ಭಾರ​ತೀಯ ಮರಳು ಶಿಲ್ಪಿ ಸುದ​ರ್ಶ​ನ್‌ಗೆ ಅಮೆರಿಕದ ಗೌರವ!

 ಪ್ಲಾಸ್ಟಿಕ್‌ ತ್ಯಾಜ್ಯ​ಗ​ಳಿಂದ ಸಾಗ​ರ​ಗ​ಳನ್ನು ಕಲು​ಷಿ​ತ​ಗೊ​ಳಿ​ಸು​ತ್ತಿ​ರುವ ಮಾನ​ವನ ಕೃತ್ಯ​ದ ವಿರುದ್ಧ ಜಾಗೃತಿ ಮೂಡಿ​ಸುವ ಶಿಲ್ಪ| ಭಾರ​ತೀಯ ಮರಳು ಶಿಲ್ಪಿ ಸುದ​ರ್ಶ​ನ್‌ಗೆ ಅಮೆ​ರಿ​ಕ​ದ ಪೀಪಲ್ಸ್‌ ಚಾಯ್ಸ್ ಗೌರ​ವ

ನ್ಯೂಯಾ​ರ್ಕ್[ಜು.29]: ಭಾರತದ ಖ್ಯಾತ ಮರಳು ಶಿಲ್ಪಿ, ಪದ್ಮಶ್ರೀ ಪುರ​ಸ್ಕೃತ ಸುದ​ರ್ಶನ ಪಟ್ನಾ​ಯಕ್‌ ಅವರು ಅಮೆ​ರಿಕ ಪ್ರತಿ​ಷ್ಠಿತ ಮರಳು ಶಿಲ್ಪಮೇಳ​ದಲ್ಲಿ ‘ಪೀಪಲ್ಸ್‌ ಚಾಯ್ಸ್ ಅವಾ​ರ್ಡ್‌’ಗೆ ಭಾಜ​ನ​ರಾ​ಗಿ​ದ್ದಾ​ರೆ.

ಪ್ಲಾಸ್ಟಿಕ್‌ ತ್ಯಾಜ್ಯ​ಗ​ಳಿಂದ ಸಾಗ​ರ​ಗ​ನ್ನು ಕಲು​ಷಿ​ತ​ಗೊ​ಳಿ​ಸು​ತ್ತಿ​ರುವ ಮಾನ​ವನ ಕೃತ್ಯ​ದ ವಿರುದ್ಧ ಜಾಗೃತಿ ಮೂಡಿ​ಸುವ ನಿಟ್ಟಿ​ನಲ್ಲಿ ರಚಿ​ಸಿದ್ದ ಮರಳು ಶಿಲ್ಪ ಅಮೆ​ರಿ​ಕ​ನ್ನರ ಹೃದಯ ತಟ್ಟಿದ್ದು, ಈ ಪ್ರಶ​ಸ್ತಿ ಪಟ್ನಾ​ಯ​ಕ್‌ಗೆ ಸಂದಿದೆ.

ಮಸ್ಸಾ​ಚು​ಸೆ​ಟ್ಸ್‌ನ ಬೋಸ್ಟನ್‌ ಸಮುದ್ರ ತೀರ​ದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ವಿಶ್ವ​ದ ಖ್ಯಾತ​ನಾಮ 15 ಕಲಾ​ವಿ​ದರು ಪಾಲ್ಗೊಂಡಿದ್ದು ಅದ​ರಲ್ಲಿ ಸುದ​ರ್ಶನ್‌ ಪಟ್ನಾ​ಯಕ್‌ ರಚಿ​ಸಿದ ‘ಪ್ಲಾಸ್ಟಿಕ್‌ ಬಳಕೆ ನಿಲ್ಲಿಸಿ, ಸಮು​ದ್ರ​ಗ​ಳನ್ನು ಸಂರ​ಕ್ಷಿ​ಸಿ’ ಎಂಬ ಘೋಷವಾ​ಕ್ಯದ ಮರಳು ಶಿಲ್ಪ ‘ಪೀಪಲ್ಸ್‌ ಚಾಯ್ಸ್ ಅವಾ​ರ್ಡ್‌’ಗೆ ಆಯ್ಕೆ​ಯಾ​ಗಿದೆ.