ಈ ಭಾರತೀಯನಿಗೆ ದುಬೈಯಲ್ಲಿ 500 ವರ್ಷ ಜೈಲು ಶಿಕ್ಷೆ!

ಗೋವಾದ ಸಿಡ್ನಿ ಲೆಮೋಸ್’ಗೆ 500 ವರ್ಷ ಜೈಲು! ಬೋಗಸ್ ಯೋಜನೆಗಳಲ್ಲಿ ಹಣ ಹೂಡುವಂತೆ ಮಾಡಿ ವಂಚನೆ

ಬೆಂಗಳೂರು: 200 ಮಿಲಿಯನ್ ಡಾಲರ್ ಹಗರಣವೊಂದಕ್ಕೆ ಸಂಬಂಧಿಸಿದಂತೆ ಭಾರತೀಯ ಹಾಗೂ ಆತನ ಸಹೋದ್ಯೋಗಿಗೆ ದುಬೈಯಲ್ಲಿ 500 ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ.

ಗೋವಾದ ಸಿಡ್ನಿ ಲೆಮೋಸ್ ಹಾಗೂ  ಹಣಕಾಸು ತಜ್ಞ ರೆಯಾನ್ ಡಿ’ಸೋಜಾ ಎಂಬವರು 500 ವರ್ಷ ಜೈಲು ಶಿಕ್ಷೆಗೊಳಗಾದವರು.

ಬೋಗಸ್ ಯೋಜನೆಗಳಲ್ಲಿ ಹಣ ಹೂಡುವಂತೆ ಮಾಡಿ ಇವರಿಬ್ಬರು, ಸಾವಿರಾರು ಹೂಡಿಕೆದಾರರನ್ನು ವಂಚಿಸಿದದ್ದಾರೆನ್ನಲಾಗಿದೆ.

ತಮ್ಮ ಕಂಪನಿಯ ಮೂಲಕ $25000 ಹೂಡಿದರೆ ಶೇ.120 ರಷ್ಟು ವಾರ್ಷಿಕ ಲಾಂಭಾಂಶ ಪಡೆಯಬಹುದೆಂದು ಹೇಳಿ ಸಾವಿರಾರು ಮಂದಿಯಿಂದ ಕೋಟ್ಯಾಂತರ ಹಣವನ್ನು ಸಂಗ್ರಹಿಸಿದ್ದರು.

ಮೊದಮೊದಲು ಕೆಲ ಸಮಯದವರೆಗೆ ಲಾಭಾಂಶವನ್ನು ನೀಡುತ್ತಿದ್ದರು, ಬಳಿಕ ಲಾಭಾಂಶ ಪಾವತಿಸುವುದನ್ನು ನಿಲ್ಲಿಸಿದ್ದರು. ಅದಕ್ಕೆ ಸಂಬಂಧಿಸಿದಂತೆ ದೂರು ದಾಖಲಾದ ಬಳಿಕ ಜುಲೈ, 2016ರಲ್ಲಿ  ಆ ಕಂಪನಿ ಕಚೇರಿಯನ್ನು ದುಬೈ ಅಧಿಕಾರಿಗಳು ಜಪ್ತಿ ಮಾಡಿದ್ದರು.