ಕಾಫಿಯಿಂದ ಕ್ಯಾನ್ಸರ್: ಎಚ್ಚರಿಕೆ ಪ್ರಕಟಿಸಲು ಆದೇಶ
ಸಾರಾಂಶ
ಕಾಫಿ ಸೇವನೆ ಆರೋಗ್ಯಕ್ಕೆ ಒಳ್ಳೆಯದೋ, ಕೆಟ್ಟದ್ದೋ ಎಂದು ವಿಜ್ಞಾನಿಗಳು ಇನ್ನೂ ಯಾವುದೇ ಅಂತಿಮ ತೀರ್ಪು ಕೊಟ್ಟಿಲ್ಲ.
ಲಾಸ್ಏಂಜಲೀಸ್: ಕಾಫಿ ಸೇವನೆ ಆರೋಗ್ಯಕ್ಕೆ ಒಳ್ಳೆಯದೋ, ಕೆಟ್ಟದ್ದೋ ಎಂದು ವಿಜ್ಞಾನಿಗಳು ಇನ್ನೂ ಯಾವುದೇ ಅಂತಿಮ ತೀರ್ಪು ಕೊಟ್ಟಿಲ್ಲ.
ಆದರೆ, ಕ್ಯಾಲಿಫೋರ್ನಿಯಾದ ನ್ಯಾಯಾಧೀಶರೊಬ್ಬರು, ಕಾಫಿ ಮಾರಾಟಗಾರರು ಕ್ಯಾನ್ಸರ್ ಎಚ್ಚರಿಕೆಯನ್ನು ಪ್ರಕಟಿಸಬೇಕು ಎಂಬ ತೀರ್ಪು ನೀಡಿದ್ದಾರೆ. ಕಾಫಿ ಸಂಸ್ಕರಣಾ ಪ್ರಕ್ರಿಯೆಯಲ್ಲಿ ಸೃಷ್ಟಿಯಾಗುವ ಕಾರ್ಸಿನೋಜೆನ್ ಎಂಬ ರಾಸಾಯನಿಕ ಈಗ ಅಪರಾಧಿ ಸ್ಥಾನದಲ್ಲಿದೆ. ಒಂದು ಪುಟ್ಟಎನ್ಜಿಒ ಮತ್ತು ಬಹುದೊಡ್ಡ ಕಾಫಿ ಮಾರುಕಟ್ಟೆ ನಡುವಿನ ಎಂಟು ವರ್ಷಗಳ ಕಾನೂನು ಸಮರದ ಬಳಿಕ ಕೋರ್ಟ್ ಈ ತೀರ್ಪು ನೀಡಿದೆ.
ಕಾಫಿಯಲ್ಲಿರುವ ವಿಷಕಾರಿ ಅಂಶ ತೆಗೆಯಬೇಕು ಅಥವಾ ಎಚ್ಚರಿಕೆ ಪ್ರಕಟನೆ ಪ್ರಕಟಿಸ ಬೇಕೆಂಬುದು ವಿಷಕಾರಿ ಅಂಶಗಳ ಕುರಿತ ಶಿಕ್ಷಣ ಮತ್ತು ಸಂಶೋಧನಾ ಮಂಡಳಿಯದ ಮನವಿಯಾಗಿತ್ತು. ಕಾಫಿಯಲ್ಲಿರುವ ರಾಸಾಯನಿಕ ಅಪಾಯಕಾರಿಯಲ್ಲ ಎಂದು ಸ್ಟಾರ್ಬಕ್ಸ್ ಕಾಪ್ರ್ ನೇತೃತ್ವದ ಉದ್ಯಮ ಸಂಸ್ಥೆಗಳು ಪ್ರತಿಪಾದಿಸಿದ್ದವು.
ತಮ್ಮ ವಾದವನ್ನು ಬೆಂಬಲಿಸುವಂತಹ ಸೂಕ್ತ ಆಧಾರಗಳನ್ನು ಕಾಫಿ ಉತ್ಪಾದಕರು ಹಾಜರು ಪಡಿಸಿಲ್ಲ ಎಂದು ತಿಳಿಸಿರುವ ಲಾಸ್ಏಂಜಲೀಸ್ ಸುಪೀರಿಯರ್ ಕೋರ್ಟ್ ಜಡ್ಜ್ ಎಲಿಹು ಬೆರ್ಲೆ, ಈ ತೀರ್ಪು ನೀಡಿದ್ದಾರೆ.
ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗು ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.