Semicon India Programme: ಭಾರತದಲ್ಲಿ ಉದ್ಯಮ ಸ್ಥಾಪಿಸಲು 5 ಕಂಪನಿಗಳ ₹1.53 ಲಕ್ಷ ಕೋಟಿ ಪ್ರಸ್ತಾವನೆ!

1.53 ಲಕ್ಷ ಕೋಟಿ ಹೂಡಿಕೆಯೊಂದಿಗೆ ಎಲೆಕ್ಟ್ರಾನಿಕ್ ಚಿಪ್ ಮತ್ತು ಡಿಸ್ಪ್ಲೇ ಉತ್ಪಾದನಾ ಘಟಕಗಳನ್ನು ಸ್ಥಾಪಿಸಲು ಐದು ಕಂಪನಿಗಳು ಸರ್ಕಾರಕ್ಕೆ ಪ್ರಸ್ತಾವನೆ ಕಳುಹಿಸಿವೆ.

ನವದೆಹಲಿ (ಫೆ. 20): 1.53 ಲಕ್ಷ ಕೋಟಿ ಹೂಡಿಕೆಯೊಂದಿಗೆ ಎಲೆಕ್ಟ್ರಾನಿಕ್ ಚಿಪ್ (Electronic Chip) ಮತ್ತು ಡಿಸ್ಪ್ಲೇ (Display) ಉತ್ಪಾದನಾ ಘಟಕಗಳನ್ನು ಸ್ಥಾಪಿಸಲು ಐದು ಕಂಪನಿಗಳಿಂದ ಸರ್ಕಾರವು ಪ್ರಸ್ತಾವನೆಗಳನ್ನು ಸ್ವೀಕರಿಸಿದೆ ಎಂದು ಅಧಿಕೃತ ಹೇಳಿಕೆ ಶನಿವಾರ ತಿಳಿಸಿದೆ. Vedanta Foxconn JV, IGSS Ventures ಮತ್ತು ISMC USD 13.6 ಶತಕೋಟಿ ಹೂಡಿಕೆಯೊಂದಿಗೆ ಎಲೆಕ್ಟ್ರಾನಿಕ್ ಚಿಪ್ ಉತ್ಪಾದನಾ ಘಟಕಗಳನ್ನು ಸ್ಥಾಪಿಸಲು ಪ್ರಸ್ತಾಪಿಸಿವೆ ಮತ್ತು 76,000 ಕೋಟಿ ಸೆಮಿಕಾನ್ ಇಂಡಿಯಾ ಕಾರ್ಯಕ್ರಮದ ಅಡಿಯಲ್ಲಿ ಕೇಂದ್ರದಿಂದ USD 5.6 ಶತಕೋಟಿ ಬೆಂಬಲವನ್ನು ಕೋರಿದೆ ಎಂದು ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವಾಲಯ ತಿಳಿಸಿದೆ.

ಫೆಬ್ರವರಿ 15 ರಂದು ಸೆಮಿಕಾನ್ ಕಾರ್ಯಕ್ರಮಕ್ಕಾಗಿ ಸರ್ಕಾರವು ಮೊದಲ ಸುತ್ತಿನ ಅಪ್ಲಿಕೇಶನ್ ವಿಂಡೋವನ್ನು ಮುಚ್ಚಿದೆ. ಆದರೆ ಉದ್ಯಮದ ಆಸಕ್ತಿಯ ಆಧಾರದ ಮೇಲೆ ಮತ್ತೊಂದು ಸುತ್ತನ್ನು ಪ್ರಾರಂಭಿಸಲಿದೆ. ಸಚಿವ ಸಂಪುಟ (Cabinet) ಅನುಮೋದಿಸಿದ ಸೆಮಿಕಂಡಕ್ಟರ್‌ಗಳಿಗೆ ಪ್ರೋತ್ಸಾಹಕ ಯೋಜನೆಯಡಿ ಮುಂದಿನ ನಾಲ್ಕು ವರ್ಷಗಳಲ್ಲಿ ಸುಮಾರು 1.7 ಲಕ್ಷ ಕೋಟಿ ಹೂಡಿಕೆ ಮತ್ತು 1.35 ಲಕ್ಷ ಉದ್ಯೋಗಗಳನ್ನು ಸೃಷ್ಟಿಸುವ ನಿರೀಕ್ಷೆಯನ್ನು ಸರ್ಕಾರ ಹೊಂದಿದೆ.

