ಧೊನಿಗಿಂತ ಹೆಚ್ಚು ಸಂಭಾವನೆ ಪಡೆಯುವ ಕೊಹ್ಲಿ: ಮೊತ್ತವೆಷ್ಟು ಗೊತ್ತೆ ?

ಮುಂಬೈ(ಅ.4): ಜನವರಿ-ಸೆಪ್ಟೆಂಬರ್ 2016ರ ವೇಳೆಯಲ್ಲಿ ಎಂ.ಎಸ್. ಧೋನಿಗಿಂತ ಟೆಸ್ಟ್ ಕ್ರಿಕೆಟ್ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಹೆಚ್ಚಿನ ಸಂಬಳ ಪಡೆದಿದ್ದಾರೆ. 9 ತಿಂಗಳಲ್ಲಿ ಕೊಹ್ಲಿಗೆ 1.78 ಕೋಟಿ ರೂಪಾಯಿ ಸಂಬಳ ಸಿಕ್ಕಿದೆ. ಧೋನಿ,ಕೊಹ್ಲಿ ಸೇರಿದಂತೆ ನಾಲ್ಕು ಆಟಗಾರರು 1 ಕೋಟಿಗೂ ಹೆಚ್ಚು ಸಂಬಳ ಪಡೆಯುತ್ತಿದ್ದಾರೆ. ಬಿಸಿಸಿಐ ಇಂಡಿಯಾ ತಂಡದ ಆಟಗಾರರನ್ನು ಎ,ಬಿ ಮತ್ತು ಸಿ ಗುಂಪಾಗಿ ವಿಂಗಡನೆ ಮಾಡಿದೆ. ಗ್ರೇಡ್ ‘ಎ’ನಲ್ಲಿ ಬರುವ ಆಟಗಾರರಿಗೆ 1 ಕೋಟಿ ರೂಪಾಯಿ, ಗ್ರೇಡ್ ಬಿ ಆಟಗಾರರಿಗೆ 50 ಲಕ್ಷ ಹಾಗೂ ಸಿ ಗ್ರೇಡ್ ಆಟಗಾರರಿಗೆ 25 ಲಕ್ಷ ರೂಪಾಯಿ ಸಂಬಳ ನೀಡಲಾಗುತ್ತಿದೆ. ‘ಎ’ ಗ್ರೇಡ್ ನಲ್ಲಿ ಎಂ.ಎಸ್.ಧೋನಿ, ವಿರಾಟ್ ಕೊಹ್ಲಿ ಹಾಗೂ ಅಜಿಂಕ್ಯ ರಹಾನೆ,ಅಶ್ವಿನ್ ಸೇರಿದ್ದಾರೆ.