ನೂತನ ಹೊಂಡಾ ನವಿ ಸ್ಕೂಟರ್ ಮತ್ತೆ ಪ್ರವೇಶಿಸಿದೆ. ಹಳೇ ನವಿ ಸ್ಕೂಟರ್ ಹಾಗೂ ನೂತನ ನವಿ ಸ್ಕೂಟರ್‌ಗೆ ಇರೋ ವ್ಯತ್ಯಾಸವೇನು? ನೂತನ ಸ್ಕೂಟರ್ ಬೆಲೆ ಎಷ್ಟು? ಇಲ್ಲಿದೆ ವಿವರ
ಬೆಂಗಳೂರು(ಜು.21): ಹೊಂಡಾ ಮೊಟಾರ್ ಸಂಸ್ಥೆ ನೂತನ ನವಿ ಸ್ಕೂಟರ್ ಬಿಡುಗಡೆ ಮಾಡಿದೆ. ಹೊಸ ವಿನ್ಯಾಸ, ಬಣ್ಣ ಹಾಗೂ ಆಧುನಿಕ ತಂತ್ರಜ್ಞಾನದೊಂದಿಗೆ ನೂತನ ನವಿ ಸ್ಕೂಟರ್ ಬಿಡುಗಡೆಯಾಗಿದೆ.
2016ರಲ್ಲಿ ಹೊಂಡಾ ಇದೇ ನವಿ ಸ್ಕೂಟರ್ ಲಾಂಚ್ ಮಾಡಿತ್ತು. ಇದೀಗ 2 ವರ್ಷಗಳ ಬಳಿಕ ಹೊಸ ವಿನ್ಯಾಸದೊಂದಿಗೆ ಹೊಂಡಾ ನವಿ ಸ್ಕೂಟರ್ ಮತ್ತೆ ರೋಡಿಗಿಳಿಯುತ್ತಿದೆ. ನೂತನ ನವಿ ಸ್ಕೂಟರ್ ಬೆಲೆ 44,775 ರೂಪಾಯಿ(ಎಕ್ಸ್ ಶೋರೂಂ).
ಹಳೇ ಹಾಗೂ ನೂತನ ನವಿ ಸ್ಕೂಟರ್ ಇಂಜಿನ್‌ನಲ್ಲಿ ಹೆಚ್ಚಿನ ಬದಲಾಣೆ ಇಲ್ಲ. 109 ಸಿಸಿ ಸಿಂಗಲ್ ಸಿಲಿಂಡರ್, 8 ಬಿಹೆಚ್‌ಪಿ ಪವರ್ ಹಾಗೂ 7000 ಆರ್‌ಪಿಎಮ್ ಹೊಂದಿದೆ. ನೂತನ ನವಿ ಸ್ಕೂಟರ್ ಮತ್ತೆರಡು ಹೊಸ ಬಣ್ಣಗಳಲ್ಲೂ ಲಭ್ಯವಿದೆ.
ರೇಂಜ್ ಗ್ರೀನ್ ಹಾಗೂ ಲಡಾಕ್ ಬ್ರೌನ್ ಬಣ್ಣಗಳಲ್ಲಿ ನವಿ ಸ್ಕೂಟರ್ ಲಭ್ಯವಿದೆ. ಈ ಮೂಲಕ ಓಟ್ಟು 6 ಬಣ್ಣಗಳಲ್ಲಿ ನವಿ ಸ್ಕೂಟರ್ ಮಾರುಕಟ್ಟೆ ಪ್ರವೇಶಿಸಿದೆ. ಸ್ಪೋರ್ಟ್ ಲುಕ್ ಜೊತೆ ಆಕರ್ಷಕ ವಿನ್ಯಾಸದೊಂದಿಗೆ ಗ್ರಾಹಕರನ್ನ ಮೋಡಿ ಮಾಡಲಿದೆ ಅನ್ನೋ ವಿಶ್ವಾಸ ಹೊಂಡಾ ಸಂಸ್ಥೆಯದ್ದಾಗಿದೆ.