ಹಿಂಬಾಗಿಲಿನಿಂದ ಬಂದವರನ್ನು ಮುಂಬಾಗಿಲಿನಿಂದ ಓಡಿಸಿ: ಸಿ​ದ್ದ​ರಾ​ಮಯ್ಯ

ಬಿಜೆಪಿಯವರು ಹಿಂಬಾ​ಗಿ​ಲಿ​ನಿಂದ ಅಧಿ​ಕಾ​ರಕ್ಕೆ ಬಂದಿದ್ದಾರೆ. ಮುಂದಿನ ಚುನಾವಣೆಯಲ್ಲಿ ಅವರನ್ನು ಮುಂಬಾಗಿಲಿನಿಂದ ಓಡಿಸಬೇಕು ಎಂದು ವಿಪ​ಕ್ಷ ನಾ​ಯಕ ಸಿ​ದ್ದ​ರಾ​ಮಯ್ಯ ಮ​ತ​ದಾ​ರಿಗೆ ಕರೆ ನೀಡಿದರು. 

ಮಂಡ್ಯ (ಅ.29): ಬಿಜೆಪಿಯವರು ಹಿಂಬಾ​ಗಿ​ಲಿ​ನಿಂದ ಅಧಿ​ಕಾ​ರಕ್ಕೆ ಬಂದಿದ್ದಾರೆ. ಮುಂದಿನ ಚುನಾವಣೆಯಲ್ಲಿ ಮುಂಬಾಗಿಲಿನಿಂದ ಓಡಿಸಬೇಕು ಎಂದು ವಿಪ​ಕ್ಷ ನಾ​ಯಕ ಸಿ​ದ್ದ​ರಾ​ಮಯ್ಯ ಮ​ತ​ದಾ​ರಿಗೆ ಕರೆ ನೀ​ಡಿ​ದರು. ತಾಲೂಕಿನ ತಿರುಮಲಾಪುರ ಗ್ರಾಮದಲ್ಲಿ ಶುಕ್ರವಾರ ಶ್ರೀಹುಲಿಯೂರಮ್ಮ (ಹಳೇ ಊರಮ್ಮ)ದೇವಿ ದೇವಾಲಯ ಸೇವಾ ಸಮಿತಿ ಟ್ರಸ್ವ್‌ ಸಹಯೋಗದಲ್ಲಿ ನಡೆದ ಶ್ರೀಹುಲಿಯೂರಮ್ಮ ದೇವಿ ವಿಗ್ರಹ ಪ್ರತಿಷ್ಠಾಪನೆ ಮಹೋತ್ಸವವನ್ನು ಉದ್ಘಾಟಿಸಿ ಮಾತನಾಡಿದರು. ನನ್ನ ಐದು ವರ್ಷದ ಆಡಳಿತದಲ್ಲಿ ಯಾರಿಂದಲೂ ಛೀ...ಥೂ.. ಎಂದು ಅಧಿಕಾರ ನಡೆಸಲಿಲ್ಲ. ನುಡಿದಂತೆ ನಡೆದಿದ್ದೇವೆ. ಜನರಿಗೆ ಕೊಟ್ಟ ಭರವಸೆ ಈಡೇರಿಸಿದ್ದೇವೆ. 

ಆದರೆ, ಬಿಜೆಪಿ ಸರ್ಕಾರದಲ್ಲಿ ಎಲ್ಲವೂ ನಿಂತು ಹೋಗಿದೆ ದೂರಿದರು. ಜ​ನರ ಆಶೀರ್ವಾದದಿಂದ ನಾನು ಮುಖ್ಯಮಂತ್ರಿಯಾಗಿದ್ದೆ. ಪ.​ಜಾತಿ, ವರ್ಗ, ಹಿಂದು​ಳಿ​ದ​ವರ ಕ​ಲ್ಯಾ​ಣ​ಕ್ಕಾಗಿ ಹ​ಲ​ವಾರು ಕಾ​ರ‍್ಯ​ಕ್ರ​ಮ​ಗ​ಳನ್ನು ನೀ​ಡಿ​ದ್ದೇವೆ. ಈ ಸರ್ಕಾರ​ದಲ್ಲಿ ಎ​ಲ್ಲವೂ ನಿಂತು​ಹೋ​ಗಿವೆ. ಕೆ​ಲ​ಸ ಮಾ​ಡದ ಇ​ವ​ರನ್ನು ಹಾ​ಗೆ​ಯೇ ಕ​ಳು​ಹಿ​ಸೋಣ ಎಂದರು. ನಮ್ಮ ಸರ್ಕಾರ ಬಂದಾಗ 165 ಭರವಸೆ ನೀಡಿದ್ದೆವು. ಇದರಲ್ಲಿ 158 ಭರವಸೆ ಈಡೇರಿಸಿದ್ದೇವೆ. 30ಕ್ಕೂ ಹೆಚ್ಚು ಕಾರ್ಯಕ್ರಮ ಮಾಡಿದ್ದೇವೆ. ಸಮಾಜದ ಎಲ್ಲ ಬಡವರಿಗೆ ಅಂದರೆ, ಕುರುಬರಿಗಷ್ಟೇ ಅಲ್ಲದೇ ಮುಸ್ಲಿಂ, ಒಕ್ಕಲಿಗರು, ಬ್ರಾಹ್ಮಣರು, ಕ್ರಿಶ್ಚಿಯನ್‌ ಸೇರಿದಂತೆ ಎಲ್ಲ ಜಾತಿ ಬಡವರಿಗೆ ಏಳು ಕೆಜಿ ಅಕ್ಕಿಯನ್ನು ಉಚಿತವಾಗಿ ನೀಡಿದೆವು ಎಂದರು.

