ಕಲಬುರಗಿ: ಮಲ್ಲಿಕಾರ್ಜುನ ಖರ್ಗೆ ಅಳಿಯ ರಾಧಾಕೃಷ್ಣ 53 ಕೋಟಿಯ ಒಡೆಯ..!
ಸಾರಾಂಶ
ಕಲಬುರಗಿ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ, ಡಾ.ಮಲ್ಲಿಕಾರ್ಜುನ ಖರ್ಗೆಯವರ ಅಳಿಯ ರಾಧಾಕೃಷ್ಣ ರಾಜೇಂದ್ರಪ್ಪ ದೊಡ್ಮನಿ ಅವರ ಒಟ್ಟು ಆಸ್ತಿಯ ಮೌಲ್ಯ 53.15 ಕೋಟಿ ರು.
ಕಲಬುರಗಿ(ಏ.13): ಕಲಬುರಗಿ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ, ಡಾ.ಮಲ್ಲಿಕಾರ್ಜುನ ಖರ್ಗೆಯವರ ಅಳಿಯ ರಾಧಾಕೃಷ್ಣ ರಾಜೇಂದ್ರಪ್ಪ ದೊಡ್ಮನಿ ಅವರ ಒಟ್ಟು ಆಸ್ತಿಯ ಮೌಲ್ಯ 53.15 ಕೋಟಿ ರು.
ಈ ಪೈಕಿ, ಅವರ ಪತ್ನಿ ಡಾ. ಜಯಶ್ರೀ ಹೆಸರಲ್ಲಿರುವ ಆಸ್ತಿ ಮೌಲ್ಯ 13.3 ಕೋಟಿ, ಅವಿಭಕ್ತ ಕುಟುಂಬದ ಹೆಸರಲ್ಲಿ ರಾಧಾಕೃಷ್ಣ ಅವರ ಹತ್ತಿರವಿರುವ ಒಟ್ಟು ಆಸ್ತಿ 10.85 ಕೋಟಿ. ಇವರ ಬಳಿ ಇನ್ನೋವಾ ಮತ್ತು ಮಹೀಂದ್ರಾ ಕಾರುಗಳಿವೆ.
ಬರೋಬ್ಬರಿ 98 ಕೋಟಿ ರೂ ಆಸ್ತಿಗೆ ಒಡೆಯ ಬಿಜೆಪಿ ರೆಬೆಲ್ ಶಾಸಕ ಕೆಎಸ್ ಈಶ್ವರಪ್ಪ!
ಕಲಬುರಗಿ ಜಿಲ್ಲೆಯ ಗುಂಡಗುರ್ತಿ ಹಾಗೂ ಕನಕಪುರದ ಸಾತನೂರು ಹೋಬಳಿಯಲ್ಲಿ 2.3 ಕೋಟಿ ರು.ಮೌಲ್ಯದ ಕೃಷಿ ಭೂಮಿ ಹಾಗೂ ಕಲಬುರಗಿಯ ಕಸನೂರು, ಕಲಬುರಗಿ ಮತ್ತು ಬೆಂಗಳೂರಲ್ಲಿ 16.32 ಕೋಟಿ ರು.ಮೌಲ್ಯದ ಕೃಷಿಯೇತರ ಮಳಿಗೆ, ಮುಂಗಟ್ಟುಗಳು, ನಿವೇಶನಗಳನ್ನು ಹೊಂದಿದ್ದಾರೆ. ಇವರ ಪತ್ನಿ ಬೆಂಗಳೂರಿನ ರಾಚೇನಹಳ್ಳಿ, ಸದಾಶಿವನಗರದಲ್ಲಿ 4.65 ಕೋಟಿ ರು.ಮೊತ್ತದ ಕೃಷಿಯೇತರ ನಿವೇಶನ, ವಸಂತ ನಗರ ಹಾಗೂ ಸದಾಶಿವ ನಗರದಲ್ಲಿ 5.47 ಕೋಟಿ ರು ಮೌಲ್ಯದ ಮನೆಗಳನ್ನು ಹೊಂದಿದ್ದಾರೆ.
ಇನ್ನು, ರಾಧಾಕೃಷ್ಣ ಅವರು 4.18 ಕೋಟಿ ರು. ಹಾಗೂ ಇವರ ಪತ್ನಿ 52.83 ಲಕ್ಷ ರು. ಸಾಲ ಮಾಡಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.