ಭಾರತದ ವಿರುದ್ಧ ಸುಳ್ಳುಗಳ ಸರಮಾಲೆ ಹೆಣೆಯುತ್ತಿರುವ ಪಾಕಿಸ್ತಾನ| ಭಾರತದ ಜಲಾಂತರ್ಗಾಮಿ ತನ್ನ ಜಲಗಡಿ ದಾಟಿದೆ ಎಂದ ಪಾಕಿಸ್ತಾನ| ಪಾಕಿಸ್ತಾನ ಬಿಡುಗಡೆ ಮಾಡಿರುವ ವಿಡಿಯೋ ನಕಲಿ ಎಂದ ಭಾರತೀಯ ನೌಕಾಸೇನೆ| ಪಾಕ್ ವಿಶ್ವ ಸಮುದಾಯವನ್ನು ತಪ್ಪು ದಾರಿಗೆ ಎಳೆಯುತ್ತಿದೆ ಎಂದ ನೌಕಾಸೇನೆ|
ನವದೆಹಲಿ(ಮಾ.05): ಭಾರತದ ಜಲಾಂತರ್ಗಾಮಿ ನೌಕೆಯೊಂದು ತನ್ನ ಜಲಗಡಿಯನ್ನು ದಾಟಿ ಒಳನುಗ್ಗಿದೆ ಎಂಬ ಪಾಕಿಸ್ತಾನದ ಆರೋಪವನ್ನು ಭಾರತೀಯ ನೌಕಾಸೇನೆ ತಿರಸ್ಕರಿಸಿದೆ.
ಭಾರತದ ಜಲಾಂತರ್ಗಾಮಿ ನೌಕೆ ಗುಪ್ತವಾಗಿ ತನ್ನ ಜಲಗಡಿಯೊಳಗೆ ನುಸುಳಿದೆ ಎಂದಿದ್ದ ಪಾಕಿಸ್ತಾನ, ಈ ಕುರಿತು ವಿಡಿಯೋವೊಂದನ್ನು ಬಿಡುಗಡೆ ಮಾಡಿತ್ತು.
Pakistan claims of downing Sukhoi jets and chasing away submarines rubbished
Read Story| https://t.co/An58lD3YlI pic.twitter.com/ZA2i59DuRz
ಈ ಕುರಿತು ಟ್ವೀಟ್ ಮೂಲಕ ಸ್ಪಷ್ಟನೆ ನೀಡಿರುವ ಭಾರತೀಯ ನೌಕಾಸೇನೆ, ಭಾರತೀಯ ನೌಕಾಪಡೆ ಎಂದಿಗೂ ಪಾಕ್ ಜಲಗಡಿಯನ್ನು ದಾಟಿಲ್ಲ ಎಂದು ಸ್ಪಷ್ಟಪಡಿಸಿದೆ. ಅಲ್ಲದೇ ಪಾಕ್ ಸುಳ್ಳು ವಿಡಿಯೋಗಳನ್ನು ಹರಿಬಿಡುವ ಮೂಲಕ ವಿಶ್ವ ಸಮುದಾಯವನ್ನು ತಪ್ಪು ದಾರಿಗೆ ಎಳೆಯುತ್ತಿದೆ ಎಂದು ಆರೋಪಿಸಿದೆ.