ಬಿಜೆಪಿ ನಾಯಕರೊಂದಿಗೆ ರಮೇಶ್ ಸಭೆ : ಹೊಸ ದೋಸ್ತಿಗೆ ಯತ್ನ..?

ಸಮ್ಮಿಶ್ರ ಸರ್ಕಾ​ರದ ದೋಸ್ತಿ​ಗ​ಳಾದ ಕಾಂಗ್ರೆ​ಸ್‌-ಜೆಡಿ​ಎಸ್‌ ನಡುವೆ ನಡೆ​ದಿ​ರುವ ತಿಕ್ಕಾ​ಟದ ಹಿನ್ನೆ​ಲೆ​ಯಲ್ಲಿ ಕಾಂಗ್ರೆ​ಸ್‌ನ ಅತೃ​ಪ್ತರು ಬಿಜೆ​ಪಿ​ಯತ್ತ ಧಾವಿ​ಸುವ ಪ್ರಯ​ತ್ನ​ವನ್ನು ತೀವ್ರ​ಗೊ​ಳಿ​ಸಿದ್ದಾರೆ ಎನ್ನಲಾಗಿದೆ. 

ಬೆಂಗ​ಳೂರು :  ಒಂದು ಕಡೆ ಪಕ್ಷದ ನಿರ್ಲಕ್ಷ್ಯ ಹಾಗೂ ಮತ್ತೊಂದು ಕಡೆ ಸಮ್ಮಿಶ್ರ ಸರ್ಕಾ​ರದ ದೋಸ್ತಿ​ಗ​ಳಾದ ಕಾಂಗ್ರೆ​ಸ್‌-ಜೆಡಿ​ಎಸ್‌ ನಡುವೆ ನಡೆ​ದಿ​ರುವ ತಿಕ್ಕಾ​ಟದ ಹಿನ್ನೆ​ಲೆ​ಯಲ್ಲಿ ಕಾಂಗ್ರೆ​ಸ್‌ನ ಅತೃ​ಪ್ತರು ಬಿಜೆ​ಪಿ​ಯತ್ತ ಧಾವಿ​ಸುವ ಪ್ರಯ​ತ್ನ​ವನ್ನು ತೀವ್ರ​ಗೊ​ಳಿ​ಸಿದ್ದು, ಸಂಪುಟ ವಿಸ್ತ​ರಣೆ ವೇಳೆ ಸಚಿವ ಸ್ಥಾನ​ದಿಂದ ಕೊಕ್‌ ಪಡೆದ ರಮೇಶ್‌ ಜಾರ​ಕಿ​ಹೊಳಿ, ಆರ್‌.ಶಂಕರ್‌ ಹಾಗೂ ಶಾಸಕ ವಿ.ನಾಗೇಂದ್ರ ಅವರು ದೆಹ​ಲಿ​ಯಲ್ಲಿ ಶನಿ​ವಾರ ಬಿಜೆ​ಪಿಯ ಹಿರಿಯ ನಾಯ​ಕ​ರೊಂದಿಗೆ ಮಹ​ತ್ವದ ಸಭೆ ನಡೆ​ಸಿ​ದರು ಎಂದು ಹೇಳ​ಲಾ​ಗು​ತ್ತಿ​ದೆ.

ಆದರೆ, ಇದನ್ನು ಸ್ಪಷ್ಟ​ವಾಗಿ ಅಲ್ಲ​ಗ​ಳೆ​ದಿ​ರುವ ಬಿಜೆಪಿ ನಾಯಕ ಹಾಗೂ ಮಾಜಿ ಮುಖ್ಯ​ಮಂತ್ರಿ ಜಗ​ದೀಶ್‌ ಶೆಟ್ಟರ್‌ ಅವರು, ಲೋಕ​ಸಭೆ ತಯಾ​ರಿ​ಗಾಗಿ ನಾನು ಹಾಗೂ ಪಕ್ಷಾ​ಧ್ಯಕ್ಷ ಯಡಿ​ಯೂ​ರಪ್ಪ ದೆಹ​ಲಿ​ಯ​ಲ್ಲಿ​ದ್ದೇವೆ. ನಾವು ಕಾಂಗ್ರೆ​ಸ್‌ನ ಯಾವೊಬ್ಬ ಶಾಸ​ಕ​ರನ್ನೂ ಭೇಟಿ ಮಾಡಿಲ್ಲ ಎಂದು ಸ್ಪಷ್ಟ​ಪ​ಡಿ​ಸಿ​ದ್ದಾ​ರೆ.

