ಎಬಿಡಿ ನಿಯಂತ್ರಿಸೋದು ಹೇಗಂತೆ ಗೊತ್ತಾ..? ಇದು ಸ್ಟೋಕ್ಸ್ ಕೊಟ್ಟ ಐಡಿಯಾ..!
ಸಾರಾಂಶ
ಟ್ವೀಟರ್'ನಲ್ಲಿ ರಾಜಸ್ಥಾನ ರಾಯಲ್ಸ್ ಆಟಗಾರ ಸ್ಟೋಕ್ಸ್, ವಿಲಿಯರ್ಸ್ರನ್ನು ನಿಯಂತ್ರಿಸುವುದು ಹೇಗೆ ಎಂದು ಎಲ್ಲರಿಗೂ ತಿಳಿಸಿದ್ದಾರೆ. 1981ರ ‘ಅಂಡರ್ ಆರ್ಮ್ ಎಸೆತ’ದ ಪ್ರಸಂಗವನ್ನು ಸ್ಟೋಕ್ಸ್ ನೆನಪಿಸಿದ್ದಾರೆ.
ನವದೆಹಲಿ: ಆರ್'ಸಿಬಿ ಬ್ಯಾಟಿಂಗ್ ಮಾಂತ್ರಿಕ ಎಬಿ ಡಿವಿಲಿಯರ್ಸ್, ಶನಿವಾರ ಡೆಲ್ಲಿ ವಿರುದ್ಧ ನಡೆಸಿದ ವಿಸ್ಫೋಟಕ ಬ್ಯಾಟಿಂಗ್, ಐಪಿಎಲ್'ನ ದುಬಾರಿ ಆಲ್ರೌಂಡರ್ ಬೆನ್ ಸ್ಟೋಕ್ಸ್'ರನ್ನೂ ಬೆಚ್ಚಿಬೀಳಿಸಿದೆ.
ಟ್ವೀಟರ್'ನಲ್ಲಿ ರಾಜಸ್ಥಾನ ರಾಯಲ್ಸ್ ಆಟಗಾರ, ವಿಲಿಯರ್ಸ್ರನ್ನು ನಿಯಂತ್ರಿಸುವುದು ಹೇಗೆ ಎಂದು ಎಲ್ಲರಿಗೂ ತಿಳಿಸಿದ್ದಾರೆ. 1981ರ ‘ಅಂಡರ್ ಆರ್ಮ್ ಎಸೆತ’ದ ಪ್ರಸಂಗವನ್ನು ಸ್ಟೋಕ್ಸ್ ನೆನಪಿಸಿದ್ದಾರೆ.
ನ್ಯೂಜಿಲೆಂಡ್ ಪಂದ್ಯವನ್ನು ಟೈ ಮಾಡಿಕೊಳ್ಳಲು ಕೊನೆ ಎಸೆತದಲ್ಲಿ 6 ರನ್ ಬೇಕಿತ್ತು. ಆಗ ಆಸ್ಟ್ರೇಲಿಯಾ ನಾಯಕ ಗ್ರೆಗ್ ಚಾಪೆಲ್ ತಮ್ಮ ಸಹೋದರ ಟ್ರೆವರ್ ಚಾಪೆಲ್'ಗೆ ಚೆಂಡನ್ನು ನೆಲದಲ್ಲಿ ಉರುಳಿಸುವಂತೆ ಹೇಳಿ, ಬ್ಯಾಟ್ಸ್'ಮನ್'ಗೆ ಸಿಕ್ಸರ್ ಬಾರಿಸಲು ಅವಕಾಶ ನಿರಾಕರಿಸಿದ್ದರು. ಆ ರೀತಿ ಮಾಡಿದರೆ ಮಾತ್ರ ವಿಲಿಯರ್ಸ್ ಆರ್ಭಟ ತಡೆಯಲು ಸಾಧ್ಯ ಎಂದು ಸ್ಟೋಕ್ಸ್ ಹೇಳಿದ್ದಾರೆ.
ಎಬಿಡಿ ಡೆಲ್ಲಿ ಡೇರ್'ಡೆವಿಲ್ಸ್ ವಿರುದ್ಧದ ಪಂದ್ಯದಲ್ಲಿ ಕೇವಲ 39 ಎಸೆತಗಳಲ್ಲಿ 90 ರನ್ ಸಿಡಿಸಿ ಆರ್'ಸಿಬಿ ತಂಡವನ್ನು ಗೆಲುವಿನ ದಡ ಸೇರಿಸಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.