
ಲಂಡನ್(ಡಿ.08): ಕೊರೋನಾ ಮಹಾಮಾರಿ ವಿರುದ್ಧ ಹೋರಾಟವಾಗಿ ಸದ್ಯ ಲಸಿಕೆ ನೀಡುವ ಹಂತ ಆರಂಭಗೊಂಡಿದೆ. ಬ್ರಿಟನಿನ 90 ವರ್ಷದ ಮಹಿಳೆ ಮಾರ್ಗರೆಟ್ ಕೀನನ್ ಪೈಝರ್ ಕೊರೋನಾ ಲಸಿಕೆ ಪಡೆದ ವಿಶ್ವದ ಮೊದಲ ಮಹಿಳೆ ಎಂಬ ಖ್ಯಾತಿ ಪಡೆದಿದ್ದಾರೆ. ಅವರು ಇಂಗ್ಲೆಂಡ್ನ ಕೋವೆಂಟ್ರೀಯಲ್ಲಿ ಸ್ಥಳೀಯ ಆಸ್ಪತ್ರೆಯಲ್ಲಿ ಬೆಳಗ್ಗೆ 6.31ಕ್ಕೆ ಲಸಿಕೆ ಹಾಕಿಸಿಕೊಂಡಿದ್ದಾರೆ. ಮಾರ್ಗರೆಟ್ ಜ್ಯುವೆಲ್ಲರಿ ಶಾಪ್ನ ಮಾಜಿ ಸಹಾಯಕಿಯೂ ಆಗಿ ಕಾರ್ಯ ನಿರ್ವಹಿಸಿದ್ದಾರೆ. ಅವರಿಗೆ ಯೂನಿವರ್ಸಿಟಿ ಹಾಸ್ಪಿಟಲ್ ಕೋವೆಂಟ್ರಿಯಲ್ಲಿ ವ್ಯಾಕ್ಸಿನ್ ನೀಡಲಾಗಿದೆ.
ಭಾರತದಲ್ಲಿ ಕೋವಿಶೀಲ್ಡ್ ಲಸಿಕೆ ತುರ್ತು ಬಳಕೆ ಅನುಮತಿ ಕೇಳಿದ ಸೀರಂ!
ಒಂದು ವಾರದ ಹಿಂದಷ್ಟೇ ಹುಟ್ಟುಹಬ್ಬ
ಒಂದು ವಾರದ ಹಿಂದಷ್ಟೇ ಮಾರ್ಗರೆಟ್ ತಮ್ಮ 91ನೇ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ಬ್ರಿಟನ್ನಲ್ಲಿ ಮಂಗಳವಾರದಿಂದ ಫೈಝರ್ ಹಾಗೂ ಬಯೋಟೆಕ್ ಅಭಿವೃದ್ಧಿಪಡಿಸಿರುವ ಕೊರೋನಾ ಲಸಿಕೆ ನೀಡಲು ಆರಂಭಿಸಲಾಗಿದೆ. ಇನ್ನು ಲಸಿಕೆ ಪಡೆದ ಮಾರ್ಗರೆಟ್ ನನಗೆ ಕೊರೋನಾ ವಿರುದ್ಧದ ಮೊದಲ ಲಸಿಕೆ ಪಡೆಯುವ ಅದೃಷ್ಟ ಸಿಕ್ಕಿದೆ. ಇದು ನನ್ನ ಜನ್ಮದಿನದ ಈವರೆಗಿನ ಬೆಸ್ಟ್ ಗಿಫ್ಟ್ ಆಗಿದೆ ಎಂದಿದ್ದಾರೆ.
ಭೀತಿ ದೂರಕ್ಕೆ ಸ್ವತಃ ಲಸಿಕೆ ಪಡೆಯಲಿರುವ ಒಬಾಮಾ, ಕ್ಲಿಂಟನ್, ಬುಷ್!
ವೈರಸ್ನಿಂದ ಅಪಾಯವಿದ್ದವರಿಗೆ ಮೊದಲ ಆದ್ಯತೆ
ಎಲ್ಲಕ್ಕಿಂತ ಮೊದಲು ಈ ಲಸಿಕೆಯನ್ನು ನ್ಯಾಷನಲ್ ಹೆಲ್ತ್ ಸರ್ವಿಸ್ನ ಫ್ರಂಟ್ ಲೈನ್ ಸ್ಟಾಫ್ಗಳಿಗೆ ನೀಡಲಾಗುತ್ತದೆ. ಜೊತೆಗೆ 80 ವರ್ಷಕ್ಕಿಂತ ಹೆಚ್ಚು ವಯಸ್ಸಿನವರಿಗೂ ಮಹತ್ವ ನೀಡಲಾಗುತ್ತದೆ. ಯಾರಿಗೆಲ್ಲಾ ಈ ವೈರಸ್ನಿಂದ ಹೆಚ್ಚು ಅಪಾಯವಿದೆಯೋ ಅವರಿಗೂ ಮೊದಲ ಆದ್ಯತೆ ನೀಡಲಾಗುತ್ತದೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