ಆದರೆ, ರಾಜ್ಯ ಬಿಜೆ​ಪಿಯ ಈ ಪ್ರಮುಖ ನಾಯ​ಕರು ದೆಹ​ಲಿ​ಯ​ಲ್ಲಿ ಇರುವ ವೇಳೆಯೇ ಕಾಂಗ್ರೆ​ಸ್‌ನ ಅತೃ​ಪ್ತರು ದೆಹ​ಲಿ​ಯಲ್ಲಿ ಬೀಡು ಬಿಟ್ಟಿ​ರು​ವುದು ಕಾಕ​ತಾ​ಳೀ​ಯವೇ ಎಂಬ ಪ್ರಶ್ನೆ ರಾಜ​ಕೀಯ ವಲ​ಯ​ದಲ್ಲಿ ಹುಟ್ಟಿಕೊಂಡಿದೆ. ಕಾಂಗ್ರೆ​ಸ್‌ನ ಅತೃ​ಪ್ತರು ಬಿಜೆಪಿ ನಾಯ​ಕ​ರನ್ನು ಸಂಪ​ರ್ಕಿ​ಸುವ ಪ್ರಯ​ತ್ನ​ವನ್ನು ಕಳೆದು ಹಲವು ದಿನ​ಗ​ಳಿಂದ ನಡೆ​ಸು​ತ್ತಿ​ದ್ದಾರೆ ಎಂದು ಹೇಳ​ಲಾ​ಗು​ತ್ತಿತ್ತು. ಈ ಪ್ರಯ​ತ್ನ​ದಲ್ಲಿ ಅತೃ​ಪ್ತರು ಶನಿ​ವಾರ ಒಂದು ಹೆಜ್ಜೆ ಮುಂದೆ ಹೋಗಿದ್ದು ಬಿಜೆಪಿ ನಾಯ​ಕ​ರೊಂದಿಗೆ ಸಭೆ​ಯನ್ನೂ ನಡೆ​ಸಿ​ದರು ಎಂದು ಹೇಳ​ಲಾ​ಗು​ತ್ತಿ​ದೆ.

ಮೂಲ​ಗಳ ಪ್ರಕಾರ ದೆಹ​ಲಿ​ಯ​ಲ್ಲಿ​ರುವ ಯಡಿ​ಯೂ​ರಪ್ಪ, ಜಗ​ದೀಶ್‌ ಶೆಟ್ಟರ್‌ ಹಾಗೂ ಇನ್ನಿ​ಬ್ಬರು ಹಿರಿಯ ನಾಯ​ಕ​ಕ​ರೊಂದಿಗೆ ಕಾಂಗ್ರೆ​ಸ್‌ನ ಅತೃಪ್ತ ಶಾಸ​ಕರು ಮಹ​ತ್ವದ ಸಭೆ​ಯನ್ನು ನಡೆ​ಸಿದ್ದು, ತಮ್ಮೊಂದಿಗೆ ಕಾಂಗ್ರೆ​ಸ್‌ನ ಸುಮಾರು 18ರಿಂದ 20 ಶಾಸ​ಕರು ಇದ್ದಾರೆ ಎಂಬ ಮಾಹಿ​ತಿ​ಯನ್ನು ಬಿಜೆ​ಪಿ ನಾಯ​ಕ​ತ್ವಕ್ಕೆ ನೀಡಿದ್ದಾರೆ ಎನ್ನ​ಲಾ​ಗಿದೆ. ಅಲ್ಲದೆ, ಮುಂದಿನ ರೂಪರೇಷೆ ಬಗ್ಗೆ ದೆಹ​ಲಿಯ ಪ್ರಮುಖ ಹೋಟೆಲ್‌​ವೊಂದ​ರಲ್ಲಿ ಸುಮಾರು ಮೂರು ತಾಸಿಗೂ ಹೆಚ್ಚು​ ಕಾಲ ವಿವ​ರ​ವಾಗಿ ಚರ್ಚೆ ನಡೆ​ಸಿ​ದ್ದಾರೆ. ಈ ಚರ್ಚೆಯ ನಂತರ ಈ ತ್ರಿವಳಿ ಅತೃ​ಪ್ತರು ಭಾನು​ವಾರ ಮತ್ತೊಂದು ಮಹ​ತ್ವದ ಸಭೆ​ಯಲ್ಲಿ ಪಾಲ್ಗೊ​ಳ್ಳ​ಲಿದ್ದು, ಇದಾದ ನಂತರ ರಾಜ್ಯ​ ರಾಜ​ಕಾ​ರ​ಣ​ದಲ್ಲಿ ಸಂಚಲನ ಮೂಡಿಸುವಂತಹ ಬೆಳ​ವ​ಣಿ​ಗೆ​ಗಳು ನಡೆ​ಯ​ಲಿವೆ ಎಂದು ಹೇಳ​ಲಾ​ಗು​ತ್ತಿ​ದೆ.

