ಡ್ರೋನ್ನಿಂದ ಮಷಿನ್ಗನ್ ದಾಳಿ : ಬೆಂಗಳೂರು ಕಂಪನಿಯ ಸಾಧನೆ
ಸಾರಾಂಶ
ಯುದ್ಧ ತಂತ್ರಗಳು ಬದಲಾಗುತ್ತಿರುವ, ಹೊಸದರತ್ತ ಮುಖ ಮಾಡುತ್ತಿರುವ ಹೊತ್ತಿನಲ್ಲೇ, ಮಷಿನ್ಗನ್ ದಾಳಿ ನಡೆಸುವ ಅತ್ಯಾಧುನಿಕ ಎಐ ಆಧರಿತ ಡ್ರೋನ್ ಒಂದನ್ನು ಬೆಂಗಳೂರು ಮೂಲದ ಕಂಪನಿ ಅಭಿವೃದ್ಧಿಪಡಿಸಿದೆ.
ನವದೆಹಲಿ: ಯುದ್ಧ ತಂತ್ರಗಳು ಬದಲಾಗುತ್ತಿರುವ, ಹೊಸದರತ್ತ ಮುಖ ಮಾಡುತ್ತಿರುವ ಹೊತ್ತಿನಲ್ಲೇ, ಮಷಿನ್ಗನ್ ದಾಳಿ ನಡೆಸುವ ಅತ್ಯಾಧುನಿಕ ಎಐ ಆಧರಿತ ಡ್ರೋನ್ ಒಂದನ್ನು ಬೆಂಗಳೂರು ಮೂಲದ ಕಂಪನಿ ಅಭಿವೃದ್ಧಿಪಡಿಸಿದೆ.
ಬೆಂಗಳೂರು ಮೂಲದ ಭಾರತ್ ಸಪ್ಲೈಯ್ ಆ್ಯಂಡ್ ಸರ್ವಿಸಸ್ (ಬಿಎಸ್ಎಸ್) ಈ ಡ್ರೋನ್ ಅನ್ನು ಅಭಿವೃದ್ಧಿಪಡಿಸಿದ್ದು, ಇದು ದೇಶದಲ್ಲೇ ಮೊದಲ ಎಐ ಆಧರಿತ ಡ್ರೋನ್ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ..
ಭಾರತೀಯ ಸೇನೆಯ ಸಹಯೋಗದಲ್ಲಿ ಅಭಿವೃದ್ದಿಪಡಿಸಲಾದ ಈ ಅತ್ಯಾಧುನಿಕ ಡ್ರೋನ್ ಮೂಲಕ ಎಕೆ- 203 ಮಷಿನ್ಗನ್ ಬಳಸಿ ದಾಳಿ ನಡೆಸಬಹುದಾಗಿದೆ. ಈ ಡ್ರೋನ್ ಅನ್ನು ಕಣ್ಗಾವಲಿನ ಜೊತೆಗೆ ದಾಳಿಗೂ ಬಳಸಬಹುದಾಗಿದೆ. ಅಂದರೆ ಈ ಡ್ರೋನ್ ಆಗಸದಲ್ಲಿ ಸಂಚರಿಸುತ್ತಲೇ ನಿಗದಿತ ಗುರಿಯತ್ತ ಗುಂಡಿನ ದಾಳಿ ನಡೆಸಬಲ್ಲದು. ಇತ್ತೀಚೆಗೆ ಈ ಡ್ರೋನ್ ಅನ್ನು ಭಾರತೀಯ ಸೇನೆಯ ಸಹಯೋಗದಲ್ಲಿ ಇತ್ತೀಚೆಗೆ ಯಶಸ್ವಿಯಾಗಿ ನಡೆಸಲಾಗಿದೆ.
ಪ್ರಯೋಗದ ವೇಳೆ, ಇವು 300 ಮೀಟರ್ ದೂರದಲ್ಲಿರುವ ಗುರಿಗಳನ್ನು ಗುರುತಿಸಿ, ಅವುಗಳನ್ನು 600 ಮೀಟರ್ಗಳವರೆಗೆ ನಿಖರವಾಗಿ ಹಿಂಬಾಲಿಸಿದೆ. ಜೊತೆಗೆ ಈ ಡ್ರೋನ್ಗಳು 1000 ಮೀಟರ್ ದೂರದವರೆಗೂ ದಾಳಿ ನಡೆಸಬಲ್ಲವು.
ಈ ಗನ್ಗಳನ್ನು ಇತ್ತೀಚೆಗೆ ಸಮುದ್ರದ ಮಟ್ಟದಿಂದ 14500 ಅಡಿ ಎತ್ತರದಲ್ಲಿ ಪರೀಕ್ಷಿಸಲಾಗಿದ್ದು, 21 ದಿನಗಳ ಕಾಲ ಬಂಕರ್ಗಳ ಒಳಗೂ ಇಟ್ಟು ಪರೀಕ್ಷಿಸಲಾಗಿದೆ. ಈ ಮೂಲಕ ಯಾವುದೇ ಹವಾಮಾನ, ಪರಿಸ್ಥಿತಿಯಲ್ಲೂ ಯಶಸ್ವಿಯಾಗಿ ಕಾರ್ಯನಿರ್ವಹಿಸಬಲ್ಲದು ಎಂಬುದನ್ನು ಖಚಿತಪಡಿಸಿಕೊಳ್ಳಲಾಗಿದೆ.
- ಯುದ್ಧ ತಂತ್ರಗಳು ಬದಲಾಗುತ್ತಿರುವ, ಹೊಸದರತ್ತ ಮುಖ
- ಮಷಿನ್ಗನ್ ದಾಳಿ ನಡೆಸುವ ಅತ್ಯಾಧುನಿಕ ಎಐ ಆಧರಿತ ಡ್ರೋನ್ ಒಂದನ್ನು ಬೆಂಗಳೂರು ಮೂಲದ ಕಂಪನಿ ಅಭಿವೃದ್ಧಿ
- ಬೆಂಗಳೂರು ಮೂಲದ ಭಾರತ್ ಸಪ್ಲೈಯ್ ಆ್ಯಂಡ್ ಸರ್ವಿಸಸ್ (ಬಿಎಸ್ಎಸ್) ಈ ಡ್ರೋನ್ ಅನ್ನು ಅಭಿವೃದ್ಧಿ
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.