ಮೊದಲ ದಿನದಾಟದಲ್ಲಿ ಹೈಡ್ರಾಮ: ಒಂದೇ ಬಾಲ್ನಲ್ಲಿ 2 ವಿಕೆಟ್..!

ಆಸ್ಟ್ರೇಲಿಯಾ ತಂಡ ದಿಢೀರ್ ಕುಸಿಯಲು ಒಂದು ಘಟನೆ ಕಾರಣವಾಯಿತು. ಆ ಸನ್ನಿವೇಶದಲ್ಲಿ ಒಬ್ಬ ಆಟಗಾರನನ್ನು ನೋಡಿ ಎಲ್ಲರೂ ನಗುತ್ತಿದ್ದರು. ಮೈದಾನದಲ್ಲಿ ಆಸೀಸ್ ಆಟಗಾರನೊಬ್ಬ ಮುಜುಗರ ಪಟ್ಟಿದ್ದೇಕೆ. ಆತ ಮಾಡಿದ ತಪ್ಪಾದರೂ ಏನು. ಇದರಿಂದ ಭಾರತಕ್ಕಾದ ಲಾಭವಾದರೂ ಏನು? ಇಲ್ಲಿದೆ ವಿವರ

ಭಾರತ-ಆಸ್ಟ್ರೇಲಿಯಾ ಮೊದಲ ಟೆಸ್ಟ್​​ನ ಮೊದಲ ದಿನದ ಹೈಲೇಟ್ಸ್ ಅಂದ್ರೆ ಒಂದೇ ಬಾಲ್​'ನಲ್ಲಿ ಎರಡು ವಿಕೆಟ್​​ ಉರುಳಿದ್ದು. ನಿನ್ನೆ ಮೊದಲ ಸೆಷನ್​​ನಲ್ಲಿ ಭಾರತೀಯ ಬೌಲರ್ಸ್ ವಿಕೆಟ್​​ ಪಡೆಯಲು ಪರದಾಡುತ್ತಿದ್ದರು. ಆದ್ರೆ 28ನೇ ಓವರ್​​ನಲ್ಲಿ ಉಮೇಶ್​​ ಯಾದವ್​​, ಡೇವಿಡ್ ವಾರ್ನರ್​​​ರನ್ನ ಔಟ್​​ ಮಾಡೋ  ಮೂಲ್ಕ ಪೆವಿಲಿಯನ್​​ ದಾರಿ ತೋರಿಸಿದ್ರು. ನಂತರ ಬ್ರೇಕ್​​ ಕೂಡ ಬಂತು. ಆದರೆ ಬ್ರೇಕ್​​ ಮುಗಿಯುತ್ತಿದಂತೆ ಅಲ್ಲಿ ಹೈಡ್ರಾಮವೇ ನಡೆದುಹೋಗಿತ್ತು. ಕ್ರಿಕೆಟ್​​ ಅಭಿಮಾನಿಗಳಿಗೆ ಶಾಕ್​​​​ ಆಗಿತ್ತು. ಕಾರಣ ವಾರ್ನರ್​​ ಜೊತೆ ಮತ್ತೊಬ್ಬ ಆರಂಭಿಕ ಮ್ಯಾಟ್ ರೆನ್​​ಶಾ ಕೂಡ ಪೆವಿಲಿಯನ್​​​​​ಗೆ ಹೋಗಿಬಿಟ್ಟಿದ್ದರು. 

ವಾರ್ನರ್​​ ಹಿಂದೆಯೇ ರೆನ್​ಶಾ ಪೆವಿಲಿಯನ್​ಗೆ ಹೋಗಿದ್ದೇಕೆ..?: ರೆನ್​​ಶಾ ನಡೆಗೆ ಗೆಳತಿ ಕಂಗಾಲು..!

ಮೊದಲ ಟೆಸ್ಟ್​ ಏನಾಗಬಹುದು ಅಂತ ಅಭಿಮಾನಿಗಳು ತಲೆ ಕೆಡಸಿಕೊಳ್ತಿರುವಾಗಲೇ ಅಲ್ಲಿ ಅಚಾತುರ್ಯವೊಂದು ನಡೆದು ಹೋಗಿತ್ತು. ವಾರ್ನರ್​​​ ಪೆವಿಲಿಯನ್​'ಗೆ ಹೋಗುತಿದಂತೆ ಅವರ ಹಿಂದೆ ರೆನ್​ಶಾ ಯಾಕೆ ಹೋದ್ರು ಅಂತ ಎಲ್ರು ದಂಗಾದ್ರು. ಅಷ್ಟೇ ಅಲ್ಲ ಗ್ಯಾಲರಿಯಲ್ಲಿ ಕೂತಿದ್ದ ರೆನ್​ಶಾ ಗೆಳತಿ ಕೂಡ ಏನಾಯ್ತು ಅಂತ ಕಂಗಾಲಾಗಿದ್ರು.

ಬಾತ್​​​ರೂಮ್​ಗೆ ಓಡಿ ಹೋದ ರೆನ್​ಶಾ

ಎಲ್ಲರು ಏನಾಯ್ತು ಅಂತ ತಲೆಕೆಡಸಿಕೊಳ್ತಿರುವಾಗ್ಲೆ ರೆನ್​ಶಾ ಬಗ್ಗೆ ಬಂದ ಒಂದು ಸುದ್ದಿ ಎಲ್ಲರನ್ನ ನಗುವಿನ ಕಡಲಲ್ಲಿ ತೇಲುವಂತೆ ಮಾಡ್ತು. ವಾರ್ನರ್​​ ಔಟಾಗುತ್ತಿದಂತೆ ರೆನ್​​ಶಾ ಅಲ್ಲಿವರೆಗೆ ತಡೆದು ಇಟ್ಟುಕೊಂಡಿದ್ದ ಅವರ ಅವಸರ ಕಟ್ಟೆ ಹೊಡೆದಿತ್ತು. ಅವರಿಗೆ ಬಾತ್​ರೂಮ್​​ಗೆ ಹೋಗಲೇಬೇಕಾದ ಅನಿವಾರ್ಯತೆ ಬಂದುಬಿಟ್ಟಿತ್ತು.