ಶಾಲಾ ಮಕ್ಕಳಿಗೆ ಉಚಿತವಾಗಿ ಸೌಲಭ್ಯ, ರೈತರಿಗೆ 50,000 ಸಾಲ ಮನ್ನಾ ಮಾಡಿದೆವು. ಇವೆಲ್ಲವನ್ನೂ ಕೇವಲ ಒಂದು ಜಾತಿಗೆ ನೀಡಲಿಲ್ಲ. ಜಾತಿಗಳಿಗೆ ಸೀಮಿತವಾದ ಅಧಿಕಾರ ಮಾಡಲಿಲ್ಲ. ಆದರೆ, ಬಿಜೆಪಿ ತಾರತಮ್ಯ ಮಾಡುತ್ತಿದೆ. ಬಿ​ಜೆಪಿ ಸರ್ಕಾರದ ಅ​ವ​ಧಿ​ಯಲ್ಲಿ ಪರಿಶಿಷ್ಟಜಾತಿ ಮತ್ತು ಪರಿಶಿಷ್ಟಪಂಗಡದವರಿಗೆ ವಿದ್ಯಾರ್ಥಿ ವೇತನ ಕೊಡಲಿಲ್ಲ. ಇವರ ಯೋಗ್ಯತೆಗೆ ಹಿಂದುಳಿದ ಜಾತಿ ಮಕ್ಕಳಿಗೆ ಪ್ರತಿ ತಿಂಗಳು ವಿದ್ಯಾಸಿರಿ ಯೋಜನೆಯನ್ನು 1,500 ಕೊಡುವುದನ್ನು ಜಾರಿಗೆ ತಂದಿದ್ದೆ. ಈಗ ಎ​ಲ್ಲ​ವನ್ನೂ ನಿ​ಲ್ಲಿ​ಸಿ​ರುವ ಬಿ​ಜೆ​ಪಿ​ಯ​ವ​ರಿಗೆ ಮಾ​ತ​ನಾ​ಡುವ ನೈ​ತಿ​ಕತೆ ಇಲ್ಲ. ಇಂತಹವರು ಮತ್ತೆ ಅಧಿಕಾರಕ್ಕೆ ಬರಬೇಕಾ ಎಂದು ಪ್ರಶ್ನಿಸಿದರು.

ಮೈಷುಗರ್‌ ಕಾರ್ಖಾನೆಗೆ 50 ಕೋಟಿ ರು. ಕೊಡುತ್ತೇನೆ ಎಂದು ಮುಖ್ಯಮಂತ್ರಿ ಹೇಳಿದ್ದರೂ ಕೊಡಲಿಲ್ಲ. ಅನೇಕ ಬಾರಿ ಮನವಿ ಮಾಡಿದರೂ ಸಹ ನೀಡಲಿಲ್ಲ. ಕಬ್ಬಿನ ಬೆಲೆ ಬಿದ್ದಿರುವಾಗ 1,800 ಕೋಟಿ ನೀಡಿದ್ದೆ. ಈಗ ಹೆ​ಚ್ಚಿನ ಬೆ​ಲೆ​ಗಾ​ಗಿ ರೈ​ತರು ಧ​ರಣಿ ಮಾ​ಡು​ತ್ತಿ​ದ್ದಾರೆ. ನಮ್ಮ ಸರ್ಕಾರ ಅ​ಧಿ​ಕಾ​ರಕ್ಕೆ ಬಂದರೆ ಕಾರ್ಖಾನೆ​ಯನ್ನು ಆ​ರಂಭಿಸಿ ರೈ​ತ​ರಿಗೂ ಅ​ನು​ಕೂಲ ಮಾ​ಡಿ​ಕೊ​ಡು​ತ್ತೇವೆ ಎಂದು ಭ​ರ​ವಸೆ ನೀ​ಡಿ​ದರು.