ಇದನ್ನೂ ಓದಿ: India Semiconductor Mission: ಎಲೆಕ್ಟ್ರಾನಿಕ್ಸ್ ಮತ್ತು ಐಟಿ ಸಚಿವಾಲಯದಿಂದ ವಿವಿಧ ಹುದ್ದೆಗಳಿಗೆ ನೇಮಕಾತಿ!

5 ಕಂಪನಿಗಳ ₹1.53 ಲಕ್ಷ ಕೋಟಿ  ಪ್ರಸ್ತಾವನೆ: "ಸೆಮಿಕಾನ್ ಇಂಡಿಯಾ ಕಾರ್ಯಕ್ರಮಕ್ಕಾಗಿ ಮೀಸಲಾದ ಸಂಸ್ಥೆಯಾಗಿ ಸ್ಥಾಪಿಸಲಾದ ಇಂಡಿಯಾ ಸೆಮಿಕಂಡಕ್ಟರ್ ಮಿಷನ್, USD 20.5 Bn (INR 153,750 ಕೋಟಿ) ಮೊತ್ತದ ಒಟ್ಟು ಹೂಡಿಕೆಯೊಂದಿಗೆ ಸೆಮಿಕಂಡಕ್ಟರ್ ಮತ್ತು ಡಿಸ್ಪ್ಲೇ ಫ್ಯಾಬ್‌ಗಳಿಗಾಗಿ 5 ಅರ್ಜಿಗಳನ್ನು ಸ್ವೀಕರಿಸಿದೆ" ಎಂದು ಐಟಿ ಸಚಿವಾಲಯ ತಿಳಿಸಿದೆ. 

ವೇದಾಂತ ಮತ್ತು ಎಲೆಸ್ಟ್ USD 6.7 ಶತಕೋಟಿಯ ಯೋಜಿತ ಹೂಡಿಕೆಯೊಂದಿಗೆ ಡಿಸ್ಪ್ಲೇ ತಯಾರಿಕಾ ಘಟಕವನ್ನು ಸ್ಥಾಪಿಸಲು ಪ್ರಸ್ತಾಪಿಸಿವೆ ಮತ್ತು ಭಾರತದಲ್ಲಿ ಡಿಸ್ಪ್ಲೇ ಫ್ಯಾಬ್‌ಗಳನ್ನು ಸ್ಥಾಪಿಸಲು ಯೋಜನೆಯಡಿಯಲ್ಲಿ ಕೇಂದ್ರದಿಂದ USD 2.7 ಶತಕೋಟಿ ಬೆಂಬಲವನ್ನು ಕೋರಿದೆ. ಇದಲ್ಲದೇ, SPEL Semiconductor, HCL, Syrma Technology ಮತ್ತು Valenkani Electronics ಸೆಮಿಕಂಡಕ್ಟರ್ ಪ್ಯಾಕೇಜಿಂಗ್‌ಗಾಗಿ ನೋಂದಾಯಿಸಿಕೊಂಡಿವೆ ಮತ್ತು  Ruttonsha International Rectifier ಕಂಪೌಂಡ್‌ ಸೆಮಿಕಂಡಕ್ಟರ್‌ಗಳಿಗಾಗಿ ನೋಂದಾಯಿಸಿದೆ.

ಮೂರು ಕಂಪನಿಗಳು -- ಟರ್ಮಿನಸ್ ಸರ್ಕ್ಯೂಟ್ಸ್, ಟ್ರಿಸ್ಪೇಸ್ ಟೆಕ್ನಾಲಜೀಸ್ ಮತ್ತು ಕ್ಯೂರಿ ಮೈಕ್ರೋಎಲೆಕ್ಟ್ರಾನಿಕ್ಸ್, ಡಿಸೈನ್ ಲಿಂಕ್ಡ್ ಇನ್ಸೆಂಟಿವ್ ಸ್ಕೀಮ್ ಅಡಿಯಲ್ಲಿ ಅರ್ಜಿಗಳನ್ನು ಸಲ್ಲಿಸಿವೆ.

