ಕಾಲೇಜಿನ ವಾಟ್ಸಾಪ್ ಗ್ರೂಪ್'ಗೆ ಪೋಲಿ ವಿಡಿಯೋ ಹಾಕಿ ಯಡವಟ್ಟು ಮಾಡಿಕೊಂಡ ವೈದ್ಯ
ಸಾರಾಂಶ
ಈ ಗ್ರೂಪ್'ನಲ್ಲಿ ಮಹಿಳಾ ವೈದ್ಯರು, ಕಿರಿಯ ಮಹಿಳಾ ವೈದ್ಯರು ಸೇರಿದಂತೆ ಮೆಡಿಕಲ್ ವಿದ್ಯಾರ್ಥಿಗಳೂ ಇದ್ದರು. ಅಂತಹ ಗ್ರೂಪ್'ಗೆ ವೈದ್ಯ ಡಾ.ಸುರೇಶ್ ಅಶ್ಲೀಲ ದೃಶ್ಯ ಹರಿಬಿಟ್ಟಿದ್ದರು.
ಹಾಸನ(ಜ. 17): ಇಲ್ಲಿಯ ಹಿಮ್ಸ್ ಕಾಲೇಜಿನ ವೈದ್ಯರೊಬ್ಬರು ತಮ್ಮ ಸಂಸ್ಥೆಯ ಅಧಿಕೃತ ವಾಟ್ಸಾಪ್ ಗ್ರೂಪ್'ನಲ್ಲಿ ಅಶ್ಲೀಲ ದೃಶ್ಯವನ್ನು ಹರಿಬಿಟ್ಟು ಎಡವಟ್ಟು ಮಾಡಿಕೊಂಡಿದ್ದಾರೆ. ಡಾ. ಸುರೇಶ್ ಎಡವಟ್ಟು ಮಾಡಿಕೊಂಡಿರೋ ವೈದ್ಯ.
ಹಿಮ್ಸ್ ಸಂಸ್ಥೆಯ (HIMSTA) ಹೆಸರಿನಲ್ಲಿ ಅಧಿಕೃತ ವಾಟ್ಸಾಟ್ ಗ್ರೂಪ್ ತೆರೆಯಲಾಗಿತ್ತು. ಈ ಗ್ರೂಪ್'ನಲ್ಲಿ ಮಹಿಳಾ ವೈದ್ಯರು, ಕಿರಿಯ ಮಹಿಳಾ ವೈದ್ಯರು ಸೇರಿದಂತೆ ಮೆಡಿಕಲ್ ವಿದ್ಯಾರ್ಥಿಗಳೂ ಇದ್ದರು. ಅಂತಹ ಗ್ರೂಪ್'ಗೆ ವೈದ್ಯ ಡಾ.ಸುರೇಶ್ ಅಶ್ಲೀಲ ದೃಶ್ಯ ಹರಿಬಿಟ್ಟಿದ್ದರು. ಈ ವಿಡಿಯೋ ನೋಡಿದ ಗ್ರೂಪ್'ನಲ್ಲಿದ್ದ ಮಹಿಳಾ ಸಹಾಯಕ ಪ್ರಾಧ್ಯಾಪಕರು ಹಿಮ್ಸ್ ನಿರ್ದೇಶಶಕರಿಗೆ ದೂರು ನೀಡಿದ್ದರು. ದೂರಿನ ಹಿನ್ನೆಲೆ ಡಾ. ಸುರೇಶ್'ಗೆ ನೋಟೀಸ್ ಜಾರಿ ಮಾಡಿ ವಿವರಣೆ ಕೋರಿದ್ದಾರೆ. ವಿವರಣೆ ಪಡೆದ ನಂತರ ಮುಂದಿನ ಕ್ರಮ ಕೈಗೊಳ್ಳುವುದಾಗಿ ಹಿಮ್ಸ್ ನಿರ್ದೇಶಕ ಡಾ.ರವಿಕುಮಾರ್ ತಿಳಿಸಿದ್ದಾರೆ.
- ಹರೀಶ್, ಸುವರ್ಣನ್ಯೂಸ್, ಹಾಸನ
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.