ಧೋನಿ ಸಿಕ್ಸ್ ನುಂಗಿದ ಸ್ಪೈಡರ್ ಕ್ಯಾಮರಾ..!: 200ನೇ ಸಿಕ್ಸ್ ಡೆಡ್ ಬಾಲ್ ಆಯ್ತು..!

ಮಹೇಂದ್ರ ಸಿಂಗ್ ಧೋನಿ ಮೊನ್ನೆ 200 ಸಿಕ್ಸ್ ಸಿಡಿಸಿದ ಸಾಧನೆ ಮಾಡಿದರು. ಆದರೆ ಅವರ 200ನೇ ಸಿಕ್ಸ್ ಅನ್ನ ಅಂಪೈರ್ ಕೊಡಲೇ ಇಲ್ಲ. 200ನೇ ಸಿಕ್ಸ್​'ಗಾಗಿ ಮಹಿ ಮತ್ತೊಂದು ಸಿಕ್ಸ್ ಹೊಡೆಯಬೇಕಾಯಿತು. ಅಂಪೈರ್ ಯಾಕೆ ಆ ಸಿಕ್ಸ್ ಅನ್ನು ಸಿಕ್ಸ್ ಎಂದು ಘೋಷಿಸಲಿಲ್ಲ ಅಂತ ಯೋಚ್ನೆ ಮಾಡ್ತಿದ್ರೆ ಈ ಸ್ಟೋರಿ ನೋಡಿ.

ಕಟಕ್(ಜ.21): ಮಹೇಂದ್ರ ಸಿಂಗ್ ಧೋನಿ ಮೊನ್ನೆ 200 ಸಿಕ್ಸ್ ಸಿಡಿಸಿದ ಸಾಧನೆ ಮಾಡಿದರು. ಆದರೆ ಅವರ 200ನೇ ಸಿಕ್ಸ್ ಅನ್ನ ಅಂಪೈರ್ ಕೊಡಲೇ ಇಲ್ಲ. 200ನೇ ಸಿಕ್ಸ್​'ಗಾಗಿ ಮಹಿ ಮತ್ತೊಂದು ಸಿಕ್ಸ್ ಹೊಡೆಯಬೇಕಾಯಿತು. ಅಂಪೈರ್ ಯಾಕೆ ಆ ಸಿಕ್ಸ್ ಅನ್ನು ಸಿಕ್ಸ್ ಎಂದು ಘೋಷಿಸಲಿಲ್ಲ ಅಂತ ಯೋಚ್ನೆ ಮಾಡ್ತಿದ್ರೆ ಈ ಸ್ಟೋರಿ ನೋಡಿ.

ಎಲ್ಲಿ ಹೋಯ್ತು ಆ ಒಂದು ಸಿಕ್ಸ್

ಕಟಕ್​​ನ ಬಾರಬತಿ ಸ್ಟೇಡಿಯಂನಲ್ಲಿ ಮಹೇಂದ್ರ ಸಿಂಗ್ ಧೋನಿಯದ್ದೇ ಸದ್ದು. ಒಂದು ಕಡೆ ಯುವರಾಜನ ಅಬ್ಬರ ನಡೆಯುತ್ತಿದ್ದರೆ, ಮತ್ತೊಂದ ಕಡೆ ಕೂಲ್​ ಮಹಿಯ ಆರ್ಭಟ ನಡೆಸಿದ್ರು. ಆರಂಭದಲ್ಲಿ ಕೂಲಾಗಿಯೇ ಇದ್ದ ಧೋನಿ, ಹಾಫ್ ಸೆಂಚುರಿ ಬಾರಿಸಿದ ನಂತ್ರ ತಮ್ಮ ಗೈರ್ ಚೇಂಜ್ ಮಾಡಿದ್ರು.

ಮೊನ್ನೆ ಮಹಿ ನೂತನ ರೆಕಾರ್ಡ್​ ಮಾಡಿದ್ರು. ಒಂಡೇ ಕ್ರಿಕೆಟ್​ನಲ್ಲಿ 200 ಸಿಕ್ಸ್ ಹೊಡೆದ ಮೊದಲ ಭಾರತೀಯ ಆಟಗಾರ ಎಂಬ ಕೀರ್ತಿಗೆ ರಾಂಚಿ ಱಂಬೋ ಪಾತ್ರರಾದ್ರು. ಇಂಗ್ಲೆಂಡ್ ವಿರುದ್ಧ ಸೆಕೆಂಡ್ ಮ್ಯಾಚ್​ನಲ್ಲಿ ಧೋನಿ ಸಿಕ್ಸರ್​ಗಳ ಸುರಿಮಳೆಗೈಯ್ದರು. ಮೈದಾನದಲ್ಲಿ ಆಂಗ್ಲ ಬೌಲರ್​ಗಳನ್ನ ಚೆಂಡಾಡಿ, ಸಿಡಿಸಿದ್ದು ಬರೋಬ್ಬರಿ 7 ಸಿಕ್ಸರ್​ಗಳನ್ನ.

