ರಾತ್ರಿಯಿಡೀ ಮೊಬೈಲ್ ಚಾರ್ಜಿಂಗ್ ಸೂಕ್ತವಲ್ಲ
ಸಾರಾಂಶ
ಲೀಥಿಯಂ ಐಯಾನ್ ಬ್ಯಾಟರಿಗಳನ್ನು ಪೂರ್ಣಪ್ರಮಾಣದಲ್ಲಿ ಚಾರ್ಜ್ ಮಾಡುವ ಅಗತ್ಯವಿಲ್ಲ, ಹೈವೋಲ್ಟೇಜ್ನಲ್ಲಿ ಪೂರ್ತಿಯಾಗುವವರೆಗೆ ಚಾರ್ಜ್ ಮಾಡುವುದು ಬ್ಯಾಟರಿ ಮೇಲೆ ಒತ್ತಡ ಹಾಕಿದಂತಾಗುತ್ತದೆ
ನಿಮ್ಮ ಮೊಬೈಲ್ ಬ್ಯಾಟರಿ ಸಶಕ್ತವಾಗಿರಬೇಕು ಎಂಬ ಕಾರಣಕ್ಕೆ ರಾತ್ರಿಯಿಡೀ ಮೊಬೈಲನ್ನು ಚಾರ್ಜಿಗೆ ಇರಿಸಿ ನಿಶ್ಚಿಂತೆಯಿಂದ ನಿದ್ರೆ ಮಾಡುತ್ತೀರಾ? ಈ ವಿಧಾನ ಸರಿಯಲ್ಲ.
ಇತ್ತೀಚೆಗೆ ನಿಯತಕಾಲಿಕವೊಂದಕ್ಕೆ ನೀಡಿದ ಮಾಹಿತಿಯಲ್ಲಿ ಕ್ಯಾಡೆಕ್ಸ್ ಬ್ಯಾಟರಿ ಕಂಪನಿ ಈ ಕುರಿತು ಮುಖ್ಯ ಮಾರ್ಗದರ್ಶಿ ಸೂಚನೆಗಳನ್ನು ಬಿಡುಗಡೆ ಮಾಡಿದೆ. ಲೀಥಿಯಂ ಐಯಾನ್ ಬ್ಯಾಟರಿಗಳನ್ನು ಪೂರ್ಣಪ್ರಮಾಣದಲ್ಲಿ ಚಾರ್ಜ್ ಮಾಡುವ ಅಗತ್ಯವಿಲ್ಲ, ಹೈವೋಲ್ಟೇಜ್ನಲ್ಲಿ ಪೂರ್ತಿಯಾಗುವವರೆಗೆ ಚಾರ್ಜ್ ಮಾಡುವುದು ಬ್ಯಾಟರಿ ಮೇಲೆ ಒತ್ತಡ ಹಾಕಿದಂತಾಗುತ್ತದೆ ಎಂದು ಅದು ಮಾಹಿತಿ ನೀಡಿದೆ. ಬಹುತೇಕ ಫೋನ್ಗಳಲ್ಲಿ ಲೀಥಿಯಂ ಇಯಾನ್ ಬ್ಯಾಟರಿಗಳಿದ್ದು, ಕಾಲಕ್ರಮೇಣ ಇವು ಕೆಡುತ್ತವೆ. ಇದರಿಂದ ಅನಗತ್ಯ ಒತ್ತಡ ಬ್ಯಾಟರಿ ಮೇಲೆ ಬೀಳುತ್ತದೆ. ಆದ್ದರಿಂದ ಬ್ಯಾಟರಿ ಚಾರ್ಜ್ ಮಟ್ಟ ಶೇ. 100
ತಲುಪಿದ ತಕ್ಷಣ ಪ್ಲಗ್ಗಿನಿಂದ ಸಾಕೆಟ್ ತೆಗೆಯಬೇಕು ಎಂದು ಕ್ಯಾಡೆಕ್ಸ್ ಸಲಹೆ ನೀಡಿದೆ. ಬ್ಯಾಟರಿ ಆಯುಷ್ಯ ಹೆಚ್ಚಿಸುವ ಉದ್ದೇಶದಿಂದ ಕ್ಯಾಡೆಕ್ಸ್ ನೀಡಿರುವ ಇತರ ಸಲಹೆಗಳೆಂದರೆ: ಆದಷ್ಟು ಮಟ್ಟಿಗೆ ಲ್ಯಾಪ್ಟಾಪ್ ಇತ್ಯಾದಿ ಪರ್ಯಾಯ ವ್ಯವಸ್ಥೆಗಳಿಂದ ಚಾರ್ಜ್ ಮಾಡುವ ಬದಲು ಪ್ರಧಾನ ಪ್ಲಗ್ನಿಂದಲೇ ಚಾರ್ಜ್ ಮಾಡಿ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.