ಫರ್ಸ್ಟ್‌ ಪಾರ್ಟಿ ಡಯಲರ್ ಅಪ್ಲಿಕೇಶನ್‌ಗಳು ಮತ್ತು ಫೋನ್‌ಗಳಲ್ಲಿ ಮೊದಲೇ ಸ್ಥಾಪಿಸಲಾದ ಗೂಗಲ್ ಡಯಲರ್ ಮೂಲಕ ಫೋನ್ ಕರೆಗಳನ್ನು ರೆಕಾರ್ಡ್ ಮಾಡಲು ಸಾಧ್ಯವಾಗುತ್ತದೆ
Google Banning Call Recording Apps: ಗೂಗಲ್ ಇತ್ತೀಚೆಗೆ ತನ್ನ ಪ್ಲೇ ಸ್ಟೋರ್ ನೀತಿಯನ್ನು ನವೀಕರಿಸಿದ್ದು, ಆಂಡ್ರಾಯ್ಡ್‌ನ ಇತ್ತೀಚಿನ ಆವೃತ್ತಿಗಳಲ್ಲಿ ಕರೆಗಳನ್ನು ರೆಕಾರ್ಡ್ ಮಾಡುವ ಥರ್ಡ್‌ ಪಾರ್ಟಿ ಅಪ್ಲಿಕೇಶನ್‌ಗಳನ್ನು ನಿರ್ಬಂಧಿಸಲು ನಿರ್ಧರಿಸಿದೆ. ಗೂಗಲ್ ಈ ಹಿಂದೆ ಸೆಪ್ಟೆಂಬರ್ 2019 ರಲ್ಲಿ Android 10 ಪ್ರಾರಂಭಿಸುವುದರೊಂದಿಗೆ ಮೈಕ್ರೊಫೋನ್ ಮೂಲಕ ಕರೆಗಳನ್ನು ರೆಕಾರ್ಡ್ ಮಾಡದಂತೆ ಅಪ್ಲಿಕೇಶನ್‌ಗಳನ್ನು ನಿರ್ಬಂಧಿಸಿತ್ತು. ಆದರೆ ಅಪ್ಲಿಕೇಶನ್‌ಗಳು Accessibility API ವೈಶಿಷ್ಟ್ಯ ಬಳಸಿ ಆಂಡ್ರಾಯ್ಡ್‌ನಲ್ಲಿ ಕರೆ ರೆಕಾರ್ಡಿಂಗ್ ಮಾಡುತ್ತಿದ್ದವು.
ಆದರೆ ಗೂಗಲ್ ಇದೀಗ ಡೆವಲಪರ್‌ಗಳು ಬಳಸುವ ಈ ಮಾರ್ಗಕ್ಕೂ ಕಡಿವಾಣ ಹಾಕುತ್ತಿದೆ. ಆದರೆ ಫರ್ಸ್ಟ್‌ ಪಾರ್ಟಿ ಡಯಲರ್ ಅಪ್ಲಿಕೇಶನ್‌ಗಳು ಮತ್ತು ಫೋನ್‌ಗಳಲ್ಲಿ ಮೊದಲೇ ಸ್ಥಾಪಿಸಲಾದ ಗೂಗಲ್ ಡಯಲರ್ ಮೂಲಕ ಫೋನ್ ಕರೆಗಳನ್ನು ರೆಕಾರ್ಡ್ ಮಾಡಲು ಸಾಧ್ಯವಾಗುತ್ತದೆ.ಅದರೆ ಇದೂ ಕೂಡ ಬಳಕೆದಾರರ ಪ್ರದೇಶ ಮತ್ತು ಸ್ಮಾರ್ಟ್‌ಫೋನ್ ತಯಾರಕರನ್ನು ಅವಲಂಬಿಸಿದೆ.
