ಟ್ರಾಫಿಕ್ ನಿಯಮ ಉಲ್ಲಂಘಿಸಿದ ಯುವಕ| ಟ್ರಾಫಿಕ್ ಪೊಲೀಸರಿಂದ ಮನೆಗೇ ಬಂತು ದಂಡ ವಿಧಿಸಲು ರಶೀದಿ| ರಶೀದಿ ಜೊತೆಗಿತ್ತು ಸರ್ಪ್ರೈಸಿಂಗ್ ಗಿಫ್ಟ್|
ಅಹಮದಾಬಾದ್[ಏ.30]: ಸಂಚಾರಿ ನಿಯಮ ಉಲ್ಲಂಘಿಸುವುದು ತಪ್ಪು ಹಾಗೂ ಇದಕ್ಕೆ ದಂಡ ಭರಿಸಬೇಕಾಗುತ್ತದೆ. ಆದರೆ ಗುಜರಾತ್ ನಲ್ಲಿ ಟ್ರಾಫಿಕ್ ನಿಯಮ ಉಲ್ಲಂಘಿಸಿದ ಯುವಕನಿಗೆ ಆತನ ಪ್ರೀತಿ ಪರ್ಮನೆಂಟ್ ಆಗಿ ಸಿಕ್ಕಿದೆ. ಅದು ಹೇಗೆ ಅಂತೀರಾ ಇಲ್ಲಿದೆ ನೋಡಿ ವಿವರ
ವತ್ಸಲ್ ಪಾರೆಖ್ ಹೆಸರಿನ ಯುವಕ ತಾನು ಪ್ರೀತಿಸುತ್ತಿದ್ದ ಯುವತಿಯನ್ನು ಬೈಕ್ ನಲ್ಲಿ ಕರೆದೊಯ್ಯುತ್ತಿದ್ದ. ಈ ವೇಳೆ ಟ್ರಾಫಿಲ್ ಸಿಗ್ನಲ್ ನಿಯಮ ಬ್ರೇಕ್ ಮಾಡಿ ಬೈಕ್ ಚಲಾಯಿಸಿದ್ದ. ಇದನ್ನು ಗಮನಿಸಿದ್ದ ಟ್ರಾಫಿಕ್ ಪೊಲೀಸ್ ಬೈಕ್ ನಂಬರ್ ಗಮನಿಸಿ ಆತನ ಮನೆಗೆ ದಂಡ ವಿಧಿಸಿ ಚಲನ್ ಕಳುಹಿಸಿದ್ದರು.
ಆದರೆ ಪೊಲೀಸರು ಕಳುಹಿಸಿದ್ದ ಈ ರಸೀದಿ ಯುವಕನ ಮನೆಯವರ ಕೈ ಸೇರಿತ್ತು. ಪೊಲೀಸರು ಈ ರಶೀದಿಯೊಂದಿಗೆ ಯುವಕ ಟ್ರಾಫಿಕ್ ನಿಯಮ ಉಲ್ಲಂಘಿಸಿದ್ದ ಫೋಟೋವನ್ನು ಕಳುಹಿಸಿದ್ದರು. ಫೋಟೋದಲ್ಲಿ ತಮ್ಮ ಮನೆ ಮಗನೊಂದಿಗೆ ಯುವತಿಯೊಬ್ಬಳು ಬೈಕ್ ನಲ್ಲಿರುವುದನ್ನು ಗಮನಿಸಿದ ಮನೆಯವರು ವತ್ಸಲ್ ಮನೆಗೆ ಬರುತ್ತಿದ್ದಂತೆಯೇ ಆಕೆಯ ಕುರಿತಾಗಿ ಮಾಹಿತಿ ಪಡೆದಿದ್ದಾರೆ. ಈ ವೇಳೆ ಆಕೆಯನ್ನು ತಾವಿಬ್ಬರು ಪರಸ್ಪರ ಪ್ರೀತಿಸುತ್ತಿದ್ದು, ಮದುವೆಯಾಗಬೇಕೆಂಬ ಆಸೆ ಇದೆ ಎಂಬ ವಿಚಾರ ವತ್ಸಲ್ ಬಾಯ್ಬಿಟ್ಟಿದ್ದಾನೆ. ಇದನ್ನು ಕೆಳಿದ ಮನೆ ಮಂದಿ ಯುವತಿಯ ತಂದೆ ತಾಯಿಯನ್ನು ಭೇಟಿಯಾಗಿ ಮಕ್ಕಳು ಪರಸ್ಪರ ಪ್ರೀತಿಸುತ್ತಿರುವ ವಿಚಾರವನ್ನು ತಿಳಿಸಿದ್ದಾರೆ ಹಾಗೂ ಮದುವೆ ಮಾತುಕತೆ ನಡೆಸಿದ್ದಾರೆ.
I got a memo by mail today and the funniest thing happened , in the pic of the memo was me and my gf ( which my parents don't know about ) now they do. Thanks guys due to this memo now my parents know about my relationship 🤦♂️ pic.twitter.com/U59HtGMU32
ಇದನ್ನು ತಿಳಿದ ಯುವಕನಿಗೆ ಬಹಳಷ್ಟು ಖುಷಿಯಾಗಿದೆ. ಇದೇ ಖುಷಿಯಲ್ಲಿ ಅಹಮದಾಬಾದ್ ಪೊಲೀಸರಿಗೆ ದಂಡ ವಿಧಿಸಿ ಮನೆಗೆ ರಶೀದಿ ಜೊತೆಗೆ ಫೋಟೋ ಕಳುಹಿಸಿದ್ದಕ್ಕಾಗಿ ಧನ್ಯವಾದ ತಿಳಿಸಿ ಟ್ವೀಟ್ ಮಾಡಿದ್ದಾನೆ.