ವಿಜಿಗೆ ಸಾಟಿಯಾಗದ ಚೆಕಾ
ಸಾರಾಂಶ
ಈ ಗೆಲುವಿನೊಂದಿಗೆ ವೃತ್ತಿಪರ ಬಾಕ್ಸಿಂಗ್ನಲ್ಲಿ ಸತತ ಎಂಟನೇ ಗೆಲುವು ಸಾಧಿಸಿದ ವಿಜಿ ತನ್ನ ಅಜೇಯ ಯಾತ್ರೆ ಮುಂದುವರಿಸಿದರು.
ನವದೆಹಲಿ(ಡಿ.18): ‘‘ರಿಂಗ್'ನ ಆಚೆ ಏನನ್ನೂ ಹೇಳಲು ಇಚ್ಛಿಸುವುದಿಲ್ಲ. ಏಕೆಂದರೆ, ರಿಂಗ್ನೊಳಗೆ ನನ್ನ ಪಂಚ್ಗಳೇ ನಾನು ಹೇಳದ್ದೆಲ್ಲವನ್ನೂ ಮಾರ್ದನಿಸುತ್ತವೆ.'' ಅನುಭವಿ ಬಾಕ್ಸರ್ ಫ್ರಾನ್ಸಿಸ್ ಚೆಕಾ ವಿರುದ್ಧ 3-0 ಅಂತರದಿಂದ ಗೆಲುವು ಪಡೆದು ಡಬ್ಲ್ಯೂಬಿಒ ಏಷ್ಯಾ ಪೆಸಿಫಿಕ್ ಬಾಕ್ಸಿಂಗ್ ಚಾಂಪಿಯನ್ಶಿಪ್ ಗೆದ್ದ ಬಳಿಕ ಭಾರತದ ನಂ.1 ವೃತ್ತಿಪರ ಬಾಕ್ಸರ್ ವಿಜೇಂದರ್ ಸಿಂಗ್ ಆಡಿದ ನುಡಿಗಳಿವು.
ಇಲ್ಲಿನ ತ್ಯಾಗರಾಜ ಒಳಾಂಗಣ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಜಿದ್ದಾಜಿದ್ದಿನ ಕಾದಾಟದಲ್ಲಿ ವಿಜೇಂದರ್ ಸಿಂಗ್ ಅವರ ಶಕ್ತಿಶಾಲಿ ಹಾಗೂ ಚಾಣಾಕ್ಷ ಪಂಚ್ಗಳಿಗೆ ತತ್ತರಿಸಿದ ಚೆಕಾ ಮೂರು ಸುತ್ತಿನಲ್ಲೇ ತಲೆಗಿರಕಿ ಹೊಡೆದು ಕುಸಿದು ಬಿದ್ದರು. ಮೊದಲ ರೌಂಡ್ನಲ್ಲಿ 3-1ರಿಂದ ಮೇಲುಗೈ ಮೆರೆದ ವಿಜೇಂದರ್, ಆ ನಂತರದ ಎರಡನೇ ಸುತ್ತಿನಲ್ಲಿ 7-3ರ ಮುನ್ನಡೆ ಪಡೆದರು.
ಇನ್ನು ತೃತೀಯ ಸುತ್ತಿನಲ್ಲಂತೂ ಅತ್ಯಂತ ಆಕ್ರಮಣ ಕಾರಿಯಾದ ವಿಜೇಂದರ್ ಸಿಂಗ್, ಚೆಕಾ ಅವರನ್ನು ಕೆಳಕ್ಕೆ ಕೆಡವಿ ಜಯಭೇರಿ ಬಾರಿಸಿದರು. ಈ ಗೆಲುವಿನೊಂದಿಗೆ ವೃತ್ತಿಪರ ಬಾಕ್ಸಿಂಗ್ನಲ್ಲಿ ಸತತ ಎಂಟನೇ ಗೆಲುವು ಸಾಧಿಸಿದ ವಿಜಿ ತನ್ನ ಅಜೇಯ ಯಾತ್ರೆ ಮುಂದುವರಿಸಿದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.