ಗೂಗಲ್ ಅಪ್ಡೇಟ್: ಗೂಗಲ್ ಪ್ಲೇ ಸ್ಟೋರ್ ಕನ್ಸೋಲ್ ಸಪೋರ್ಟ್ ವೆಬ್‌ಸೈಟ್‌ ಪೋಸ್ಟ್‌ನಲ್ಲಿ, ಕಂಪನಿಯು ಇತ್ತೀಚೆಗೆ Accessibility API ಅಥವಾ ಅಪ್ಲಿಕೇಶನ್ ಪ್ರೋಗ್ರಾಮಿಂಗ್ ಇಂಟರ್ಫೇಸ್ ಬಳಕೆ ಸೇರಿದಂತೆ ವಿವಿಧ ನೀತಿಗಳನ್ನು ನವೀಕರಿಸುತ್ತಿದೆ ಎಂದು ಘೋಷಿಸಿತ್ತು. ಅಂದರೆ ಆಂಡ್ರಾಯ್ಡ್‌ನಲ್ಲಿ ಬಳಸಲಾಗದ ವೈಶಿಷ್ಟ್ಯಗಳನ್ನು ಬಳಕೆದಾರರಿಗೆ ನೀಡಲು ವಿನ್ಯಾಸಗೊಳಿಸಲಾದ ಅಪ್ಲಿಕೇಶನ್‌ಗಳು ಇದನ್ನು ಬಳಸುತ್ತವೆ. ಕರೆ ರೆಕಾರ್ಡಿಂಗ್ ವೈಶಿಷ್ಟ್ಯ ನೀಡಲು ಎಸಿಆರ್ ಫೋನ್ ಮತ್ತು ಟ್ರೂಕಾಲರ್ ಸೇರಿದಂತೆ ಪ್ಲೇ ಸ್ಟೋರ್‌ನಲ್ಲಿ ಅನೇಕ ಜನಪ್ರಿಯ ಅಪ್ಲಿಕೇಶನ್‌ಗಳು ಇದನ್ನು ಬಳಸುತ್ತವೆ.
ಇದನ್ನೂ ಓದಿ: ಗೂಗಲ್ ಪ್ಲೇ ಸ್ಟೋರ್ ಮಹತ್ವದ ಬದಲಾವಣೆ: ನವೆಂಬರ್‌ನಿಂದ ಈ ಆ್ಯಪ್ಸ್ ಡೌನ್ಲೋಡ್ ಅಸಾಧ್ಯ
ಆಂಡ್ರಾಯ್ಡ್ ಫೋನ್‌ಗಳಲ್ಲಿನ ಕರೆಗಳಿಗೆ ಕರೆ ರೆಕಾರ್ಡಿಂಗ್ ಕಾರ್ಯವನ್ನು ಒದಗಿಸಲು API ಬಳಸುವ ಅಪ್ಲಿಕೇಶನ್‌ಗಳಲ್ಲಿ ಒಂದಾದ ಎಸಿಆರ್ ಫೋನ್‌ನ ಡೆವಲಪರ್, ಬದಲಾವಣೆಗಳು ಥರ್ಡ್‌ ಪಾರ್ಟಿ ಕರೆ ರೆಕಾರ್ಡಿಂಗ್ ಅಪ್ಲಿಕೇಶನ್‌ಗಳ ಮೇಲೆ ಹೇಗೆ ಪರಿಣಾಮ ಬೀರುತ್ತವೆ ಎಂಬುದನ್ನು ವಿವರಿಸಿದ್ದಾರೆ.
Android 10 ಬಿಡುಗಡೆಯೊಂದಿಗೆ, ಬಳಕೆದಾರರ ಗೌಪ್ಯತೆಯನ್ನು ರಕ್ಷಿಸಲು ಮತ್ತು ಪ್ರಪಂಚದಾದ್ಯಂತ ಕರೆ ರೆಕಾರ್ಡಿಂಗ್ ಕಾನೂನುಗಳನ್ನು ಅನುಸರಿಸಲು ಕರೆಗಳ ಸಮಯದಲ್ಲಿ ಆಡಿಯೊವನ್ನು ರೆಕಾರ್ಡ್ ಮಾಡಲು ಸಾಧನದ ಮೈಕ್ರೊಫೋನನ್ನು ಬಳಸುವುವ ಎಲ್ಲಾ ಅಪ್ಲಿಕೇಶನ್‌ಗಳನ್ನು (ಕರೆ ರೆಕಾರ್ಡಿಂಗ್ ಅಪ್ಲಿಕೇಶನ್‌ಗಳನ್ನು ಒಳಗೊಂಡಂತೆ) ಗೂಗಲ್ ನಿರ್ಬಂಧಿಸಿದೆ.
ಈ ಬಳಿಕ Android 10 ಅಥವಾ ನಂತರ ಚಾಲನೆಯಲ್ಲಿರುವ ಫೋನ್‌ಗಳಲ್ಲಿ ಕರೆ ರೆಕಾರ್ಡಿಂಗ್ ಕಾರ್ಯವನ್ನು ನೀಡುವುದನ್ನು ಮುಂದುವರಿಸಲು ಡೆವಲಪರ್‌ಗಳು API ವಿನಂತಿಸಲು ಪ್ರಾರಂಭಿಸಿದರು. ಆದರೆ ಗೂಗಲ್‌ನ ನವೀಕರಿಸಿದ ನೀತಿಯ ಪ್ರಕಾರ, ಕರೆಗಳನ್ನು ರೆಕಾರ್ಡ್ ಮಾಡಲು API ವಿನಂತಿಸುವ ಅಪ್ಲಿಕೇಶನ್‌ಗಳು ಮೇ 11 ರೊಳಗೆ ಹಾಗೆ ಮಾಡುವುದನ್ನು ನಿಲ್ಲಿಸಬೇಕಾಗುತ್ತದೆ.
