ಅಭ್ಯಾಸ ಆರಂಭಿಸಿದ ಮುಂಬೈ ಇಂಡಿಯನ್ಸ್
ಸಾರಾಂಶ
ಏಪ್ರಿಲ್ 6ರಂದು ಮುಂಬೈ ತಂಡ ರೈಸಿಂಗ್ ಪುಣೆ ಸೂಪರ್'ಜೈಂಟ್ ವಿರುದ್ಧ ತನ್ನ ಮೊದಲ ಪಂದ್ಯವನ್ನಾಡಲಿದೆ.
ಮುಂಬೈ(ಮಾ.25): ಎರಡು ಬಾರಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ 10ನೇ ಆವೃತ್ತಿಯ ಐಪಿಎಲ್'ಗೆ ಪ್ರಧಾನ ತರಬೇತುದಾರ ಮಹೇಲಾ ಜಯವರ್ಧನೆ ಅವರ ಮಾರ್ಗದರ್ಶನದಲ್ಲಿ ಅಭ್ಯಾಸ ಆರಂಭಿಸಿದೆ. 9 ದಿನಗಳ ಈ ಶಿಬಿರ ಏಪ್ರಿಲ್ 2 ವರೆಗೂ ನಡೆಯಲಿದೆ.
ವೆಸ್ಟ್ಇಂಡೀಸ್'ನ ನಿಕೊಲಾಸ್ ಪೂರನ್, ತಂಡ ಕೂಡಿಕೊಂಡಿರುವ ಮೊದಲ ವಿದೇಶಿ ಆಟಗಾರರಾಗಿದ್ದು, ಮುಂಬರುವ ದಿನಗಳಲ್ಲಿ ಮಿಚೆಲ್ ಜಾನ್ಸನ್, ಜಾಸ್ ಬಟ್ಲರ್, ಮಿಚೆಲ್ ಮೆಕ್ಲೆಂಗಾನ್, ಲಸಿತ್ ಮಲಿಂಗ, ಟಿಮ್ ಸೌಥಿ, ಕಿರಾನ್ ಪೊಲಾರ್ಡ್ ಹಾಗೂ ಲೆಂಡಲ್ ಸಿಮನ್ಸ್ ತಂಡಕ್ಕೆ ಆಗಮಿಸಲಿದ್ದಾರೆ ಎಂದು ಮುಂಬೈ ತಂಡ ತಿಳಿಸಿದೆ.
ವೇಗಿ ಜಸ್ಪ್ರೀತ್ ಬುಮ್ರಾ, ಆಲ್'ರೌಂಡರ್ ಹಾರ್ದಿಕ್ ಪಾಂಡ್ಯ, ಕರಣ್ ಶರ್ಮಾ, ಕರ್ನಾಟಕದ ಕೆ.ಗೌತಮ್, ಸೌರಭ್ ತಿವಾರಿ ಸೇರಿ ತಂಡ ಉಳಿಸಿಕೊಂಡಿದ್ದ ಜೆ.ಸುಚಿತ್, ವಿನಯ್ ಕುಮಾರ್, ನಿತೀಶ್ ರಾಣಾ, ದೀಪಕ್ ಪೂನಿಯಾ ಹಾಗೂ ಜಿತೇಶ್ ಶರ್ಮಾ ಮೊದಲ ದಿನದಿಂದಲೇ ಅಭ್ಯಾಸ ಶಿಬಿರಕ್ಕೆ ಹಾಜರಾದರು. ಬ್ಯಾಟಿಂಗ್ ಕೋಚ್ ರಾಬಿನ್ ಸಿಂಗ್, ಫೀಲ್ಡಿಂಗ್ ಕೋಚ್ ಜಾಂಟಿ ರೋಡ್ಸ್ ಹಾಗೂ ಬೌಲಿಂಗ್ ಕೋಚ್ ಶೇನ್ ಬಾಂಡ್ ಶಿಬಿರದಲ್ಲಿದ್ದಾರೆ.
ಏಪ್ರಿಲ್ 6ರಂದು ಮುಂಬೈ ತಂಡ ರೈಸಿಂಗ್ ಪುಣೆ ಸೂಪರ್'ಜೈಂಟ್ ವಿರುದ್ಧ ತನ್ನ ಮೊದಲ ಪಂದ್ಯವನ್ನಾಡಲಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.