ಸಾನಿಯಾ ವಿರುದ್ಧ ಸಿಡಿದೆದ್ದ ಫೇಸ್'ಬುಕ್ ಖಾತೆದಾರರಿಂದ ಕಾಮೆಂಟ್ಸ್'ನಲ್ಲಿ ಟೀಕೆಗಳ ಸುರಿಮಳೆ
ಸಾರಾಂಶ
ಸಂಪ್ರದಾಯ ಹಾಗೂ ಉಡುಪು ವಿಚಾರದಲ್ಲಿ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಸಾಮಾಜಿಕ ಜಾಲತಾಣಗಳಿಗೆ ಆಹಾರವಾಗಿದ್ದಾರೆ. ಇತ್ತೀಚೆಗೆ ಸೈಫ್ ಅಲಿ ಖಾನ್ ಮತ್ತು ಕರೀನಾ ಕಪೂರ್ ತಮ್ಮ ಮಗುವಿಗೆ ಇಟ್ಟ 'ತೈಮೂರ್' ಎಂಬ ಹೆಸರು ಹಾಗೂ ಪತ್ನಿಯ ಸ್ಲೀವ್ ಲೆಸ್ ಫೋಟೋ ಹಾಕಿದ್ದ ಕ್ರಿಕೆಟಿಗ ಮೊಹಮ್ಮದ್ ಶಮಿ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆ-ಟಿಪ್ಪಣಿಗಳು ವ್ಯಕ್ತವಾಗಿದ್ದವು. ಇದೀಗ ಸಾನಿಯಾ ಮಿರ್ಜಾ ಸರದಿ.
ನವದೆಹಲಿ(ನ.11): ಸಂಪ್ರದಾಯ ಹಾಗೂ ಉಡುಪು ವಿಚಾರದಲ್ಲಿ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಸಾಮಾಜಿಕ ಜಾಲತಾಣಗಳಿಗೆ ಆಹಾರವಾಗಿದ್ದಾರೆ. ಇತ್ತೀಚೆಗೆ ಸೈಫ್ ಅಲಿ ಖಾನ್ ಮತ್ತು ಕರೀನಾ ಕಪೂರ್ ತಮ್ಮ ಮಗುವಿಗೆ ಇಟ್ಟ 'ತೈಮೂರ್' ಎಂಬ ಹೆಸರು ಹಾಗೂ ಪತ್ನಿಯ ಸ್ಲೀವ್ ಲೆಸ್ ಫೋಟೋ ಹಾಕಿದ್ದ ಕ್ರಿಕೆಟಿಗ ಮೊಹಮ್ಮದ್ ಶಮಿ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆ-ಟಿಪ್ಪಣಿಗಳು ವ್ಯಕ್ತವಾಗಿದ್ದವು. ಇದೀಗ ಸಾನಿಯಾ ಮಿರ್ಜಾ ಸರದಿ.
ಹೌದು, ಉಡುಪು ವಿಷಯವಾಗಿ ಟೆನಿಸ್ ತಾರೆ ಸಾನಿಯಾ ಬಗ್ಗೆ ಫೇಸ್'ಬುಕ್'ನಲ್ಲಿ ಟೀಕೆಗಳು ವ್ಯಕ್ತವಾಗಿವೆ. ಫೇಸ್'ಬುಕ್'ನಲ್ಲಿ ಸಾನಿಯಾ ಮೈ ಪ್ರದರ್ಶಕ ಉಡುಪು ಧರಿಸಿದ ಫೋಟೋ ಅಪ್ಲೋಡ್ ಮಾಡುತ್ತಿದ್ದಂತೆ ಅನೇಕ ರೀತಿಯ ಕಾಮೆಂಟ್'ಗಳ ಸುರಿ ಮಳೆ ಶುರುವಾಗಿದೆ. 'ಇದು ತಾತ್ಕಾಲಿಕ ಜೀವನ. ಸಾವಿನ ನಂತರದ್ದು ಶಾಶ್ವತ ಜೀವನ ಎಂಬುವುದನ್ನು ನೀವು ಮರೆಯಬೇಡಿ' ಎಂಬಿತ್ಯಾದಿ ಕಾಮೆಂಟ್ಗಳನ್ನು ಫೇಸ್ಬುಕ್ನಲ್ಲಿ ಮಾಡಲಾಗಿದೆ.
ಒಟ್ಟು 1.8 ಸಾವಿರಕ್ಕೂ ಹೆಚ್ಚು ಕಮೆಂಟ್ ಮಾಡಲಾಗಿದ್ದು, ಅನೇಕ ಕಾಮೆಂಟ್ಗಳು ಧರ್ಮಾಂಧತೆಯಿಂದ ಕೂಡಿವೆ. ಇನ್ನು, ಕ್ರಿಕೆಟಿಗ ಮೊಹಮ್ಮದ್ ಶಮಿ ತಮ್ಮ ಪತ್ನಿ ಸ್ಲೀವ್ ಡ್ರೆಸ್ನ ಫೋಟೋವನ್ನು ಫೇಸ್ಬುಕ್ನಲ್ಲಿ ಹಾಕಿದ್ದಕ್ಕೆ ಶಮಿ ವಿರುದ್ಧ ಕೆಲವರು ವಾಗ್ದಾಳಿ ನಡೆಸಿದ್ದರು. ಮತ್ತೆ ಕೆಲವರು ಇದರಲ್ಲಿ ತಪ್ಪೇನಿದೆ ಅಂತ ಶಮಿ ಬೆಂಬಲಕ್ಕೆ ನಿಂತಿದ್ದರು. ಇದಾದ ನಂತರ ಶಮಿ ಪತ್ನಿ ಜೊತೆಗಿನ ಮತ್ತೊಂದು ಫೋಟೋ ಹಾಕಿ ವಿರೋಧಿಗಳಿಗೆ ತಿರುಗೇಟು ನೀಡಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.