ಪಾಕಿಸ್ತಾನದ ಟ್ವೀಟರ್’ನಲ್ಲಿ #IamHafizSaeed ಟಾಪ್ ಟ್ರೆಂಡ್...!!!
ಸಾರಾಂಶ
ಇಸ್ಲಾಮಾಬಾದ್ (ಅ.07): ಉಗ್ರ ಸಂಘಟನೆಗಳ ವಿರುದ್ಧ ನಿರ್ದಾಕ್ಷಿಣ್ಯ ಕ್ರಮ ಕೈಗೊಳ್ಳಬೇಕೆಂದು ಪಾಕಿಸ್ತಾನ ಪ್ರಧಾನಮಂತ್ರಿ ನವಾಝ್ ಶರೀಫ್ ಅಧಿಕಾರಿಗಳಿಗೆ ಸೂಚಿಸಿರುವ ಬೆನ್ನಲ್ಲೇ, ಪಾಕಿಸ್ತಾನದ ಸಾಮಾಜಿಕ ಜಾಲತಾಣಗಳಲ್ಲಿ ನಿನ್ನೆ ರಾತ್ರಿ #IamHafizSaeed ಹ್ಯಾಶ್’ಟ್ಯಾಗ್ ಮೊದಲನೇ ಸ್ಥಾನದಲ್ಲಿ ಟ್ರೆಂಡ್ ಆಗಿದೆ.
ಪಾಕಿಸ್ತಾನದಲ್ಲಿ ಹಫೀಝ್ ಸಯೀದ್ ನಡೆಸುತ್ತಿರುವ ಸಮಾಜಸೇವಾ ಕೆಲಸಗಳನ್ನು ಹಾಡಿ ಹೊಗಳಿರುವ ಟ್ವೀಟರಟ್ಟಿಗಳು ಪ್ರಶಂಸೆಗಳ ಸುರಿಮಳೆಗೈದಿದ್ದಾರೆ.
ಆತ್ಮಹತ್ಯಾ ದಾಳಿಯನ್ನು ನಿಷಿದ್ಧವೆಂದು ಸಾರಿರುವ, ಅಲ್ಪಸಂಖ್ಯಾತರನ್ನು ರಕ್ಷಣೆಗೆ ಪಣ ತೊಟ್ಟಿರುವ #IamHafizSaeed ಎಂದು ಒಬ್ಬ ಟ್ವೀಟ್ ಮಾಡಿದ್ದರೆ, ಇನ್ನೊಬ್ಬ ‘#HafizSaeed ದಾನಧರ್ಮದ ಹೆಸರು, ಭಯೋತ್ಪಾದನೆಯದಲ್ಲ’ ಎಂದು ಹೇಳಿದ್ದಾನೆ.
ತರ್ಪಾಕರ್’ನಲ್ಲಿ ಹಿಂದೂಗಳಿಗೆ ಕುಡಿಯುವ ನೀರಿಗಾಗಿ ಬಾವಿಗಳನ್ನು ತೊಡಿಸಿದ #IamHafizSaeed, ಎಂದು ಇನ್ನೊಂದು ಟ್ವೀಟ್ ಹೇಳುತ್ತದೆ.
ಇನ್ನೊಬ್ಬ ಬೆಂಬಲಿಗನ ಪ್ರಕಾರ, ಹಫೀಝ ಸಯೀದ್ ಹಾಗೂ ಪಾಕಿಸ್ತಾನ ನಸೇನೆ ಒಂದೇ ಉದ್ದೇಶಕ್ಕಾಗಿ ಕೆಲಸ ಮಾಡುತ್ತಿವೆ. ಹಫೀಝ ಸಯೀದ್ ಸಮವಸ್ತ್ರ ಧರಿಸದೇ ಕೆಲಸ ಮಾಡುತ್ತಾರೆ ಅಷ್ಟೇ, ಎಂದಿದ್ದಾನೆ.
ಭಾರತದಲ್ಲಿ #IamModi ಟ್ರೆಂಡ್ ಆಗಬಹುದಾದರೆ ಪಾಕಿಸ್ತಾನದಲ್ಲಿ #IamHafizSaeed ಯಾಕಾಗಬಾರದು ಎಂದು ಟ್ವೀಟ್’ಗಳನ್ನು ಮಾಡಲಾಗಿದೆ.
#IamHafizSaeed ಓರ್ವ ಮಹಾನ್ ವ್ಯಕ್ತಿ, ಧೀರ್ಘಾಯುಷ್ಯ ಸಿಗಲಿ ಎಂದೆಲ್ಲಾ ಟ್ವೀಟ್’ಗಳು ಹರಿದಾಡಿವೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.