ಬಲಿಷ್ಠ ಟೀಂ ಇಂಡಿಯಾದಲ್ಲಿ ಆಗಲಿದೆ ಬದಲಾವಣೆ: ಕನ್ನಡಿಗನಿಗೆ ಸಿಕ್ಕಿದೆ ಛಾನ್ಸ್

ಇಂದು ಭಾರತ-ನ್ಯೂಜಿಲೆಂಡ್ ಸೆಕೆಂಡ್ ಟಿ20 ಮ್ಯಾಚ್ ನಡೀತಿದೆ. ಟೀಂ ಇಂಡಿಯಾಗೆ ಸರಣಿ ಗೆಲ್ಲೋ ತವಕ. ಕಿವೀಸ್​ಗೆ ಸರಣಿ ಉಳಿಸಿಕೊಳ್ಳೋ ಒತ್ತಡ. ಹೀಗಾಗಿ ರಾಜ್​​​​​​'ಕೋಟ್​ನಲ್ಲಿ biಗ್ ಫೈಟ್ ನಿರೀಕ್ಷಿಸಲಾಗಿದೆ. ಕನ್ನಡಿಗ ಮನೀಶ್ ಪಾಂಡೆ ಇಂದು ಆಡಲಿದ್ದಾರೆ.

ಎರಡು ದಿನ ವಿಶ್ರಾಂತಿ ನಂತ್ರ ಭಾರತ-ನ್ಯೂಜಿಲೆಂಡ್ ಮತ್ತೊಂದು ಚುಟುಕು ಕದನವಾಡಲು ಮೈದಾನಕ್ಕಿಳಿಯುತ್ತಿವೆ. ಟೀಂ ಇಂಡಿಯಾ ವಿರುದ್ಧ ಸತತ ಐದು ಟಿ20 ಪಂದ್ಯ ಗೆದ್ದು ಸೋಲಿಲ್ಲದ ಸರದಾರನಾಗಿ ಮೆರೆಯುತ್ತಿದ್ದ ಕಿವೀಸ್​ಗೆ ಸೋಲಿನ ರುಚಿ ತೋರಿಸಿಯಾಗಿದೆ. ನ್ಯೂಜಿಲೆಂಡ್ ವಿರುದ್ಧ ಚೊಚ್ಚಲ ಪಂದ್ಯ ಗೆದ್ದಂತೆ ಚೊಚ್ಚಲ ಟಿ20 ಸರಣಿ ಗೆಲ್ಲಲು ಭಾರತೀಯರು ಎದುರು ನೋಡ್ತಿದ್ದಾರೆ. ಅಷ್ಟೇ ಅಲ್ಲ, ಈ ಪಂದ್ಯ ಗೆದ್ರೆ ಱಂಕಿಂಗ್​ನಲ್ಲಿ ಟೀಂ ಇಂಡಿಯಾ 3ನೇ ಸ್ಥಾನಕ್ಕೇರಲಿದೆ. ಕೊನೆಯ ಪಂದ್ಯವನ್ನೂ ಗೆದ್ರೆ ನಂಬರ್​ 2ಗೇರಲಿದೆ. ಹೀಗಾಗಿ ರಾಜ್​ಕೋಟ್​ನಲ್ಲಿ ಕಿವೀಸ್ ಕಿವಿ ಕಚ್ಚಲು ಕೊಹ್ಲಿ ಬಾಯ್ಸ್​​ ರೆಡಿಯಾಗಿದ್ದಾರೆ.

ಬಲಿಷ್ಠ ಟೀಂ ಇಂಡಿಯಾದಲ್ಲಿ ಆಗಲಿದೆ ಬದಲಾವಣೆ: ಮನೀಶ್ ಪಾಂಡೆಗೆ ಸಿಗಲಿದೆ ಚಾನ್ಸ್​

10 ವರ್ಷಗಳಿಂದ ನ್ಯೂಜಿಲೆಂಡ್ ವಿರುದ್ಧ ಒಂದೇ ಒಂದು ಪಂದ್ಯ ಗೆಲ್ಲಲಾಗದೆ ಒದ್ದಾಡುತ್ತಿದ್ದ ಟೀಂ ಇಂಡಿಯಾ ಡೆಲ್ಲಿ ಗೆದ್ದು ಸೋಲಿನ ಸರಪಳಿಯಿಂದ ಹೊರಬಂದಿದೆ. ಡೆಲ್ಲಿ ಪಂದ್ಯದ ನಂತ್ರ ಭಾರತ ಇನ್ನಷ್ಟು ಬಲಿಷ್ಠವಾಗಿ ಕಾಣುತ್ತಿದೆ. ಬ್ಯಾಟ್ಸ್​ಮನ್​ಗಳು ರನ್ ಹೊಳೆಯನ್ನೇ ಹರಿಸಿದ್ದರು. ಟಾಪ್ ತ್ರಿ ಬ್ಯಾಟ್ಸ್​​ಮನ್​ಗಳಿಂದಲೇ ಡೆಲ್ಲಿ ಪಂದ್ಯ ಗೆಲ್ಲಲು ಸಾಧ್ಯವಾಗಿದ್ದು. ಇಂದು ಸಹ ಅವರ ಮೇಲೆ ಭಾರೀ ನಿರೀಕ್ಷೆಗಳಿವೆ.

