ಸಂಪುಟ ವಿಸ್ತರಣೆ ಬಳಿಕ ಕಾಣೆಯಾದ ರಮೇಶ್ ಜಾರಕಿಹೊಳಿ ಬಗ್ಗೆ ಇಲ್ಲಿದೆ ಸುದ್ದಿ. ಸದ್ಯ ಚೀನಾದಲ್ಲಿ ನೆಲೆಸಿದ್ದಾರೆ ಎಂದು ಹೇಳಲಾಗಿದೆ.
ಬೆಂಗಳೂರು : ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ಎಲ್ಲಿದ್ದಾರೆ, ಹೇಗಿದ್ದಾರೆ ಎಂದು ಕರ್ನಾಟಕದ ರಾಜಕಾರಣಿಗಳು ತಲೆಕೆಡೆಸಿಕೊಂಡಿದ್ದರೆ ಅವರು ಮಾತ್ರ ಚೀನಾ ಪ್ರವಾಸಕ್ಕೆ ಹೋಗಿದ್ದಾರೆ.
ರಮೇಶ್ ಜಾರಕಿಹೊಳಿ ಅವರಿಗೆ ಸ್ವಂತ ಸಕ್ಕರೆ ಕಾರ್ಖಾನೆ ಇದೆ. ಆ ಕಾರ್ಖಾನೆಯ ಆದಾಯ ಹೇಗೆ ಹೆಚ್ಚಳ ಮಾಡಬಹುದು ಎನ್ನುವ ಕುರಿತು ಅವರು ಕಾರ್ಖಾನೆ ಅಧಿಕಾರಿಗಳ ಜತೆಗೆ ಇತ್ತೀಚೆಗಷ್ಟೇ ಗಂಭೀರ ಚರ್ಚೆ ಮಾಡಿದ್ದರು. ಆಗ ಚೀನಾ ಮಾದರಿ ಅನುಸರಿಸಿದರೆ ಹೇಗೆ ಎನ್ನುವ ಪ್ರಸ್ತಾಪ ಅಧಿಕಾರಿಗಳಿಂದ ಬಂದಿತ್ತಂತೆ.
ಈ ಹಿನ್ನೆಲೆಯಲ್ಲಿ ಜಾರಕಿಹೊಳಿ ಅವರು ಒಂದು ಕೈ ನೋಡಿಯೇ ಬಿಡೋಣ ಎಂದು ಮುಂಬೈ ಮೂಲಕ ಚೀನಾಗೆ ತೆರಳಿದ್ದಾರೆ. ಮುಂದಿನ ವಾರ ರಮೇಶ್ ಜಾರಕಿಹೊಳಿ ಅವರು ಬೆಳಗಾವಿಗೆ ಆಗಮಿಸುವ ಸಾಧ್ಯತೆ ಇದೆ ಎಂದು ಸುಳ್ಸುದ್ದಿ ಸಂಸ್ಥೆಗೆ ಮೂಲಗಳು ತಿಳಿಸಿವೆ.
[ಸುಳ್ ಸುದ್ದಿ - ಕೇವಲ ಮನರಂಜನೆಗಾಗಿ ]