
ಶಾಲೆಯೊಂದರಲ್ಲಿ ಮಗುವಿಗೆ ಅಪಘಾತ ಆಗಿದೆ ಅಥವಾ ಹೊಡೆದು ಗಾಯ ಆಗಿದೆ ( Funny husband wife fancy dress kid ) ಎನ್ನುವ ರೀತಿಯಲ್ಲಿ ಕಾಸ್ಟ್ಯೂಮ್ ಹಾಕಿಸಲಾಗಿದೆ. ಇದನ್ನು ನೋಡಿ ಅನೇಕರು ನಕ್ಕಿದ್ದಾರೆ. ಕೆಲವರು ಹೊಗಳಿದರೆ, ಇನ್ನೂ ಕೆಲವರು ಬೇಸರ ಹೊರಹಾಕಿದ್ದಾರೆ.
ಹೌದು, ಈ ಮಗು ಶಾಲೆಯ ಫ್ಯಾನ್ಸಿ ಡ್ರೆಸ್ ಸ್ಪರ್ಧೆಯಲ್ಲಿ ಎಲ್ಲರ ಗಮನ ಸೆಳೆದಿದ್ದು, ಪ್ರಥಮ ಬಹುಮಾನ ಗೆದ್ದುಕೊಂಡಿದೆ. ಮಗುವಿಗೆ ಯಾರೋ ಹೊಡೆದು, ಗಾಯ ಆದ ರೀತಿಯಲ್ಲಿ ಕಾಸ್ಟ್ಯೂಮ್ ಮಾಡಲಾಗಿದೆ. ಇದನ್ನು ನೋಡಿದರು ನಕ್ಕು, ನಕ್ಕು ಸುಸ್ತಾಗಿದ್ದಾರೆ.
ಈ ಛದ್ಮವೇಷಕ್ಕೆ "ನಾನು ನನ್ನ ಹೆಂಡತಿಯೊಂದಿಗೆ ಜಗಳ ಆಡಿದೆ" ಎಂಬ ಟೈಟಲ್ ಕೊಟ್ಟಿದ್ದಾರೆ. ಇದನ್ನು ಅವನು ಬೋರ್ಡ್ ಮಾಡಿಕೊಂಡು, ದೇಹಕ್ಕೆ ಅಂಟಿಸಿಕೊಂಡಿದ್ದಾನೆ. ಆ ಹುಡುಗ ಕೂಡ ಸಪ್ಪೆ ಮುಖ ಹಾಕಿಕೊಂಡಿದ್ದನು. ಇದನ್ನು ನೋಡಿದವರೆಲ್ಲರೂ ನಕ್ಕಿದ್ದಾರೆ. ಹೆಂಡತಿ ಜೊತೆ ಜಗಳ ಆಗಿದ್ದಕ್ಕೆ ಇಷ್ಟೆಲ್ಲ ಆಯ್ತು ಎಂದು ಅವನ ಮುಖಭಾವ ಹೇಳುತ್ತಿತ್ತು. ಒಟ್ಟಿನಲ್ಲಿ ಈ ಕ್ರಿಯೇಟಿವಿಟಿ ನೋಡಿ ಎಲ್ಲರೂ ನಕ್ಕಿದ್ದಾರೆ.
ಕೆಲವೊಮ್ಮೆ ಜನರ ಹೃದಯಗಳನ್ನು ಗೆಲ್ಲಲು ತುಂಬ ಶ್ರಮ ಬೇಕಿಲ್ಲ, ಅದರ ಬದಲಿಗೆ ಸೃಜನಶೀಲತೆ, ಹಾಸ್ಯಪ್ರಜ್ಞೆ, ಪರಿಪೂರ್ಣ ಮುಖಭಾವವಿದ್ದರೆ ಸಾಕು. ಒಟ್ಟಿನಲ್ಲಿ ಈ ಕಾಸ್ಟ್ಯೂಮ್ ಸರಳವಾಗಿದೆ, ತಮಾಷೆಯಿಂದಿದೆ, ಮರೆಯಲಾಗದಂತಿತ್ತು. ಈ ಅತ್ಯುತ್ತಮ ಆಲೋಚನೆಗಳು ದುಬಾರಿಯಾಗಿರಬೇಕಾಗಿಲ್ಲ, ಬುದ್ಧಿವಂತಿಕೆ ಇದ್ದರೆ ಸಾಕು.
ಒಟ್ಟಿನಲ್ಲಿ ಇಂತಹ ಕಾರ್ಯಕ್ರಮ, ಅಥವಾ ಇಂಥಹ ವೇಷ ಮಾತ್ರ ಮಕ್ಕಳು ಮತ್ತು ಪೋಷಕರು ವರ್ಷಗಟ್ಟಲೆ ನೆನೆದು ನಗುವಂತಹ ನೆನಪುಗಳನ್ನು ಸೃಷ್ಟಿಸುತ್ತವೆ. ಹಾಸ್ಯದೊಂದಿಗೆ ಬೆರೆತ ಶುದ್ಧ ಮುಗ್ಧತೆ ಯಾವಾಗಲೂ ಗೆಲುವಿನ ಸಂಯೋಜನೆಯಾಗಿದೆ. ಆದರೆ ಮಗುವಿಗೆ ಈ ರೀತಿ ಛದ್ಮವೇಷ ಹಾಕಿಸಬಾರದಿತ್ತು, ಪತ್ನಿಯೇ ಯಾವಾಗಲೂ ದಬ್ಬಾಳಿಕೆ ಮಾಡುತ್ತಾಳೆ ಎಂದು ಬಿಂಬಿಸಬಾರದಿತ್ತು ಎಂದು ಕೆಲವರು ಹೇಳುತ್ತಿದ್ದಾರೆ.