ಆಕೆಗೆ ಈ ಶತಕವನ್ನು ಉಡುಗೊರೆಯಾಗಿ ನೀಡುತ್ತೇನೆ’ ಎಂದು ಗೇಲ್ ಶತಕದ ಬಳಿಕ ಹೇಳಿದರು
ಐಪಿಎಲ್‌ನಲ್ಲಿ ತಮ್ಮ 6ನೇ ಶತಕವನ್ನು ಗೇಲ್ ತಮ್ಮ ಮಗಳು ಕ್ರಿಸ್ ಆಲಿನಾಗೆ ಅರ್ಪಿಸಿದ್ದಾರೆ. ‘ಶುಕ್ರವಾರ ನನ್ನ ಮಗಳ 2ನೇ ಹುಟ್ಟುಹಬ್ಬ. ಆಕೆಗೆ ಈ ಶತಕವನ್ನು ಉಡುಗೊರೆಯಾಗಿ ನೀಡುತ್ತೇನೆ’ ಎಂದು ಗೇಲ್ ಶತಕದ ಬಳಿಕ ಹೇಳಿದರು. ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದ ಬಳಿಕ ಮಾತನಾಡಿದ ಗೇಲ್, ‘ನನ್ನನ್ನು ಆಯ್ಕೆ ಮಾಡುವ ಮೂಲಕ ಸೆಹ್ವಾಗ್ ಐಪಿಎಲ್ ಅನ್ನು ಉಳಿಸಿದ್ದಾರೆ. ನಾನು 2 ಪಂದ್ಯ ಗೆಲ್ಲಿಸಿದರೆ ಸಾಕು, ನಾವು ಗೇಲ್ ಮೇಲೆ ಹಾಕಿದ ಬಂಡವಾಳ ವಾಪಸ್ ಬಂದಂತೆ ಎಂದು ವೀರೂ ಹೇಳಿದ್ದರು. ಆ ಬಗ್ಗೆ ಅವರೊಂದಿಗೆ ಮಾತನಾಡಬೇಕಿದೆ’ ಎಂದು ತಮಾಷೆ ಮಾಡಿದರು.