ಫ್ರಾನ್ಸ್ ಜೊತೆ ರಫೆಲ್ ಯುದ್ಧ ವಿಮಾನ ಖರೀದಿ ಒಪ್ಪಂದಕ್ಕೆ ಭಾರತ ಸಹಿ

36 ರಫೆಲ್ ಜೆಟ್ ಗಳನ್ನು ಖರೀದಿಸುವ 7.8 ಬಿಲಿಯನ್ ಯೂರೋ ಒಪ್ಪಂದಕ್ಕೆ ಸಹಿ

ನವದೆಹಲಿ(ಸೆ.23): ಇಂದು ಭಾರತದ ರಕ್ಷಣಾ ಇಲಾಖೆ ಪಾಲಿಗೆ ಮಹತ್ವದ ದಿನ. ಭಾರತವು ಫ್ರಾನ್ಸ್‌ನ ಅತ್ಯಂತ ವಿಶ್ವಾಸಾರ್ಹ ಮತ್ತು ನಿಕಟ ಮಿತ್ರ ಎಂಬುದು ಜಗತ್​ ಜಾಹೀರಾದ ವಿಚಾರ. ಇದಕ್ಕೆ ಇನ್ನಷ್ಟು ಫುಷ್ಠಿ ನೀಡುವುದಕ್ಕೆ ಫ್ರಾನ್ಸ್ ತಮ್ಮಲ್ಲಿ ಉತ್ಪತ್ತಿ ಮಾಡಲಾದ ಅತ್ಯಂತ ಸಮರ್ಥ ಯುದ್ದ ವಿಮಾನವಾದ ರಫಲ್​ ಜೆಟ್​ ಯುದ್ದ ವಿಮಾನವನ್ನ ಭಾರತಕ್ಕೆ ನೀಡುವುದಕ್ಕೆ ಮುಂದಾಗಿದೆ. ಈ ಮಹತ್ವದ ಒಪ್ಪಂದಕ್ಕೆ ರಕ್ಷಣಾ ಸಚಿವ ಮನೋಹರ್​ ಪರಿಕ್ಕರ್​ ಹಾಗೂ ಫ್ರೆಂಚ್ ನ ರಕ್ಷಣಾ ಸಚಿವರು ನವದೆಹಲಿಯಲ್ಲಿಂದು ಸಹಿ ಹಾಕಿದ್ದಾರೆ. 7.8 ಬಿಲಿಯನ್ ಯುರೋಗಳಿಗೆ 36 ರಫೆಲ್ ಜೆಟ್ ಗಳನ್ನು ಖರೀದಿಸುವ ಒಪ್ಪಂದಕ್ಕೆ ಸಹಿ ಬಿದ್ದಿದೆ.

ರಫೆಲ್​ ಫೈಟರ್​ ಜೆಟ್​ ವೈಶಿಷ್ಟ್ಯವೇನು..?: ಇದು ರಾಫೆಲ್ ಮೆಟೊರೊ ಶ್ರೇಣಿಯ ಕ್ಷಿಪಣಿಯಾಗಿದ್ದು, 150 ಕಿ.ಮೀ ಸಾಗುವ ಸಾಮರ್ಥ್ಯ ಹೊಂದಿದೆ. ದೃಷ್ಠಿವ್ಯಾಪಿಗೂ ಮಿಗಿಲಾಗಿ ಸಾಗುವ ಸಾಮರ್ಥ್ಯ ಹೊಂದಿದ್ದು, ಈ ಕ್ಷಿಪಣಿಯಲ್ಲಿ ಗುರಿ ತಪ್ಪುವ ಸಾಧ್ಯತೆ ಇತರೆ ಕ್ಷಿಪಣಿಗಳಿಗಿಂತ ಮೂರುಪಟ್ಟು ಕಡಿಮೆಯಾಗಿದೆ. ಹೀಗಾಗಿ, ಒಮ್ಮೆ ಕ್ಷಿಪಣಿ ಉಡಾಯಿಸಿದ್ರೆ ಮುಗಿಯಿತು  ಶತ್ರುಗಳು ಉಡೀಸ್​.

ಸದ್ಯ, ಶತ್ರು ರಾಷ್ಟ್ರ ಪಾಕ್​ನೊಂದಿಗೆ ಭಾರತದ ಸಂಬಂಧ ತೀರ ಹಳಸಿ ಹೋಗಿದೆ. ಹೀಗಾಗಿ, ಭವಿಷ್ಯದಲ್ಲಿನ ಯುದ್ದ ಸನ್ನಿವೇಶಗಳ ಸಾಧ್ಯತೆಯನ್ನ ತಳ್ಳಿ ಹಾಕುವಂತಿಲ್ಲ. ಹೀಗಾಗಿ, ಸಮರಕ್ಕೆ ಸಿದ್ದವಾಗುತ್ತಿರುವ ಭಾರತೀಯ ಸೇನೆಯ ವಾಯುದಳಕ್ಕೆ ಈಗ 300ಹಗುರ ಯುದ್ಧ ವಿಮಾನಗಳ ಅಗತ್ಯವಿದೆ. 2019ರ ವೇಳೆಗೆ ಸುಧಾರಿತ ಆವೃತ್ತಿಯ ರಫೆಲ್​ ಫೈಟರ್​ ಜೆಟ್ ವಿಮಾನ ವಾಯುದಳಕ್ಕೆ ಸೇರಬೇಕಿದೆ. ಎದುರಾಳಿಗಳನ್ನ ಸಮರ್ಥವಾಗಿ ಎದುರಿಸಲು ಸುಧಾರಿತ ಯುದ್ಧ ವಿಮಾನದಲ್ಲಿ ದೃಷ್ಟಿಗೆ ನಿಲುಕದ ಗುರಿಯನ್ನು ತಲುಪಬಲ್ಲ  ರೆಫಲ್​ ಫೈಟರ್​ ಜೆಟ್ ​ಕ್ಷಿಪಣಿಯ ಅವಶ್ಯಕತೆ ಬಹಳಷ್ಟಿದೆ.

ವಾಯು ಸೇನೆಯ ಡಿಮ್ಯಾಂಡ್​ಗೆ ರಕ್ಷಣಾ ಇಲಾಖೆ  ಗ್ರೀನ್​ ಸಿಗ್ನಲ್​ ನೀಡಿರುವುದು ಸೇನೆಗೆ ಇನ್ನಷ್ಟು ಬಲ ಹೆಚ್ಚಿಸಿದೆ. ರಫೆಲ್​ ಫೈಟರ್​​ ಜೆಟ್ ವಾಯು ಸೇನೆಗೆ ಎಂಟ್ರಿಯಾಗುತ್ತಿರುವುದು ಈಗ ಶತ್ರು ರಾಷ್ಟ್ರ ಪಾಕ್​ನ ನಿದ್ರೆ ಕೆಡಿಸಿರೋದಂತೂ ನಿಜ..​