ಹೃದಯಾಘಾತದಿಂದ ಲೈವ್‌ನಲ್ಲೇ ಸಾವು ವಿಡಿಯೋ ವೈರಲ್

ಅಲ್ಲಿ ಟಿವಿ ಶೋ ನಡೆಯುತ್ತಿತ್ತು. ಚರ್ಚೆಯಲ್ಲಿ ಭಾಗವಹಿಸಿದ್ದ ವಿದ್ಯಾಂಸೆಯೊಬ್ಬರು ಇದ್ದಕ್ಕಿದ್ದಂತೆ ಹಿಂದಕ್ಕೆ ಒರಗಿದರು. ಏನು ಆಗುತ್ತಿದೆ ಎಂದು ನೋಡುವಷ್ಟರಲ್ಲಿ ಅವರ ಪ್ರಾಣ ಪಕಷಿ ಹಾರಿ ಹೋಗಿತ್ತು.. ಹೌದು ಇಂಥದ್ದೊಂದು ಘಟನೆಗೆ ಜಮ್ಮು-ಕಾಶ್ಮೀರದ ವಾಹಿನಿಯ ಸ್ಟುಡಿಯೋ ಒಂದು ಸಾಕ್ಷಿಯಾಗಿದೆ.

ಶ್ರೀನಗರ[ಸೆ.11]  ಸಾಮಾಜಿಕ ಕಾರ್ಯಕರ್ತೆ, ವಿದ್ವಾಂಸೆಯೊಬ್ಬರು ಟಿ.ವಿ. ಶೋದಲ್ಲಿ ಮಾತನಾಡುತ್ತಿದ್ದಾಗಲೇ ಹೃದಯಾಘಾತದಿಂದ ನಿಧನರಾಗಿದ್ದಾರೆ. ಜಮ್ಮು-ಕಾಶ್ಮೀರದ ಡೋಗ್ರಿ ವಿದ್ವಾಂಸೆ ರಿತಾ ಜಿತೇಂದರ್​ (81) ಅವರನ್ನು ಸಾವು ಟಿವಿ ಸ್ಟುಡಿಯೋದಲ್ಲಿ ಹುಡುಕಿಕೊಂಡು ಬಂದಿದೆ.

ನೇರ ಪ್ರಸಾರದಲ್ಲಿ ಮಾತನಾಡುತ್ತಿದ್ದಾಗಲೇ  ಹಾರ್ಟ್​ ಅಟ್ಯಾಕ್​ನಿಂದ ಮೃತಪಟ್ಟ 56 ಸೆಕೆಂಡ್​ಗಳ ವಿಡಿಯೋ ವೈರಲ್​ ಆಗುತ್ತಿದೆ. ರಿತಾ ಅವರು ಟಿವಿ ನಿರೂಪಕರಿಂದ ತುಂಬ ದೂರವೇನೂ ಕುಳಿತಿರಲಿಲ್ಲ. ಹಾಗೇ ಮಾತನಾಡುತ್ತಿರುವಾಗಲೇ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಕೂಡಲೇ ಆ ಕಾರ್ಯಕ್ರಮ ಸ್ಥಗಿತಗೊಳಿಸಲಾಗಿದ್ದು ಸೋಶಿಯಲ್ ಮೀಡಿಯಾದಲ್ಲಿ ಜನರು ಕಂಬನಿ ಮಿಡಿದಿದ್ದಾರೆ