ಮಿಥಾಲಿ ಗರ್ಲ್ಸ್, ಕೊಹ್ಲಿ ಬಾಯ್ಸ್ ಒಗ್ಗೂಡಿದ್ರೆ ಹೇಗಿರುತ್ತೆ..?: ಇಲ್ಲಿದೆ ಭಾರತ ಕಂಬೈನ್ಡ್ ಇಲೆವನ್ ತಂಡ

ಭಾರತದಲ್ಲಿ ಪುರುಷ ಕ್ರಿಕೆಟ್​ಗೆ ಸಿಗುವಷ್ಟು ಮಾನ್ಯತೆ ಮಹಿಳಾ ಕ್ರಿಕೆಟ್​​ಗೆ ಸಿಗುತ್ತಿಲ್ಲ ಅನ್ನೋ ಕೂಗು ಇಂದು ನಿನ್ನೆಯದಲ್ಲ. ಆದ್ರೆ ಮೊನ್ನೆ ಮಿಥಾಲಿ ಪಡೆ ಮಹಿಳಾ ವಿಶ್ವಕಪ್​ನಲ್ಲಿ ಮಾಡಿದ ಮೋಡಿ ಅಷ್ಟಿ​​​​​ಷ್ಟಲ್ಲ. ಸದ್ಯ ಭಾರತದಲ್ಲಿ ಕೊಹ್ಲಿ ಹುಡುಗರಿಗಿಂತ ಮಿಥಾಲಿ ಹುಡುಗಿಯರ ಬಗ್ಗೆ ಟಾಕ್​​ಗಳು ಹೆಚ್ಚಾಗಿದೆ. ಭಾರತದ ಮಹಿಳಾ ತಂಡವನ್ನ ಬ್ಲೂ ಬಾಯ್ಸ್​​​​ ಸಮಾನವಾಗಿ ಕಾಣ್ತಿದ್ದಾರೆ. ಇವೆರಡೂ ತಂಡವನ್ನ ಸೇರಿಸಿ ಒಂದು ತಂಡವನ್ನಾಗಿ ಮಾಡಿದ್ರೆ ಹೇಗಿರುತ್ತೆ.? ಪುರುಷ ಮತ್ತು ಮಹಿಳಾ ಕ್ರಿಕೆಟ್​​​ ತಂಡವನ್ನ ಕಂಬೈನ್ಡ್​​​​ ಮಾಡಿ. ಟೀಂ ಇಂಡಿಯಾ ಕಂಬೈನ್ಡ್​​​​ ಟೀಂ ಅಂತ ನಾವು ಒಂದು ತಂಡವನ್ನ ರೆಡಿ ಮಾಡಿದ್ದೇವೆ. ಈ ತಂಡ ವಿಶ್ವದ ಯಾವುದೇ ಟೀಂ ಅನ್ನ ಸುಲಭವಾಗಿ ಮಣ್ಣು ಮುಕ್ಕಿಸುತ್ತೆ.

ಪೂನಮ್​​​ ರಾವತ್​​ - ಶಿಖರ್​​​ ಧವನ್​​ ಓಪನರ್ಸ್​​​​​​

ಸದ್ಯ ಪುರುಷ ಕ್ರಿಕೆಟ್​​​​'ನಲ್ಲಿ ಶಿಖರ್​​​ ಧವನ್​​​ ಮತ್ತು ವುಮೆನ್ಸ್​​​ ಕ್ರಿಕೆಟ್​​ನಲ್ಲಿ ಪೂನಂ ರಾವತ್​​ ಅದ್ಭುತ ಫಾರ್ಮ್​ನಲ್ಲಿದ್ದಾರೆ. ಇಬ್ಬರೂ ತಮ್ಮ ತಮ್ಮ ತಂಡಕ್ಕೆ ರನ್​ ಗುಡ್ಡೆ ಹಾಕುತ್ತಿದ್ದಾರೆ. ಸೋ ಇವರಿಬ್ಬರನ್ನ ಕಂಬೈನ್ಡ್​​​​ ಟೀಂನ ಓಪನರ್ಸ್​​​. ಇವರಿಬ್ಬರೂ ಸೇರಿಕೊಂಡ್ರೆ ತಂಡಕ್ಕೆ ಉತ್ತಮ ಓಪನ್ನಿಂಗ್​​ ಸಿಗುವುದರೆಲ್ಲಿ ಅನುಮಾನವಿಲ್ಲ​​​​​.

