ಐತಿಹಾಸಿಕ ಹೆಜ್ಜೆ: ಉ.ಕೊರಿಯಾಗೆ ಕಾಲಿಟ್ಟ ಟ್ರಂಪ್!

ನಿಬ್ಬೆರೆಗಾದ ವಿಶ್ವ ರಾಜಕೀಯ ಭೂಪಟ| ವಿಶ್ವ ರಾಜಕೀಯ ಕ್ಷೇತ್ರದಲ್ಲಿ ಹೊಸ ಇತಿಹಾಸ ಸೃಷ್ಟಿ| ಉ.ಕೊರಿಯಾಗೆ ಕಾಲಿಟ್ಟ ಅಮೆರಿಕ ಅಧ್ಯಕ್ಷ ಡೋನಾಲ್ಡ್ ಟ್ರಂಪ್| ಉ.ಕೊರಿಯಾಗೆ ಭೇಟಿ ನೀಡಿದ ಮೊದಲ ಅಮೆರಿಕ ಅಧ್ಯಕ್ಷ ಎಂಬ ಹೆಗ್ಗಳಿಕೆ| ಉ.ಕೊರಿಯಾ ಅಧ್ಯಕ್ಷ ಕಿಮ್ ಜಾಂಗ್ ಊನ್ ಜೊತೆ ಮಾತುಕತೆ| ಉಭಯ ನಾಯಕರಿಗೆ ದ.ಕೊರಿಯಾ ಅಧ್ಯಕ್ಷ ಮೂನ್ ಜಿ ಇನ್ ಸಾಥ್|  

ಪಮ್ಮಂಜೋಮ್(ಜೂ.30): ವಿಶ್ವ ರಾಜಕೀಯ ಇತಿಹಾಸದಲ್ಲಿ ಇದು ನಿಜಕ್ಕೂ ಸುವರ್ಣಾಕ್ಷರಗಳಿಂದ ಬರದಿಡಬೇಕಾದ ಘಟನೆ. ಇತಿಹಾಸದುದ್ದಕ್ಕೂ ಪರಸ್ಪರ ಕತ್ತಿ ಮಸಿಯುತ್ತಲೇ ಬಂದಿರುವ ಅಮೆರಿಕ-ಉ.ಕೊರಿಯಾ ಪಾಲಿಗಂತೂ ಇದು ಸತ್ಯ.

ಹೌದು, ಅಮೆರಿಕ ಅಧ್ಯಕ್ಷ ಡೋನಾಲ್ಡ್ ಟ್ರಂಪ್ ಉ.ಕೊರಿಯಾಗೆ ಭೇಟಿ ನೀಡಿದ್ದಾರೆ. ಈ ಮೂಲಕ ಸಾಂಪ್ರದಾಯಿಕ ಕಮ್ಯುನಿಸ್ಟ್ ರಾಷ್ಟ್ರವಾಧ ಉ.ಕೊರಿಯಾ ನೆಲಕ್ಕೆ ಕಾಲಿಟ್ಟ ಮೊದಲ ಅಮೆರಿಕ ಅಧ್ಯಕ್ಷ ಎಂಬ ಹೆಗ್ಗಳಿಕೆಗೆ ಪಾತ್ರಾರಾಗಿದ್ದಾರೆ.

ಉ.ಕೊರಿಯಾಗೆ ಭೇಟಿ ಕೊಟ್ಟ ಡೋನಾಲ್ಡ್ ಟ್ರಂಪ್, ಅಲ್ಲಿನ ಅಧ್ಯಕ್ಷ ಕಿಮ್ ಜಾಂಗ್ ಊನ್ ಅವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದರು.

1950-53ರ ಕೊರಿಯನ್ ಯುದ್ಧದಲ್ಲಿ ತಮ್ಮ ಪರಸ್ಪರ ಹೋರಾಡಿದ ಸ್ಥಳವನ್ನು ಗುರುತಿಸುವ ರೇಖೆಯ ಮೇಲೆ ನಿಂತು ಪರಸ್ಪರ ನಾಯಕರು ಭೇಟಿಯಾಗಿ ಇತಿಹಾಸ ಸೃಷ್ಟಿಸಿದರು. 

ನಂತರ ಸಿಯೋಲ್ ಗಡಿ ಬಳಿ ತೆರಳಿದ ಇಬ್ಬರೂ ನಾಯಕರು, ಅಲ್ಲಿ ದ. ಕೊರಿಯಾ ಅಧ್ಯಕ್ಷ ಮೂನ್-ಜಿ-ಇನ್ ಭೇಟಿ ಮಾಡಿದ್ದು ವಿಶೇಷವಾಗಿತ್ತು.