ತಮ್ಮನ್ನು ಸಚಿವ ಸಂಪು​ಟ​ದಿಂದ ಹೊರ​ಗಿ​ಟ್ಟಿ​ರು​ವು​ದ​ರಿಂದ ತೀವ್ರ ಕ್ರುದ್ಧ​ರಾ​ಗಿ​ರುವ ರಮೇಶ್‌ ಜಾರ​ಕಿ​ಹೊಳಿ ಅವರು ಕಳೆದ ನಾಲ್ಕೈದು ದಿನ​ಗ​ಳಿಂದ ತಮ್ಮ ಸಹೋ​ದರ ಸತೀಶ್‌ ಜಾರ​ಕಿ​ಹೊಳಿ ಸೇರಿ​ದಂತೆ ಯಾರ ಸಂಪ​ರ್ಕಕ್ಕೂ ದೊರೆ​ತಿರ​ಲಿಲ್ಲ. ಆದರೆ, ರಮೇಶ್‌ ಜಾರ​ಕಿ​ಹೊಳಿ ಅವರು ಬಿಜೆಪಿ ನಾಯ​ಕ​ರೊಂದಿಗೆ ಮಾತು​ಕ​ತೆ​ಗ​ಳನ್ನು ನಡೆ​ಸು​ತ್ತಿ​ದ್ದಾರೆ ಎಂಬ ಗುಲ್ಲು ಹಬ್ಬಿತ್ತು. ಇಂತಹ ವದಂತಿ​ಗ​ಳನ್ನು ಕಾಂಗ್ರೆಸ್‌ ನಾಯ​ಕರು ತಳ್ಳಿ ಹಾಕಿ​ದ್ದರು. ರಮೇಶ್‌ ಅವರು ಪಕ್ಷ ಬಿಡು​ವು​ದಿಲ್ಲ ಎಂದೇ ಹೇಳು​ತ್ತಿ​ದ್ದ​ರು.

ಆದರೆ, ಕನ್ನ​ಡ​ಪ್ರ​ಭಕ್ಕೆ ದೊರ​ಕಿ​ರುವ ಮಾಹಿತಿ ಪ್ರಕಾರ ರಮೇಶ್‌ ಜಾರ​ಕಿ​ಹೊಳಿ ನೇತೃ​ತ್ವ​ದಲ್ಲಿ ಕಾಂಗ್ರೆ​ಸ್‌ನ ಅತೃ​ಪ್ತರು ಬಿಜೆ​ಪಿಯ ನಾಯ​ಕ​ರನ್ನು ಸಂಪ​ರ್ಕಿ​ಸುವ ಹಾಗೂ ಮುಂದಿನ ರೂಪರೇಷೆ ಸಿದ್ಧಪ​ಡಿ​ಸುವ ದಿಸೆ​ಯಲ್ಲಿ ಸಾಕಷ್ಟುಮುಂದೆ ಸಾಗಿದ್ದು, ಅವ​ರೊಂದಿಗೆ ಒಂದಷ್ಟುಕಾಂಗ್ರೆ​ಸ್‌ನ ಅತೃಪ್ತ ಶಾಸ​ಕರು ಇದ್ದಾರೆ ಎಂದು ಹೇಳ​ಲಾ​ಗು​ತ್ತಿದೆ. ರಮೇಶ್‌ ಜಾರ​ಕಿ​ಹೊಳಿ ಆಪ್ತರ ಪ್ರಕಾರ ಈ ಸಂಖ್ಯೆ 18ರಿಂದ 20 ಮುಟ್ಟಿದೆ. ಯಾವ ರೀತಿ ಮುಂದಿನ ಹೆಜ್ಜೆ​ಯಿ​ಡ​ಬೇಕು? ಕಾಂಗ್ರೆ​ಸ್‌​ನಿಂದ ಹೊರ ಬಂದ ನಂತರ ಮುಂದೇನು ಮಾಡ​ಬೇಕು ಎಂಬುದು ಸೇರಿ​ದಂತೆ ಮುಂದಿನ ನಡೆಯ ಬಗ್ಗೆ ಸವಿ​ವ​ರ​ವಾದ ಚರ್ಚೆಯು ಈಗಾ​ಗಲೇ ಮುಗಿ​ದಿದೆ. ಭಾನು​ವಾರ ನಡೆ​ಯ​ಲಿ​ರುವ ಮಹ​ತ್ವದ ಸಭೆಯ ನಂತರ ಈ ಬೆಳ​ವ​ಣಿ​ಗೆ​ಗಳು ಸ್ಪಷ್ಟ​ವಾಗಿ ಬಹಿ​ರಂಗಕ್ಕೆ ಬರ​ಲಿವೆ ಎಂದು ಹೇಳ​ಲಾ​ಗು​ತ್ತಿ​ದೆ.ಆದರೆ, ಬಿಜೆ​ಪಿಯ ಉನ್ನತ ನಾಯ​ಕರು ಇಂತಹ ಯಾವುದೇ ಬೆಳ​ವ​ಣಿಗೆ ನಡೆ​ದಿಲ್ಲ ಎಂದೇ ಹೇಳು​ತ್ತಾ​ರೆ.