ಹಗಲು-ರಾತ್ರಿ ಟೆಸ್ಟ್: ಬಿಸಿಸಿಐ U ಟರ್ನ್
ಸಾರಾಂಶ
‘ಕೇವಲ ಸಾಂಪ್ರದಾಯಿಕ ಹಗಲು ಟೆಸ್ಟ್ ಪಂದ್ಯಗಳು ಮಾತ್ರ ಐಸಿಸಿ ಟೆಸ್ಟ್ ಚಾಂಪಿಯನ್'ಶಿಪ್'ನ ಮಾನ್ಯತೆ ಹೊಂದಿವೆ. ಹಗಲು-ರಾತ್ರಿ ಪಂದ್ಯಗಳು ಟೆಸ್ಟ್ ಚಾಂಪಿಯನ್'ಶಿಪ್'ಗೆ ಒಳಪಡದೆ ಇದ್ದಲ್ಲಿ, ಆಡಿ ಏನು ಪ್ರಯೋಜನ’ ಎಂದು ಬಿಸಿಸಿಐ ಹಿರಿಯ ಅಧಿಕಾರಿ ಪ್ರಶ್ನಿಸಿದ್ದಾರೆ. ಇದರೊಂದಿಗೆ ಬಿಸಿಸಿಐ ಒಳಗೆ ಎಲ್ಲವೂ ಸರಿಯಿಲ್ಲ ಎಂದು ಮತ್ತೆ ಸಾಬೀತಾಗಿದೆ.
ಕೋಲ್ಕತಾ(ಏ.25): ಭಾರತ ತಂಡ ಸದ್ಯಕ್ಕೆ ಹಗಲು-ರಾತ್ರಿ ಟೆಸ್ಟ್ ಪಂದ್ಯ ಆಯೋಜಿಸುವುದಿಲ್ಲ ಎಂದು ಬಿಸಿಸಿಐ ಸ್ಪಷ್ಟಪಡಿಸಿದೆ.
ಸೋಮವಾರವಷ್ಟೇ ವೆಸ್ಟ್ಇಂಡೀಸ್ ವಿರುದ್ಧ ಈ ವರ್ಷ ಭಾರತ ತನ್ನ ಚೊಚ್ಚಲ ಹಗಲು-ರಾತ್ರಿ ಟೆಸ್ಟ್ ಆಡಲಿದೆ ಎಂದು ಬಿಸಿಸಿಐ ಹಂಗಾಮಿ ಕಾರ್ಯದರ್ಶಿ ಅಮಿತಾಭ್ ಚೌಧರಿ ಹೇಳಿದ್ದರು. ಮಂಗಳವಾರ ಇಲ್ಲಿ ಮಾತನಾಡಿದ ಬಿಸಿಸಿಐ ಹಿರಿಯ ಅಧಿಕಾರಿ, ‘ಮುಂಬರುವ ಅವಧಿಯಲ್ಲಿ ಭಾರತ ತಂಡ 309 ದಿನಗಳ ಕಾಲ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಲಿದೆ. ಕಳೆದ ಅವಧಿಗಿಂತ 92 ದಿನಗಳನ್ನು ಕಡಿತಗೊಳಿಸಲಾಗಿದೆ. ಆದರೆ ತವರಿನಲ್ಲಿ 15ರ ಬದಲು 19 ಟೆಸ್ಟ್'ಗಳನ್ನು ಆಡಲಿದ್ದು, ಪ್ರತಿ ಪಂದ್ಯವೂ ಐಸಿಸಿ ಟೆಸ್ಟ್ ಚಾಂಪಿಯನ್'ಶಿಪ್'ನ ಭಾಗವಾಗಿರಲಿದೆ. ಆದರೆ ಯಾವ ಪಂದ್ಯವೂ ಹಗಲು-ರಾತ್ರಿ ಪಂದ್ಯವಾಗಿರುವುದಿಲ್ಲ’ ಎಂದಿದ್ದಾರೆ.
‘ಕೇವಲ ಸಾಂಪ್ರದಾಯಿಕ ಹಗಲು ಟೆಸ್ಟ್ ಪಂದ್ಯಗಳು ಮಾತ್ರ ಐಸಿಸಿ ಟೆಸ್ಟ್ ಚಾಂಪಿಯನ್'ಶಿಪ್'ನ ಮಾನ್ಯತೆ ಹೊಂದಿವೆ. ಹಗಲು-ರಾತ್ರಿ ಪಂದ್ಯಗಳು ಟೆಸ್ಟ್ ಚಾಂಪಿಯನ್'ಶಿಪ್'ಗೆ ಒಳಪಡದೆ ಇದ್ದಲ್ಲಿ, ಆಡಿ ಏನು ಪ್ರಯೋಜನ’ ಎಂದು ಬಿಸಿಸಿಐ ಹಿರಿಯ ಅಧಿಕಾರಿ ಪ್ರಶ್ನಿಸಿದ್ದಾರೆ. ಇದರೊಂದಿಗೆ ಬಿಸಿಸಿಐ ಒಳಗೆ ಎಲ್ಲವೂ ಸರಿಯಿಲ್ಲ ಎಂದು ಮತ್ತೆ ಸಾಬೀತಾಗಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.