ರಾಷ್ಟ್ರೀಕೃತ ಮತ್ತು ಖಾಸಗಿ ಬ್ಯಾಂಕ್‌ಗಳ ರೀತಿಯಲ್ಲಿ ಶೀಘ್ರದಲ್ಲೇ ಎಲ್‌ಐಸಿ ನೌಕರರೂ ಸಹ ಪ್ರತಿ ತಿಂಗಳ ಎರಡನೇ ಮತ್ತು 4ನೇ ಶನಿವಾರ ರಜೆ ಪಡೆಯಲಿದ್ದಾರೆ.
ನವದೆಹಲಿ: ರಾಷ್ಟ್ರೀಕೃತ ಮತ್ತು ಖಾಸಗಿ ಬ್ಯಾಂಕ್‌ಗಳ ರೀತಿಯಲ್ಲಿ ಶೀಘ್ರದಲ್ಲೇ ಎಲ್‌ಐಸಿ ನೌಕರರೂ ಸಹ ಪ್ರತಿ ತಿಂಗಳ ಎರಡನೇ ಮತ್ತು 4ನೇ ಶನಿವಾರ ರಜೆ ಪಡೆಯಲಿದ್ದಾರೆ. ಎಲ್‌ಐಸಿ ನೌಕರರ ಹಲವು ದಿನಗಳ ಈ ಬೇಡಿಕೆಯನ್ನು ಮಾನ್ಯ ಮಾಡಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ.
‘ವರ್ಗಾವಣೆ ಲಿಖಿತಗಳ ಅಧಿನಿಯಮ -ನಿಗೋಷಿಯಬಲ್‌ ಇನ್‌ಸ್ಟ್ರೂಮೆಂಟ್‌ ಕಾಯ್ದೆ’ ತಿದ್ದುಪಡಿ ಮಾಡುವ ಮೂಲಕ ರಾಷ್ಟ್ರೀಕೃತ ಬ್ಯಾಂಕ್‌ಗಳ ರೀತಿಯಲ್ಲೇ ಎಲ್‌ಐಸಿ ನೌಕರರೂ ರಜೆ ಪಡೆಯಲು ಅನುವಾಗುವ ಕಾನೂನು ಜಾರಿಗೆ ಕೇಂದ್ರ ಸರ್ಕಾರ ಮುಂದಾಗಿದೆ ಎಂದು ಮೂಲಗಳು ತಿಳಿಸಿವೆ.
ಈ ಮೂಲಕ ಮುಂದಿನ ದಿನಗಳಲ್ಲಿ ತಿಂಗಳ ಎರಡು ಶನಿವಾರ ಎಲ್‌ಐಸಿ ಕಚೇರಿಗಳು ಪೂರ್ಣಾವಧಿಯಲ್ಲಿ ಕಾರ್ಯ ನಿರ್ವಹಿಸುವುದಿಲ್ಲ. ಬಾಕಿ ಉಳಿದ ಶನಿವಾರಗಳಂದು ಪೂರ್ಣಾವಧಿಯಲ್ಲಿ ತೆರೆಯಲಿವೆ.