ಇದನ್ನೂ ಓದಿ: Intel Unit In India: ಕೇಂದ್ರ ಸರ್ಕಾರದ ಹೊಸ ಯೋಜನೆಗೆ ಪೂರಕ ಸ್ಪಂದನೆ

30 ಪ್ರತಿಶತದವರೆಗೆ ಹಣಕಾಸಿನ ನೆರವು:  "28 ನ್ಯಾನೋಮೀಟರ್ (nm) ನಿಂದ 65 nm ಸೆಮಿಕಂಡಕ್ಟರ್ ಫ್ಯಾಬ್‌ಗಳನ್ನು ತಿಂಗಳಿಗೆ ಸರಿಸುಮಾರು 120,000 ವೇಫರ್‌ಗಳ ಸಾಮರ್ಥ್ಯದೊಂದಿಗೆ ಹೊಂದಿಸಲು ಅರ್ಜಿಗಳನ್ನು ಸ್ವೀಕರಿಸಲಾಗಿದೆ" ಎಂದು ಹೇಳಿಕೆ ತಿಳಿಸಿದೆ. ಸರ್ಕಾರವು 28 nm ನಿಂದ 45 nm ವರೆಗಿನ ಚಿಪ್‌ಗಳಿಗೆ 40 ಪ್ರತಿಶತದವರೆಗೆ ಮತ್ತು 45 nm ನಿಂದ 65 nm ವೇಫರ್‌ಗಳಿಗೆ ಉತ್ಪಾದನಾ ಘಟಕಗಳನ್ನು ಸ್ಥಾಪಿಸಲು 30 ಪ್ರತಿಶತದವರೆಗೆ ಹಣಕಾಸಿನ ನೆರವು ನೀಡುತ್ತಿದೆ. 

ಭಾರತೀಯ ಸೆಮಿಕಂಡಕ್ಟರ್ ಮಾರುಕಟ್ಟೆಯು 2020 ರಲ್ಲಿ USD 15Bn ನಲ್ಲಿ ನಿಂತಿದೆ ಮತ್ತು 2026 ರ ವೇಳೆಗೆ USD 63 ಶತಕೋಟಿ ತಲುಪುತ್ತದೆ ಎಂದು ಅಂದಾಜಿಸಲಾಗಿದೆ. ಸೆಮಿಕಂಡಕ್ಟರ್ ಉತ್ಪಾದನಾ ಪ್ರಕ್ರಿಯೆಯು ಸೆಮಿಕಂಡಕ್ಟರ್ ವೇಫರ್‌ಗಳನ್ನು ತಯಾರಿಸುವ ಸಂಕೀರ್ಣ, ಬಂಡವಾಳ ಮತ್ತು ತಂತ್ರಜ್ಞಾನದ ಪ್ರಕ್ರಿಯೆಯಾಗಿದೆ"

"ಇಂಡಿಯಾ ಸೆಮಿಕಂಡಕ್ಟರ್ ಮಿಷನ್ (ISM) ವಿಶ್ವ ದರ್ಜೆಯ ಮೂಲಸೌಕರ್ಯಗಳಿಗೆ ಪ್ರವೇಶವನ್ನು ಒದಗಿಸಲು ರಾಜ್ಯಗಳನ್ನು ತಲುಪಿದ ಅರ್ಜಿದಾರ ಕಂಪನಿಗಳೊಂದಿಗೂ ಸಹಕರಿಸಲಿದೆ. ಇದು 300 - 500 ಎಕರೆ ಅಭಿವೃದ್ಧಿ ಹೊಂದಿದ ಭೂಮಿ, 100 KVA ಪವರ್, 50 MLD (ದಿನಕ್ಕೆ ಮಿಲಿಯನ್ ಲೀಟರ್) ನೀರು, ನೈಸರ್ಗಿಕ ಅನಿಲಗಳ ಲಭ್ಯತೆ, ಪರೀಕ್ಷೆ ಮತ್ತು ಪ್ರಮಾಣೀಕರಣಕ್ಕಾಗಿ ಸಾಮಾನ್ಯ ಸೌಲಭ್ಯ ಕೇಂದ್ರಗಳೊಂದಿಗೆ ಹೈಟೆಕ್ ಕ್ಲಸ್ಟರ್ಗಳನ್ನು ಸ್ಥಾಪಿಸಲು ರಾಜ್ಯ ಸರ್ಕಾರಗಳೊಂದಿಗೆ ನಿಕಟವಾಗಿ ಕೆಲಸ ಮಾಡುತ್ತದೆ" ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.