ಕ್ವಾರ್ಟರ್'ಗೆ ಲಗ್ಗೆಯಿಟ್ಟ ಪೇಸ್, ಬೋಪಣ್ಣ ಜೋಡಿ
ಸಾರಾಂಶ
ಆಸ್ಟ್ರೇಲಿಯಾ ಮ್ಯಾಟ್ ರೇಯ್ಡ್ ಹಾಗೂ ಜಾನ್ ಪ್ಯಾಟ್ರಿಕ್ ಸ್ಮಿತ್ ಜೋಡಿಯನ್ನು 4-6, 6-3, 12-10 ಸೆಟ್'ಗಳಿಂದ ಮಣಿಸಿದ ಪೇಸ್ ಜೋಡಿ ಮುಂದಿನ ಹಂತ ಪ್ರವೇಶಿಸಿತು.
ಗ್ರೇಟ್ ಬ್ರಿಟನ್(ಜೂ.21): ಭಾರತದ ಹಿರಿಯ ಆಟಗಾರ ಲಿಯಾಂಡರ್ ಪೇಸ್ ಹಾಗೂ ಕೆನಾಡದ ಶಂಸುದ್ದೀನ್ ಜೋಡಿ ಏಗೊನ್ ಎಟಿಪಿ ಚಾಲೆಂಜರ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದೆ. ಭಾರತದ ಮತ್ತೊಂದು ಜೋಡಿಯಾದ ಪೂರವ್ ರಾಜಾ ಹಾಗೂ ದಿವಿಜ್ ಶರಣ್ ಕೂಡಾ ಅಂತಿಮ ಎಂಟರ ಘಟ್ಟಕೇರಿದ್ದಾರೆ.
ಆಸ್ಟ್ರೇಲಿಯಾ ಮ್ಯಾಟ್ ರೇಯ್ಡ್ ಹಾಗೂ ಜಾನ್ ಪ್ಯಾಟ್ರಿಕ್ ಸ್ಮಿತ್ ಜೋಡಿಯನ್ನು 4-6, 6-3, 12-10 ಸೆಟ್'ಗಳಿಂದ ಮಣಿಸಿದ ಪೇಸ್ ಜೋಡಿ ಮುಂದಿನ ಹಂತ ಪ್ರವೇಶಿಸಿತು. ಇನ್ನು ಪೂರವ್ ರಾಜಾ ಜೋಡಿ, ಡೊಮಿನಿಕ್ ಗಣರಾಜ್ಯದ ವಿಕ್ಟರ್ ಎಸ್ಟ್ರೆಲ್ಲಾ ಬರ್ಗೊಸ್ ಹಾಗೂ ಬಾರ್ಬಡೋಸ್ನ ಡೇರಿಯನ್ ಕಿಂಗ್ ಜೋಡಿ ವಿರುದ್ಧ 6-2, 6-4 ಸೆಟ್'ಗಳ ಅಂತರದ ಗೆಲುವು ಸಾಧಿಸಿತು.
ಬೋಪಣ್ಣ ಜೋಡಿಗೆ ಗೆಲುವು:
ಲಂಡನ್'ನಲ್ಲಿ ನಡೆಯುತ್ತಿರುವ ಎಟಿಪಿ500 ಏಗೊನ್ ಚಾಂಪಿಯನ್'ಶಿಪ್'ನ ಪುರುಷರ ಡಬಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲಿ ಇತ್ತೀಚೆಗಷ್ಟೇ ಫ್ರೆಂಚ್ ಓಪನ್ ಗೆದ್ದಿದ್ದ ಭಾರತದ ರೋಹನ್ ಬೋಪಣ್ಣ ಹಾಗೂ ಕ್ರೊಯೇಷ್ಯಾದ ಇವಾನ್ ಡಾಡಿಗ್ ಜೋಡಿ, ದಕ್ಷಿಣ ಆಫ್ರಿಕಾದ ಕ್ಲೈ ಎಡ್ಮಂಡ್ ಹಾಗೂ ಆಸ್ಟ್ರೇಲಿಯಾದ ಥಾನಾಸಿ ಕೊಕ್ನಿಕಕಿಸ್ ಜೋಡಿಯನ್ನು 6-3, 6-7(5), 10-7 ಸೆಟ್'ಗಳಿಂದ ಮಣಿಸುವ ಮೂಲಕ ಶುಭಾರಂಭ ಮಾಡಿತು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.