ಐವರು ಬ್ಯಾಟ್ಸ್​'ಮನ್​ಗಳು, ಇಬ್ಬರು ಆಲ್​ರೌಂಡರ್ಸ್, ನಾಲ್ವರು ಬೌಲರ್​ಗಳೊಂದಿಗೆ ಡೆಲ್ಲಿ ಮ್ಯಾಚ್ ಆಡಿದ್ದ ವಿರಾಟ್ ಕೊಹ್ಲಿ, ರಾಜ್​ಕೋಟ್​ನಲ್ಲಿ ಕಾಂಬಿನೇಷನ್ ಚೇಂಜ್ ಮಾಡಲಿದ್ದಾರೆ. ವಿದಾಯದ ಪಂದ್ಯ ಅಂತ ಆಶೀಶ್ ನೆಹ್ರಾಗೆ ಚಾನ್ಸ್ ಕೊಡಲಾಗಿತ್ತು. ಈಗ ನೆಹ್ರಾ ಬದಲಿಗೆ ಮತ್ತೊಬ್ಬ ಬ್ಯಾಟ್ಸ್​ಮನ್ ನನ್ನ ತಂಡಕ್ಕೆ ಸೇರಿಸಿಕೊಳ್ಳಲಿದ್ದಾರೆ. ಕನ್ನಡಿಗ ಮನೀಶ್ ಪಾಂಡೆ ಕಮ್​'ಬ್ಯಾಕ್ ಮಾಡಲಿದ್ದಾರೆ. ಶ್ರೇಯಸ್ ಅಯ್ಯರ್ ಸಹ ಟೀಮ್​'ನಲ್ಲಿ ಇರುವುದರಿಂದ 4ನೇ ಕ್ರಮಾಂಕದಲ್ಲಿ ಯಾರು ಆಡ್ತಾರೆ ಅನ್ನೋದು ಸದ್ಯಕ್ಕಿರುವ ಕುತೂಹಲ.

ಇನ್ನು ಬೌಲರ್ಸ್ ಸಹ ಕಿವೀಸ್ ಬ್ಯಾಟ್ಸ್​ಮನ್​ಗಳನ್ನ ಕಟ್ಟಿಹಾಕಿದ್ದರು. ಹೀಗಾಗಿ ಟೀಂ ಇಂಡಿಯಾ ಸ್ವಲ್ಪ ರಿಲೀಫ್ ಆಗಿದೆ. ನೆಹ್ರಾ ರಿಟೈರ್ಡ್​ ಆಗಿರೋದ್ರಿಂದ ಇಬ್ಬರು ಆಲ್​ರೌಂಡರ್ಸ್ ಮತ್ತು ಮೂವರು ಬೌಲರ್​ಗಳೊಂದಿಗೆ ಕೊಹ್ಲಿ ಕಣಕ್ಕಿಳಿಯಲಿದ್ದಾರೆ. ಎಲ್ಲರೂ ತಮ್ಮತಮ್ಮ 4 ಓವರ್​​ಗಳ ಕೋಟ ಮುಗಿಸಬೇಕು. ಅದು ಶಿಸ್ತುಬದ್ಧ ಬೌಲಿಂಗ್​ನಿಂದ. ಹೀಗಾಗಿ ರಾಜ್​ಕೋಟ್​ನಲ್ಲಿ ನಮ್ಮ ಬೌಲರ್ಸ್ ಸ್ವಲ್ಪ ಒತ್ತಡಕ್ಕೆ ಸಿಲುಕುವ ಸಾಧ್ಯತೆ ಇದೆ.

ಪುಟಿದೇಳಲು ಕಿವೀಸ್​ ಸ್ಕೆಚ್: ನಂಬರ್​ 1 ಸ್ಥಾನದ ಮೇಲೆ ಕಿವೀಸ್ ಕಣ್ಣು

ದಶಕಗಳ ಕಾಲ ಟಿ20ಯಲ್ಲಿ ಟೀಂ ಇಂಡಿಯಾ ವಿರುದ್ಧ ಡಾಮಿನೆಂಟ್ ಸಾಧಿಸಿದ್ದ ನ್ಯೂಜಿಲೆಂಡ್ ಡೆಲ್ಲಿಯಲ್ಲಿ ಸೋತು ಮಕಾಡೆ ಮಲಗಿದೆ. ಈಗ ಪುಟಿದೇಳಲು ಎದುರು ನೋಡ್ತಿದೆ. ಕಿವೀಸ್​ ಒಂದಲ್ಲ ಎರಡಲ್ಲ ಮೂರು ಸೇಡು ತೀರಿಸಿಕೊಳ್ಳಲು ರೆಡಿಯಾಗಿದೆ.