ಫೇಸ್​​​ಬುಕ್​​ ಟ್ವಿಟ್ಟರ್​​ನಲ್ಲೂ ರೆನ್​ಶಾ ಹವಾ..!

ರೆನ್​ಶಾಗೆ ಇನ್ನಿಂಗ್ಸ್​​ ಮಧ್ಯೆಯೇ ನೇಚರ್ಸ್​​​ ಕಾಲ್​​​​ ರಿಸೀವ್​​ ಮಾಡಬೇಕೆನಿಸಿಬಿಟ್ಟಿತ್ತು. ಹೀಗಾಗಿ ಅವರು ಅಂಪೈರ್​​​'ನ ಅಪ್ಪಣೆ ಪಡೆದು ಪೆವಿಲಿಯನ್​ಗೆ ಓಡಿ ಹೋದ್ರು. ಆದ್ರೆ ಈ ಘಟನೆಯಿಂದ ರೆನ್​ಶಾ, ಕಾಲು ಎಳೆಯುವವರಿಗೆ ಆಹಾರವಾದ್ರು. ಸಾಮಾಜಿಕ ಜಾಲತಾಣಗಳಲ್ಲಿ ಘಟನೆಯನ್ನ ಆಧರಿಸಿ ರೆನ್​ಶಾರನ್ನ ಟೀಕಿಸಲು ಶುರುಮಾಡಿದ್ರು. ಅವರ ನೇಚರ್ಸ್​​​ ಕಾಲ್​​ಗಳಿಗೆ ಓಲಿಸಿ ಹಲವು ವಿಡಿಯೋಗಳನ್ನ ಅಪ್​ಲೋಡ್​​ ಮಾಡಿದ್ರು.

ಇಲಿಗೆ ಪ್ರಾಣ ಸಂಕಟವಾದ್ರೆ ಬೆಕ್ಕಿಗೆ ಚೆಲ್ಲಾಟ ಅನ್ನುವಂತಾಯ್ತು ರೆನ್​ಶಾ ಕಥೆ. ರೆನ್​ಶಾ ತನ್ನ ಭಾಧೆಯನ್ನ ಹೇಳುಕೊಳ್ಳೋದಕ್ಕಾಗದೆ ನೋವು ಅನುಭವಿಸಿದ್ರೆ ಕ್ರಿಕೆಟ್​ ಅಭಿಮಾನಿಗಳು ಅವರನ್ನ ಸಾಮಾಜಿಕ ಜಾಲತಾಣಗಳಲ್ಲಿ ಕಿಚಾಯಿಸಿದ್ರು.

ರೆನ್​ಶಾ ಹೋಗಿದ್ದೇ ಭಾರತಕ್ಕೆ ಟರ್ನಿಂಗ್ ಪಾಯಿಂಟ್: ಅಲ್ಲಿಂದ ಕುಸಿದು ಬಿದ್ದರು ಕಾಂಗರೂಗಳು

ರೆನ್​'ಶಾ ಬಾತ್​​​​​​​​​ ರೂಮ್ ಸ್ಟೋರಿ ಆಸ್ಟ್ರೇಲಿಯಾ ತಂಡ ಫಸ್ಟ್ ಇನ್ನಿಂಗ್ಸ್​ನಲ್ಲಿ ಕಮ್ಮಿ ಮೊತ್ತಕ್ಕೆ ಕುಸಿಯಲು ಕಾರಣವಾಯ್ತು. ಹೌದು, 82 ರನ್​ಗೆ ಒಂದು ವಿಕೆಟ್ ಕಳೆದುಕೊಳ್ಳದೆ ಉತ್ತಮ ಸ್ಥಿತಿಯಲ್ಲಿದ್ದ ಆಸೀಸ್​, ಅದೇ ಮೊತ್ತಕ್ಕೆ ಇಬ್ಬರು ಆಟಗಾರರು ಪೆವಿಲಿಯನ್ ಸೇರಿದ್ರು. ಆಗ ಇಬ್ಬರು ಹೊಸದಾಗಿ ಕ್ರೀಸಿಗೆ ಬಂದರು. ಅವರನ್ನು ಕ್ರೀಸಿಗೆ ಕಚ್ಚಿ ನಿಲ್ಲಲು ಭಾರತೀಯರು ಬಿಡಲಿಲ್ಲ. ರೆನ್​ಶಾ ಮತ್ತೆ ಮೈದಾನಕ್ಕಿಳಿದು ಹಾಫ್ ಸೆಂಚುರಿ ಹೊಡೆದು ಔಟಾದ್ರು. ಆದ್ರೂ ಬಾತ್​ರೂಮ್ ಸ್ಟೋರಿಯಿಂದ ಆಸೀಸ್​ ಕುಸಿಯಲು ಕಾರಣವಾಯಿತು ಅನ್ನೋ ಆರೋಪ ರೆನ್​ಶಾ ಹೊತ್ತಿಕೊಂಡಿದ್ದಾರೆ.