಮುಂದಿನ ಸುತ್ತಿನಲ್ಲಿ ವಿವಿಧ ವಲಯ ಹಾಗು ದೇಶಗಳ ಬಗ್ಗೆ ಅಧ್ಯಯನ ನಡೆಯಬೇಕು. ಕೊರೋನಾ ವೈರಸ್ ವಿಶ್ವದ ಹಲವು ಭಾಗಗಳಲ್ಲಿ ಕಾಣಿಸಿಕೊಂಡಿತ್ತು. . ಆದರೆ ಅದನ್ನು 2019ರ ಡಿಸೆಂಬರ್ ನಲ್ಲಿ ಮೊದಲು ತಿಳಿಸಿದ್ದು ನಾವು ಅಷ್ಟೇ ಎಂಬ ವಾದವನ್ನು ಮುಂದಿಟ್ಟಿದೆ.