ಬಿಸಿ-ತಂಪು ಪಾನೀಯ ಬಳಕೆ ನಂತರ ಈ ಕಪ್ ತಿನ್ನಬಹುದು!
ಸಾರಾಂಶ
ಬಿಸಿ-ತಂಪು ಪಾನೀಯ ಬಳಕೆ ನಂತರ ಈ ಕಪ್ ತಿನ್ನಬಹುದು!| ತಿನ್ನಬಹುದಾದ ಕಪ್ ತಯಾರಿಸಿದ ಹೈದ್ರಾಬಾದ್ ಕಂಪನಿ
ಹೈದ್ರಾಬಾದ್[ಅ.19]: ಪರಿಸರ ಸ್ನೇಹಿ ವಸ್ತುಗಳ ಉತ್ಪಾದನೆಗೆ ಬೇಡಿಕೆ ಹೆಚ್ಚಿದ ಹಿನ್ನೆಲೆ ಹೈದ್ರಾಬಾದ್ ಮೂಲದ ಕಂಪನಿಯೊಂದು ‘ತಿನ್ನಬಹುದಾದ ಕಪ್’ ಅನ್ನು ಆವಿಷ್ಕರಿಸಿದೆ. ಈ ಕಪ್ನಲ್ಲಿ ಬಿಸಿ ಹಾಗೂ ತಂಪು ಪಾನೀಯ ಕುಡಿದ ಬಳಿಕ ಕಪ್ ಅನ್ನೇ ತಿನ್ನಬಹುದು.
ನೈಸರ್ಗಿಕ ಧಾನ್ಯಗಳಿಂದ ತಯಾರಿಸಿದ ಖಾದ್ಯದ ಲೋಟಕ್ಕೆ ‘ಈಟಿಂಗ್ ಕಪ್’ ಎಂದು ಹೆಸರಿಸಲಾಗಿದೆ. ಈ ಲೋಟವು ಬಿಸಿ ಮತ್ತು ತಂಪಾದ ಯಾವುದೇ ಪಾನೀಯವನ್ನು ಹಿಡಿದಿಟ್ಟುಕೊಳ್ಳುವ ಸಾಮರ್ಥ್ಯ ಹೊಂದಿದೆ ಎಂದು ಕಂಪನಿ ತಿಳಿಸಿದೆ.
ನಿಸರ್ಗದ ಮೇಲೆ ದುಷ್ಪರಿಣಾಮ ಉಂಟು ಮಾಡುವ ಪ್ಲಾಸ್ಟಿಕ್ ಮತ್ತು ಪೇಪರ್ ಕಪ್ಗಳಿಗೆ ಪರ್ಯಾಯವಾಗಿ ಈ ಕಪ್ ತಯಾರಿಸಲಾಗಿದೆ. ಇದರ ಬಳಕೆಯ ನಂತರ ತಿನ್ನಬಹುದಾದ್ದರಿಂದ ಇದು ಪರಿಸರ ಸ್ನೇಹಿಯಾಗಿದೆ. ಇದರಲ್ಲಿ ಸೂಫ್ಸ್, ಸಿಹಿತಿಂಡಿ, ಮೊಸರು ಮತ್ತಿತರ ಆಹಾರ ಖಾದ್ಯಗಳನ್ನು 40 ನಿಮಿಷಗಳವರೆಗೆ ಇಟ್ಟರೂ ಹಿಡಿದಿಡುವ ಸಾಮರ್ಥ್ಯವಿದೆ.
ಇದರಲ್ಲಿಡುವುದರಿಂದ ಖಾದ್ಯದ ಬಣ್ಣ ಮತ್ತು ರುಚಿ ಬದಲಾಗುವುದಿಲ್ಲ ಎಂದು ಕಂಪನಿಯ ಕಾರ್ಯಕಾರಿ ನಿರ್ದೇಶಕ ಅಶೋಕ್ ಕುಮಾರ್ ತಿಳಿಸಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.