ಲಂಡನ್'ನಲ್ಲಿ ಉದ್ಯಮಿ ವಿಜಯ್ ಮಲ್ಯ ಬಂಧನ; ಅರ್ಧಗಂಟೆಯಲ್ಲೇ ಜಾಮೀನು ಪಡೆದು ಹೊರಬಂದ ಮದ್ಯದೊರೆ

9 ಸಾವಿರ ಕೋಟಿ ಸಾಲಮಾಡಿ  ಲಂಡನ್'ನಲ್ಲಿ ತಲೆ ಮರೆಸಿಕೊಂಡಿದ್ದ  ಉದ್ಯಮಿ ವಿಜಯ್ ಮಲ್ಯರವರನ್ನು ಬಂಧಿಸಿ ಬಿಡುಗಡೆ ಮಾಡಲಾಗಿದೆ. ಬಂಧನವಾದ ಅರ್ಧ ಗಂಟೆಯಲ್ಲೇ ಮಲ್ಯಗೆ ಲಂಡನ್​​'ನ  ವೆಸ್ಟ್​​ಮಿನಿಸ್ಟರ್ ಕೋರ್ಟ್​ನಿಂದ ಜಾಮೀನು ಸಿಕ್ಕಿದೆ.

ನವದೆಹಲಿ (ಅ.03): 9 ಸಾವಿರ ಕೋಟಿ ಸಾಲಮಾಡಿ  ಲಂಡನ್'ನಲ್ಲಿ ತಲೆ ಮರೆಸಿಕೊಂಡಿದ್ದ  ಉದ್ಯಮಿ ವಿಜಯ್ ಮಲ್ಯರವರನ್ನು ಬಂಧಿಸಿ ಬಿಡುಗಡೆ ಮಾಡಲಾಗಿದೆ. ಬಂಧನವಾದ ಅರ್ಧ ಗಂಟೆಯಲ್ಲೇ ಮಲ್ಯಗೆ ಲಂಡನ್​​'ನ  ವೆಸ್ಟ್​​ಮಿನಿಸ್ಟರ್ ಕೋರ್ಟ್​ನಿಂದ ಜಾಮೀನು ಸಿಕ್ಕಿದೆ.

ಲಂಡನ್​ ಪೊಲೀಸರು ಮಲ್ಯರನ್ನು ಬಂಧಿಸಿ  ಕೋರ್ಟ್​ಗೆ ಹಾಜರುಪಡಿಸಿದ್ದರು. ಬಂಧನವಾದ ಅರ್ಧ ಗಂಟೆಯಲ್ಲೇ ಮಲ್ಯಗೆ ಜಾಮೀನು ಸಿಕ್ಕಿ ಹೊರ ಬಂದಿದ್ದಾರೆ. 9 ಸಾವಿರ ಕೋಟಿ ಬ್ಯಾಂಕಿಗೆ ವಂಚನೆ ಹಾಗೂ ಅಕ್ರಮ ಹಣ ವರ್ಗಾವಣೆ ಆರೋಪದಡಿಯಲ್ಲಿ ಇವರ ಮೇಲೆ ಜಾರಿ ನಿರ್ದೇಶನಾಲಯ ಹಾಗೂ ಸಿಬಿಐ ಪ್ರಕರಣ ದಾಖಲಿಸಿತ್ತು.

6 ತಿಂಗಳಲ್ಲಿ 2ನೇ ಬಾರಿ ಮಲ್ಯರನ್ನು ಲಂಡನ್​ ಪೊಲೀಸರು ಬಂಧಿಸಿದ್ದಾರೆ. ಏಪ್ರಿಲ್​ 19ರಂದು ಬಂಧಿಸಲಾಗಿತ್ತು. ಸುಪ್ರೀಂಕೋರ್ಟ್​ ಸೇರಿ ಹಲವು ಕೋರ್ಟ್​ಗಳಲ್ಲಿ ಇವರ ಮೇಲೆ ಪ್ರಕರಣ ದಾಖಲಾಗಿತ್ತು.  ಹಲವು ಬಾರಿ ಸಮನ್ಸ್​ ನೀಡಿದ್ದರೂ ಭಾರತಕ್ಕೆ ಬಾರದ ಮಲ್ಯ ವಿರುದ್ಧ ಜಾಮೀನು ರಹಿತ ವಾರೆಂಟ್ ಹೊರಡಿಸಲಾಗಿತ್ತು.