ಇಂದು ಮಧ್ಯಾಹ್ನದ ವೇಳೆಗೆ ಶ್ರೀ ದೇವಿ ಅಂತಿಮ ಸಂಸ್ಕಾರ

ಕಳೆದ ಶನಿವಾರ ದುಬೈನಲ್ಲಿ ಮೃತಪಟ್ಟ ಮೋಹಕ ತಾರೆ ಶ್ರೀದೇವಿ ಪಾರ್ಥಿವ ಶರೀರವನ್ನು ಕೊನೆಗೂ  ನಿನ್ನೆ  ರಾತ್ರಿ ಮುಂಬೈ  ವಿಮಾನ ನಿಲ್ದಾಣಕ್ಕೆ  ವಿಶೇಷ ವಿಮಾನದಲ್ಲಿ  ತರಲಾಯಿತು.

ಮುಂಬೈ : ಕಳೆದ ಶನಿವಾರ ದುಬೈನಲ್ಲಿ ಮೃತಪಟ್ಟ ಮೋಹಕ ತಾರೆ ಶ್ರೀದೇವಿ ಪಾರ್ಥಿವ ಶರೀರವನ್ನು ಕೊನೆಗೂ  ನಿನ್ನೆ  ರಾತ್ರಿ ಮುಂಬೈ  ವಿಮಾನ ನಿಲ್ದಾಣಕ್ಕೆ  ವಿಶೇಷ ವಿಮಾನದಲ್ಲಿ  ತರಲಾಯಿತು. ಚಿತ್ರರಂಗದ ಗಣ್ಯರು ಶ್ರೀದೇವಿ ಪಾರ್ಥಿವ ಶರೀರದ ಅಂತಿಮ ದರ್ಶನ ಪಡೆದರು. ಅಂಧೇರಿಯ ಲೋಖಂಡ್ ವಾಲಾದಲ್ಲಿರುವ ಶ್ರೀದೇವಿ ನಿವಾಸದ  ಬಳಿ ನೂರಾರು ಸಂಖ್ಯೆಯ ಅಭಿಮಾನಿಗಳು  ಜಮಾಯಿಸಿದ್ದರು. ಇಂದು ಶ್ರೀದೇವಿ ಅವರ  ಅಂತ್ಯಕ್ರಿಯೆ ನಡೆಯಲಿದೆ.

ಬೆಳಗ್ಗೆ  9.30 ರಿಂದ   ಮಧ್ಯಾಹ್ನ  12. 30ರ ವರೆಗೆ  ಸಾರ್ವಜನಿಕರ ದರ್ಶನಕ್ಕೆ  ವ್ಯವಸ್ಥೆ ಮಾಡಲಾಗಿದೆ. ಮುಂಬೈನ ಸೆಲಬ್ರೇಷನ್ ಸ್ಫೋರ್ಟ್ಸ್   ಕ್ಲಬ್​  ಮೈದಾನದಲ್ಲಿ   ಅಂತಿಮ ದರ್ಶನಕ್ಕೆ ವ್ಯವಸ್ಥೆ  ಮಾಡಲಾಗಿದೆ.  ಮಧ್ಯಾಹ್ನ  2 ಗಂಟೆ ವೇಳೆಗೆ  ಶ್ರೀದೇವಿ  ಮೃತದೇಹವನ್ನು  ಮೆರವಣಿಗೆಯಲ್ಲಿ  ಪವನ್​ ಹನ್ಸ್​  ರುದ್ರಭೂಮಿವರೆಗೆ ತರಲಾಗುತ್ತೆ.

ಇನ್ನು  ಕಳೆದ ರಾತ್ರಿ ಬಾಲಿವುಡ್​ನ  ಗಣ್ಯರು ಶ್ರೀದೇವಿ ನಿವಾಸಕ್ಕೆ ಆಗಮಿಸಿ ಪಾರ್ಥಿವ  ಶರೀರದ ಅಂತಿಮ ದರ್ಶನ ಪಡೆದರು.  ಇಂದು ಮುಂಬೈನ ಪವನ್ ಹನ್ಸ್  ಚಿತಾಗಾರದಲ್ಲಿ  ಅಂತ್ಯಕ್ರಿಯೆ  ನಡೆಯುವ ಬಗ್ಗೆ ಬೋನಿ ಕಪೂರ್ ಕುಟುಂಬ ಸದಸ್ಯರು ಖಸಿತಪಡಿಸಿದ್ದಾರೆ.