ಕೊಹ್ಲಿ, ಮಿಥಾಲಿ​​​​, ಕೌರ್​​​​, ಧೋನಿ ಮಿಡ್ಲ್​​​​ ಆರ್ಡರ್​​​​​ ಬಲ

ಒಂದು ವೇಳೆ ಕಂಬೈನ್ಡ್​​​​ ಟೀಂನ ಓಪನರ್ಸ್​​​ ಕೈ ಕೊಟ್ರೆ 2ನೇ ವಿಕೆಟ್​​​​ಗೆ ಟೀಂ ಇಂಡಿಯಾ ನಾಯಕ ವಿರಾಟ್​​​ ಕೊಹ್ಲಿ ಕಣಕ್ಕಿಳಿಯಲಿದ್ದಾರೆ. 3ನೇ ವಿಕೆಟ್​​ಗೆ ಮಹಿಳಾ ತಂಡದ ನಾಯಕಿ ಮಿಥಾಲಿ ರಾಜ್​​​​​ ಬಂದರೆ 5ನೇ ಕ್ರಮಾಮಕದಲ್ಲಿ ಪಂಜಾಬ್​​ ಪುತ್ರಿ ಹರ್ಮನ್​​ಪ್ರೀತ್​​​​ ಕೌರ್​​​​ ಅಖಾಡಕ್ಕೆ ಇಳಿಯಲಿದ್ದಾರೆ. ಕೊನೆಯದಾಗಿ ಫಿನಿಶರ್​​​ ಎಂ.ಎಸ್​​​ ಧೋನಿ ಎದುರಾಳಿಗಳಿಗೆ ಸಿಂಹಸ್ವಪ್ನರಾಗಲಿದ್ದಾರೆ.

ದೀಪ್ತಿ ಶರ್ಮಾ - ರವೀಂದ್ರ ಜಡೇಜಾ ಆಲ್​ರೌಂಡರ್ಸ್​​​

ಯಾವುದೇ ತಂಡವಾದರೂ ಆಲರೌಂಡರ್ಸ್​​​​​ ತಂಬಾನೇ ಮುಖ್ಯ. ಆದರೆ ಕಂಬೈನ್ಡ್​​​​ ಟೀಂ ಇಂಡಿಯಾದಲ್ಲಿ ವಿಶ್ವದ ಬೆಸ್ಟ್​​​ ಆಲ್​ರೌಂಡರ್ಸ್​​​​ ಇದ್ದಾರೆ. ಮಹಿಳಾ ತಂಡದಿಂದ ದೀಪ್ತಿ ಶರ್ಮಾ ಇದ್ದರೆ ಪುರುಷ ತಂಡದಿಂದ ರವೀಂದ್ರ ಜಡೇಜಾ ಇದ್ದಾರೆ. ಇವರಿಬ್ಬರೂ ಬ್ಯಾಟಿಂಗ್​​ ಮಾತ್ರವಲ್ಲದೇ ತಮ್ಮ ಸ್ಪಿನ್​ ಮೋಡಿಯಿಂದ ಎದುರಾಳಿ ತಂಡಕ್ಕೆ ಮಾರಕ ಎನಿಸಲಿದ್ದಾರೆ.

​ಬೌಲಿಂಗ್​​ ತ್ರಿಮೂರ್ತಿಗಳು ಯಾರ್ಯಾರು..?

​ಇನ್ನೂ ಕೊನೆಯದಾಗಿ ಕಂಬೈನ್ಡ್​​​​ ಟೀಂ ಇಂಡಿಯಾದ ಬೌಲರ್​​​ಗಳು ಅಂದ್ರೆ ಮಿಥಾಲಿ ಪಡೆಯ ಅನುಭವಿ ವೇಗಿ ಜುಲನ್​ ಗೋಸ್ವಾಮಿ ಹಾಗೂ ಕೊಹ್ಲಿ ಪಡೆಯ ಫ್ರಂಟ್​​​ ಲೈನ್​​ ಬೌಲರ್ಸ್​​​​ ಭುವನೇಶ್ವರ್​​​ ಕುಮಾರ್​​​ ಮತ್ತು ಜಸ್​​ಪ್ರೀತ್​​ ಬುಮ್ರಾ. ಈ ಮೂರು ವೇಗಿಗಳನ್ನ ಒಂದೇ ತಂಡದಲ್ಲಿರುವುದನ್ನ ಕಂಡರೆ ಎದುರಾಳಿ ತಂಡ ನೆಮ್ಮದಿಯಾಗಿ ನಿದ್ದೆ ಮಾಡೋದೇ ಇಲ್ಲ. ಅಷ್ಟರ ಮಟ್ಟಿಗಿರುತ್ತೆ ಈ ತ್ರಿಮೂರ್ತಿಗಳ ಬೌಲಿಂಗ್​ ದಾಳಿ.

ಈ ಕಂಬೈನ್ಡ್​​​ ಟೀಂ ಇಂಡಿಯಾವನ್ನ ಉಹಿಸಿಕೊಂಡರೆ ಮೈ ಜುಮ್​ ಎನ್ನಿಸುತ್ತೆ. ಇನ್ನೇನಾದರೂ ಈ ರೀತಿಯ ಒಂದು ತಂಡ ತಯಾರಾಗಿ ಬಿಟ್ಟರೆ ವಿಶ್ವದ ಯಾವುದೇ ಬಲಿಷ್ಠ ತಂಡವಾದ್ರೂ ದಂಗಾಗಿಬಿಡುತ್ತೆ. ಈ ಒಂದು ತಂಡವಿದ್ರೆ ಯಾವುದೇ ಟೂರ್ನಿಯಾದರೂ ಸುಲಭವಾಗಿ ಮಣಿಸುವುದರಲ್ಲಿ ಅನುಮಾನವೇ ಇಲ್ಲ​​​.