ಆದ್ರೆ ಪಂದ್ಯ ಮುಗಿದ ಮೇಲೆ ಮಹಿ ಖಾತೆಯಲ್ಲಿ ಇದದ್ದು 6 ಸಿಕ್ಸ್​ಗಳು ಮಾತ್ರ. ಅಯ್ಯೋ ಧೋನಿ ಸಿಡಿಸಿದ್ದು 7 ಸಿಕ್ಸ್​ಗಳನ್ನ. ಆದ್ರೆ ಅವರ ಖಾತೆಯಿಂದ ಒಂದು ಸಿಕ್ಸ್​ ಹೇಗೆ ಖಾಲಿ ಆಯ್ತು ಅಂತ ಎಲ್ಲರೂ ಯೋಚಿಸಿದ್ರು. ಹೌದು, ಧೋನಿ ಸಿಡಿಸಿದ್ದು 7 ಸಿಕ್ಸರ್. ಆದ್ರೆ ಅಂಪೈರ್ಸ್ ಅವರ ಖಾತೆಗೆ ಹಾಕಿದ್ದು ಮಾತ್ರ 6 ಸಿಕ್ಸ್​ಗಳನ್ನ. ಹಾಗಾದ್ರೆ ಇನ್ನೊಂದು ಸಿಕ್ಸ್ ಅನ್ನ ಅಂಪೈರ್ ಏನ್ ಮಾಡಿದ್ರು ಗೊತ್ತಾ..?

ಧೋನಿ ಸಿಕ್ಸ್ ನುಂಗಿದ ಸ್ಪೈಡರ್ ಕ್ಯಾಮರಾ..!: 200ನೇ ಸಿಕ್ಸ್​ ಡೆಡ್ ಬಾಲ್ ಆಯ್ತು..!

ಕ್ರಿಕೆಟ್ ಮೈದಾನದ ಪ್ರತಿಯೊಂದು ಭಾಗವನ್ನು ಅದ್ದೂರಿಯಾಗಿ ತೋರಿಸುವ, ನೂರಾರು ಮೀಟರ್ ಅಂತರವನ್ನ ಕ್ಷಣದಲ್ಲಿ ಚಲಿಸುವ, ಆಟಗಾರರ ಪ್ರತಿ ಚಲನವಲನವನ್ನು ತುಂಬಾ ಹತ್ತಿರದಿಂದ ಮೈದಾನದ ದೃಶ್ಯಗಳನ್ನ ಸೂಪರ್ ಆಗಿ ತೋರಿಸುವ ಸಾಮರ್ಥ್ಯ ಈ ಸ್ಪೈಡರ್ ಕ್ಯಾಮರಾಗಿದೆ. ಅದ್ಭುತ ತಂತ್ರಜ್ಞಾನದೊಂದಿಗೆ ಅಳವಡಿಸಲಾಗಿರುವ ಈ ಕ್ಯಾಮರಾ ಐಪಿಎಲ್​ ಮೂಲ್ಕ ಭಾರತಕ್ಕೆ ಪರಿಚಯವಾಯ್ತು. ಇದೇ ಕ್ಯಾಮರಾ ಧೋನಿಯ 200ನೇ ಸಿಕ್ಸ್ ನುಂಗಿ ಹಾಕಿದ್ದು.

ಹೌದು, ಮಹಿಯ ಒಂದು ಸಿಕ್ಸ್ ಅನ್ನ ನುಂಗು ಹಾಕಿದ್ದು ಅಂಪೈರ್ ಅಲ್ಲ ಬದಲಿಗೆ ಸ್ಪೈಡರ್ ಕ್ಯಾಮರಾ. ಧೋನಿ 93 ರನ್​​ಗಳಿದ್ದಾಗ ಕ್ರಿಸ್ ವೋಕ್ಸ್ ಬೌಲಿಂಗ್​​ನಲ್ಲಿ ಭರ್ಜರಿ ಸಿಕ್ಸ್ ಸಿಡಿಸಿದ್ರು. ಆದ್ರೆ ಆ ಬಾಲ್ ಸಿಕ್ಸ್ ಹೋಗೋಕು ಮುನ್ನ ಸ್ಟೇಡಿಯಂನಲ್ಲಿ ನೇತಾಡುತ್ತಿದ್ದ ಸ್ಪೈಡರ್ ಕ್ಯಾಮರಾಗೆ ಟಚ್ ಮಾಡಿಕೊಂಡು ಹೋಯ್ತು. ಇದನ್ನ ಗಮನಿಸಿದ ಫೀಲ್ಡ್ ಅಂಪೈರ್, ಆ ಬಾಲನ್ನ ಡೆಡ್ ಬಾಲ್ ಎಂದು ಘೋಷಿಸಿದ್ರು. ಅಲ್ಲಿಗೆ ಧೋನಿ ಖಾತೆಯಿಂದ ಒಂದು ಸಿಕ್ಸ್ ಖಾಲಿಯಾಯ್ತು. ಜೊತೆಗೆ ಅವರು ಸೆಂಚುರಿ ದಾಖಲಿಸಲು ತಡವಾಯ್ತು.

ಆ ಸಿಕ್ಸ್ ಧೋನಿಯ ಒಂಡೇ ಕ್ರಿಕೆಟ್​ನಲ್ಲಿ 200ನೇ ಸಿಕ್ಸ್ ಆಗಿತ್ತು. ಆದ್ರೆ ಅಂಪೈರ್​ನಿಂದ ಅದು ಸಾಧ್ಯವಾಗಲಿಲ್ಲ. ಮರು ಎಸೆತದಲ್ಲೇ ಮತ್ತೊಂದು ಸಿಕ್ಸ್ ಸಿಡಿಸೋ ಮೂಲ್ಕ ಮಹಿ 200 ಸಿಕ್ಸ್ ಸಿಡಿಸಿದ ಸಾಧನೆ ಮಾಡಿದ್ರು.

ನೇರಲಗುಡ್ಡ ಲಿಂಗರಾಜು, ಸ್ಪೋರ್ಟ್ಸ್ ಬ್ಯೂರೋ, ಸುವರ್ಣ ನ್ಯೂಸ್