2.75 ಲಕ್ಷ ಕೊಟ್ಟು BOSS ಖರೀದಿಸಿದ ನಲಪಾಡ್

ಕಾಂಗ್ರೆಸ್ ಶಾಸಕ ಹ್ಯಾರಿಸ್ ಪುತ್ರ ನಲಪಾಡ್ ಹ್ಯಾರಿಸ್ ಬರೋಬ್ಬರಿ 2.75 ಲಕ್ಷ ಹಣವನ್ನು ಕೊಟ್ಟು ಫ್ಯಾನ್ಸಿ ನಂಬರ್ ಒಂದನ್ನು ಖರೀದಿ ಮಾಡಿದ್ದಾರೆ. 

ಬೆಂಗಳೂರು :  ಶಾಂತಿನಗರದ ಸಾರಿಗೆ ಆಯುಕ್ತರ ಕಚೇರಿಯಲ್ಲಿ ಮಂಗಳವಾರ ನಡೆದ ಬೆಂಗಳೂರು ಪೂರ್ವ ಪ್ರಾದೇಶಿಕ ಸಾರಿಗೆ ಕಚೇರಿಯಲ್ಲಿ ಪ್ರಾರಂಭಿಸಿರುವ ಕೆಎ-03-ಎನ್‌ಇ’ ಶ್ರೇಣಿಯ ಮುಂಗಡ ನೋಂದಣಿ ಸಂಖ್ಯೆಗಳ (ಫ್ಯಾನ್ಸಿ ನಂಬರ್‌) ಬಹಿರಂಗ ಹರಾಜಿನಲ್ಲಿ ಇಂಗ್ಲಿಷ್‌ನ ‘Boss’ ಪದ ಹೋಲುವ 8055 ನೋಂದಣಿ ಸಂಖ್ಯೆ ಬರೋಬ್ಬರಿ 2.75 ಲಕ್ಷ ರು. ಹರಾಜಾಗಿದೆ. ವಿಶೇಷ ಎಂದರೆ, ಶಾಸಕ ಎನ್‌.ಎ.ಹ್ಯಾರಿಸ್‌ ಪುತ್ರ ಮೊಹಮ್ಮದ್‌ ನಲಪಾಡ್‌ ಅವರು ಹರಾಜಿನಲ್ಲಿ ಭಾಗವಹಿಸಿ ಈ ಸಂಖ್ಯೆಯನ್ನು ಪಡೆದುಕೊಂಡಿದ್ದಾರೆ.

ಹರಾಜಿನಲ್ಲಿ ಒಟ್ಟು 23 ಫ್ಯಾನ್ಸಿ ನೋಂದಣಿ ಸಂಖ್ಯೆಗಳು ಹರಾಜಾಗಿವೆ. ಈ ಪೈಕಿ 0001 (.1.80 ಲಕ್ಷ), 7777 (.1.35 ಲಕ್ಷ), 0009 (.1.57 ಲಕ್ಷ), 0099 (.1 ಲಕ್ಷ), 6999 (.1 ಲಕ್ಷ) ಅಧಿಕ ಮೊತ್ತಕ್ಕೆ ಬಿಕರಿಯಾಗಿವೆ. 0005 (.86 ಸಾವಿರ), 0666 (.80 ಸಾವಿರ), 0555 ಹಾಗೂ 0999 ನೋಂದಣಿ ಸಂಖ್ಯೆ ತಲಾ .76 ಸಾವಿರ ಹರಾಜಾಗಿವೆ. ಉಳಿದಂತೆ 1234, 1111, 0333, 0045, 4545, 0007, 8888, 0909, 9999, 0003, 0018, 3339 ಹಾಗೂ 3333 ತಲಾ .75,500ಗೆ ಹರಾಜಾದವು. ಒಟ್ಟಾರೆ 23 ಫ್ಯಾನ್ಸಿ ನೋಂದಣಿ ಸಂಖ್ಯೆಗಳ ಹರಾಜಿನಿಂದ ಸಾರಿಗೆ ಇಲಾಖೆಗೆ .22,46,500 ಆದಾಯ ಬಂದಿದೆ ಎಂದು ಸಾರಿಗೆ ಇಲಾಖೆ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.