ಏಕದಿನ ಸರಣಿ ಸೋಲು. ಮೊದಲ ಟಿ20ಯಲ್ಲಿ ಪರಾಭವ. ಱಂಕಿಂಗ್​ನಲ್ಲಿ ಅಗ್ರಸ್ಥಾನದಿಂದ ಕೆಳಗಿಳಿಸಿದ ಸೇಡು. ಹೀಗೆ ಒಂದೇ ಗೆಲುವಿನಲ್ಲಿ ಮೂರು ಸೇಡು ತೀರಿಸಿಕೊಳ್ಳಲು ನ್ಯೂಜಿಲೆಂಡ್​ ಸ್ಕೆಚ್ ಹಾಕಿದೆ. ರಾಜ್​ಕೋಟ್​'ನಲ್ಲಿ ಗೆದ್ರೆ ಮತ್ತೊಮ್ಮೆ ಅಗ್ರಸ್ಥಾನಕ್ಕೇರುವ ಚಾನ್ಸಸ್ ಇದೆ. ಹಾಗೆ ಸರಣಿ ಜೀವಂತವಾಗಿರಲಿದೆ. ಹೀಗಾಗಿ ರಾಜ್​​'ಕೋಟ್​'ನಲ್ಲಿ ಯತಾಶಗತಾಯ ಗೆಲ್ಲಲು ನ್ಯೂಜಿಲೆಂಡ್ ಹೋರಾಟ ನಡೆಸಲಿದೆ.

ಸುಧಾರಿಸಬೇಕಿದೆ ಕಿವೀಸ್ ಫೀಲ್ಡಿಂಗ್

ನ್ಯೂಜಿಲೆಂಡ್ ಸೋಲಲು ಮುಖ್ಯ ಕಾರಣ ಕಳಪೆ ಫೀಲ್ಡಿಂಗ್. ಡೆಲ್ಲಿಯಲ್ಲಿ ಅಬ್ಬರಿಸಿದ ಶಿಖರ್​ ಧವನ್, ರೋಹಿತ್ ಶರ್ಮಾ ಮತ್ತು ವಿರಾಟ್​ ಕೊಹ್ಲಿಗೆ ತಲಾ ಒಂದೊಂದು ಜೀವದಾನ ನೀಡಿದ್ದರು. ಇದರ ಲಾಭ ಪಡೆದುಕೊಂಡ ಈ ತ್ರಿಮೂರ್ತಿಗಳು ಅಬ್ಬರಿಸಿ ಬೊಬ್ಬಿರಿದಿದ್ದರು. ಹೀಗಾಗಿ ಇಂದು ಕಿವೀಸ್ ತನ್ನ ಫೀಲ್ಡಿಂಗ್ ಸುಧಾರಿಸಿಕೊಳ್ಳೊ ಅವಶ್ಯಕತೆ ಇದೆ. ಉಳಿದಂತೆ ಬ್ಯಾಟಿಂಗ್ ಮತ್ತು ಬೌಲಿಂಗ್​ನಲ್ಲಿ ನ್ಯೂಜಿಲೆಂಡ್ ಸ್ಟ್ರಾಂಗ್ ಆಗಿಯೇ ಇದೆ.

ರಾಜ್​'ಕೋಟ್​'ನಲ್ಲೂ ಹರಿಯಲಿದೆ ರನ್ ಹೊಳೆ

ಡೆಲ್ಲಿಯಂತೆ ರಾಜ್​​​​​​​ ಕೋಟ್'​ನಲ್ಲೂ ರನ್ ಹೊಳೆ ಹರಿಯಲಿದೆ. ಪಿಚ್ ಬ್ಯಾಟ್ಸ್​'ಮನ್​'ಗಳಿಗೆ ಸ್ವರ್ಗವಾಗಿದ್ದು ಬೌಂಡ್ರಿ-ಸಿಕ್ಸರ್​ಗಳು ಸುರಿಮಳೆಯಾಗಲಿವೆ. ಇಲ್ಲಿ ನಡೆದಿರುವ ಏಕೈಕ ಟಿ20 ಪಂದ್ಯವನ್ನ ಭಾರತ ಗೆದ್ದಿದೆ. 2013ರಲ್ಲಿ ಆಸ್ಟ್ರೇಲಿಯಾ 201 ರನ್ ಹೊಡೆದಿತ್ತು. ಭಾರತ ಇನ್ನು 2 ಬಾಲ್ ಬಾಕಿ ಇರುವಾಗ್ಲೇ ಗೆದ್ದಿತ್ತು. ಹೀಗಾಗಿ ಇಂದು ಸಹ ನಾವೇ ಫೇವರಿಟ್.