ಥರ್ಡ್‌ ಪಾರ್ಟಿ ಅಪ್ಲಿಕೇಶನ್ ಬ್ಯಾನ್: ಇದರರ್ಥ Android 10 ಅಥವಾ Google ನ ಆಪರೇಟಿಂಗ್ ಸಿಸ್ಟಂನ ಹೊಸ ಆವೃತ್ತಿಗಳಲ್ಲಿ ಚಾಲನೆಯಲ್ಲಿರುವ ಬಳಕೆದಾರರು ಇನ್ನು ಮುಂದೆ ಥರ್ಡ್‌ ಪಾರ್ಟಿ ಅಪ್ಲಿಕೇಶನ್‌ಗಳನ್ನು ಬಳಸಿಕೊಂಡು ಅಪ್ಲಿಕೇಶನ್‌ಗಳನ್ನು ರೆಕಾರ್ಡ್ ಮಾಡಲು ಸಾಧ್ಯವಾಗುವುದಿಲ್ಲ. ಆದಾಗ್ಯೂ, ನಿರ್ದಿಷ್ಟ ಸಾಧನಗಳಲ್ಲಿ ಮತ್ತು ನಿರ್ದಿಷ್ಟ ಪ್ರದೇಶಗಳಲ್ಲಿ ಬಳಕೆದಾರರು ಅಂತರ್ನಿರ್ಮಿತ ಡಯಲರ್ ಅಪ್ಲಿಕೇಶನನ್ನು ಬಳಸಿಕೊಂಡು ಕರೆಗಳನ್ನು ರೆಕಾರ್ಡ್ ಮಾಡಲು ಸಾಧ್ಯವಾಗುತ್ತದೆ.
ಇದನ್ನೂ ಓದಿ: ಗೂಗಲ್ ಮ್ಯಾಪ್ಸ್‌ ಜಬರ್ದಸ್ತ್ ಫೀಚರ್‌ ಶೀಘ್ರದಲ್ಲೇ ಬಿಡುಗಡೆ: ಪ್ರಯಾಣಕ್ಕೂ ಮುನ್ನವೇ ಟೋಲ್ ಶುಲ್ಕ ಮಾಹಿತಿ!
ಮೇ 11 ರ ಗಡುವು ಸಮೀಪಿಸುತ್ತಿರುವುದರಿಂದ, ಆಂಡ್ರಾಯ್ಡ್‌ನಲ್ಲಿ ಥರ್ಡ್‌ ಪಾರ್ಟಿ ಅಪ್ಲಿಕೇಶನ್‌ಗಳನ್ನು ಬಳಸಿಕೊಂಡು ಕರೆಗಳನ್ನು ರೆಕಾರ್ಡ್ ಮಾಡುವುದನ್ನು ಮುಂದುವರಿಸಲು ಬಳಕೆದಾರರು ಸೈಡ್‌ಲೋಡಿಂಗ್ ಅಥವಾ ಥರ್ಡ್‌ ಪಾರ್ಟಿ ಮೂಲಗಳಿಂದ ಅಪ್ಲಿಕೇಶನ್‌ಗಳನ್ನು ಡೌನ್ಲೋಡ್ ಮಾಡಬೇಕಾಗಬಹುದು. ಆದರೆ ಇಂಟರ್ನೆಟ್‌ನಲ್ಲಿ ಥರ್ಡ್‌ ಪಾರ್ಟಿ ವೆಬ್‌ಸೈಟ್‌ಗಳಿಂದ ಡೌನ್ಲೋಡ್ ಮಾಡಿದ ದುರುದ್ದೇಶಪೂರಿತವಾಗಿ ಮಾರ್ಪಡಿಸಿದ ಅಪ್ಲಿಕೇಶನ್‌ಗಳು ಅಪಾಯಕಾರಿಯಾಗಿರಬಹುದು.
ಹೊಸ ನೀತಿಯು ಜಾರಿಗೆ ಬಂದಾಗ API ವಿನಂತಿಸುವುದನ್ನು ಮುಂದುವರಿಸುವ ಅಸ್ತಿತ್ವದಲ್ಲಿರುವ ಕರೆ ರೆಕಾರ್ಡಿಂಗ್ ಅಪ್ಲಿಕೇಶನ್‌ಗಳನ್ನು ಪ್ಲೇ ಸ್ಟೋರ್‌ನಿಂದ ತೆಗೆದುಹಾಕಲಾಗುತ್ತದೆಯೇ ಎಂಬುದನ್ನು ಗೂಗಲ್ ಇನ್ನೂ ನಿರ್ದಿಷ್ಟಪಡಿಸಿಲ್ಲ.