ಶುದ್ಧ ಮನಸ್ಸಿನಿಂದ ಕೆಲಸ ಮಾಡಿ: ಶುದ್ಧ ಮನ​ಸ್ಸಿ​ನಿಂದ ಸ್ವಾರ್ಥ ಬಿ​ಟ್ಟು ಇ​ನ್ನೊ​ಬ್ಬ​ರಿ​ಗಾಗಿ ನಾವು ಕೆ​ಲಸ ಮಾ​ಡ​ಬೇಕು. ಆಗ ದೇ​ವರು ಮೆ​ಚ್ಚು​ತ್ತಾನೆ. ನ​ಮ​ಗೋ​ಸ್ಕರ ಮಾ​ಡಿ​ಕೊಂಡರೆ ದೇ​ವರು ಮೆ​ಚ್ಚು​ವು​ದಿಲ್ಲ. ನಿಮ್ಮ ಕುಟುಂಬ​ಕ್ಕಷ್ಟೇ ಕೈ​ಮು​ಗಿದು ಬೇ​ಡಿ​ಕೊಂಡರೆ ನಿ​ಮ್ಮ​ಪ್ಪ​ರಾ​ಣೆಗೂ ಒ​ಳ್ಳೆ​ಯದು ಮಾ​ಡಲ್ಲ. ಬೇ​ರೆ​ಯ​ವ​ರಿಗೆ ಒ​ಳ್ಳೆ​ದಾಗ್ಲಿ ಎಂದು ಕೇ​ಳಿ​ಕೊಂಡರೆ ನಿ​ಮಗೆ ಒ​ಳ್ಳೆ​ಯ​ದಾ​ಗುತ್ತೆ ಎಂ​ದರು. ಕೇ​ವಲ ದೇ​ವ​ಸ್ಥಾ​ನ​, ಪ್ರ​ತಿ​ಮೆ​ಗ​ಳನ್ನು ಸ್ಥಾ​ಪನೆ ಮಾ​ಡಿ​ದರೆ ಸಾ​ಲದು, ಎ​ಲ್ಲರೂ ಸ​ತ್ಯ​ದಿಂದ ನ​ಡೆ​ದು​ಕೊ​ಳ್ಳ​ಬೇಕು. ಸ​ತ್ಯವೇ ದೇ​ವರು, ಸ್ವರ್ಗ ಎ​ನ್ನು​ತ್ತೇವೆ. ನಿ​ತ್ಯವೇ ನ​ರಕ ಎಂದು ಕ​ರೆ​ಯು​ತ್ತೇವೆ. ಇ​ವೆ​ರಡೂ ಇ​ಲ್ಲಿಯೇ ಇದೆ. 

ನಾವು ಮಾ​ಡುವ ಕೆ​ಲ​ಸ​ದಲ್ಲಿ ದೇ​ವ​ರನ್ನು ಕಂಡು​ಕೊ​ಳ್ಳ​ಬೇಕು. ಮ​ನುಷ್ಯ ಮ​ನು​ಷ್ಯ​ನನ್ನು ಪ್ರೀ​ತಿ​ಸುವ ಗುಣ ಬೆ​ಳೆ​ಸಿ​ಕೊ​ಳ್ಳ​ಬೇಕು. ಇ​ದನ್ನು ಪ್ರ​ತಿ​ಯೊ​ಬ್ಬರೂ ಅ​ನು​ಸ​ರಿ​ಸ​ಬೇಕು ಎಂದು ಸ​ಲಹೆ ನೀ​ಡಿ​ದರು. ಸಮಾರಂಭದಲ್ಲಿ ಮಾಜಿ ಸ​ಚಿ​ವ​ರಾದ ಎನ್‌.ಚ​ಲು​ವ​ರಾ​ಯ​ಸ್ವಾಮಿ, ಸ​ತೀಶ್‌ ಜಾ​ರ​ಕಿ​ಹೊಳಿ, ಮು​ಖಂಡ​ರಾದ ದ​ಡ​ದ​ಪುರ ಶಿ​ವಣ್ಣ, ವಿ​ಧಾನ ಪ​ರಿ​ಷತ್‌ ಸ​ದಸ್ಯ ದಿ​ನೇಶ್‌ ಗೂ​ಳಿಗೌಡ, ಮು​ಖಂಡ​ರಾದ ಗ​ಣಿಗ ರ​ವಿ​ಕು​ಮಾರ್‌, ಡಾ.ಕೃಷ್ಣ, ಕೆ.ಕೆ.ರಾ​ಧಾ​ಕೃಷ್ಣ, ಸಿ.ಡಿ.ಗಂಗಾ​ಧರ್‌, ಸಿ​ದ್ಧಾ​ರೂಢ ಸ​ತೀಶ್‌ಗೌಡ, ಮನ್ಮುಲ್‌ ನಿರ್ದೇಶಕ ಯು.ಸಿ.ಶಿ​ವ​ಕು​ಮಾರ್‌, ಟ್ರಸ್ಟ್‌ ಗೌ​ರ​ವಾ​ಧ್ಯಕ್ಷ ಜಿ.ಹು​ಚ್ಚ​ಪ್ಪ, ಅ​ಧ್ಯಕ್ಷ ಆ​ನಂದ್‌, ಮ​ರೀ​ಗೌಡ, ಜ​ವ​ರಪ್ಪ, ಚಂದ್ರು, ಕಂಬದ​ಹಳ್ಳಿ ಪು​ಟ್ಟ​ಸ್ವಾಮಿ ಭಾ​ಗ​ವ​ಹಿ​ಸಿ​ದ್ದರು.