ಕ್ರಿಕೆಟ್'ಗೂ ಕಾಲಿಟ್ಟ ರೆಡ್ಕಾರ್ಡ್...!
ಸಾರಾಂಶ
ಈಗಿನ ಕಾಲದ ಆಟಗಾರರು ಸಮಾಜದಲ್ಲಿ ತಮ್ಮ ಪಾತ್ರ ಏನೆನ್ನುವುದನ್ನು ಅರಿತು ವರ್ತಿಸುತ್ತಿದ್ದಾರೆ. ತಮ್ಮ ಕ್ರೀಡಾ ಪ್ರದರ್ಶನ ಹಾಗೂ ವರ್ತನೆಯಿಂದ ಕಿರಿಯರಿಗೆ ಮಾದರಿಯಾಗುತ್ತಿದ್ದಾರೆ ಎಂದು ಎಂಸಿಸಿಯ ಅಧ್ಯಕ್ಷ ಮೈಕ್ ಬ್ರೇರ್ಲಿ ಹೇಳಿದ್ದಾರೆ.
ಮುಂಬೈ(ಡಿ.09): ಶೀಘ್ರದಲ್ಲೇ ಹಾಕಿ, ಫುಟ್ಬಾಲ್'ಗಳಲ್ಲಿರುವಂತೆ ಮೈದಾನದಲ್ಲಿ ಅಶಿಸ್ತು ಪ್ರದರ್ಶಿಸುವ ಕ್ರಿಕೆಟಿಗರನ್ನು ‘ಕೆಂಪು ಕಾರ್ಡ್’ ತೋರುವ ಮೂಲಕ ಮೈದಾನದಿಂದ ಆಚೆಗಟ್ಟುವ ಪದ್ಧತಿ ಜಾರಿಗೆ ಬರಲಿದೆ.
ಕ್ರಿಕೆಟ್ ನೀತಿ ನಿಯಮಾವಳಿಗಳನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಸಂಸ್ಥೆಗೆ (ಐಸಿಸಿ) ಶಿಫಾರಸು ಮಾಡುವ ಮೆರಿಲಿಬೊರ್ನ್ ಕ್ರಿಕೆಟ್ ಕ್ಲಬ್ನ (ಎಂಸಿಸಿ) ಕಾರ್ಯಕಾರಿಣಿಯು ಇತ್ತೀಚೆಗೆ ನಡೆದಿದ್ದು ಅಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.
ಈಗಿನ ಕಾಲದ ಆಟಗಾರರು ಸಮಾಜದಲ್ಲಿ ತಮ್ಮ ಪಾತ್ರ ಏನೆನ್ನುವುದನ್ನು ಅರಿತು ವರ್ತಿಸುತ್ತಿದ್ದಾರೆ. ತಮ್ಮ ಕ್ರೀಡಾ ಪ್ರದರ್ಶನ ಹಾಗೂ ವರ್ತನೆಯಿಂದ ಕಿರಿಯರಿಗೆ ಮಾದರಿಯಾಗುತ್ತಿದ್ದಾರೆ ಎಂದು ಎಂಸಿಸಿಯ ಅಧ್ಯಕ್ಷ ಮೈಕ್ ಬ್ರೇರ್ಲಿ ಹೇಳಿದ್ದಾರೆ.
ಅಂಪೈರ್'ಗೆ ಬೆದರಿಕೆ ಹಾಕುವುದು, ಅಂಪೈರ್, ಪ್ರೇಕ್ಷಕ ಅಥವಾ ಮತ್ತೊಬ್ಬ ಆಟಗಾರನ ಮೇಲಿನ ಹಲ್ಲೆ ಮಾಡುವುದು ಸೇರಿದಂತೆ ಮತ್ಯಾವುದೇ ಗಂಭೀರ ನಡವಳಿಕೆ ವಿರುದ್ಧ ರೆಡ್ ಕಾರ್ಡ್ ಕ್ರಮ ಕೈಗೊಳ್ಳಬಹುದಾಗಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಐಪಿಎಲ್ ಲೈವ್ ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.