50 ಲಕ್ಷದೊಂದಿಗೆ ಬೆಂಗಳೂರಿನಿಂದ ಪಾಕಿಸ್ತಾನಕ್ಕೆ ಪರಾರಿಯಾದ ಕ್ಯಾಶಿಯರ್

ಯುನೈಟೆಡ್ ಡಿಸ್ಟ್ರಿಬ್ಯೂಟರ್ಸ್ ಕಂಪನಿಯಲ್ಲಿ ಕ್ಯಾಶಿಯರ್ ಆಗಿದ್ದ ಇಬ್ರಾಹಿಂ  51 ಲಕ್ಷ ಹಣ ದೋಚಿದ್ದಾನೆ.

ಬೆಂಗಳೂರು(ಫೆ.08): ಕೆಲಸ ಮಾಡುತ್ತಿದ್ದ ಕಂಪನಿಯಲ್ಲಿ ಲಕ್ಷಾಂತರ ರುಪಾಯಿ ದೋಚಿದ ಕ್ಯಾಶಿಯರ್‌ವೊಬ್ಬ ಪಾಕಿಸ್ತಾನಕ್ಕೆ ಪರಾರಿಯಾಗಿದ್ದು, ಈ ಸಂಬಂಧ ಕ್ಯಾಶಿಯರ್ ಪುತ್ರನನ್ನು ಪೊಲೀಸರು ಬಂಧಿಸಿದ್ದಾರೆ.

ಮುಂಬೈನ ಕೋನ್‌ಗಾಂವ್‌ನ ನಿವಾಸಿ ಮೊಹಮ್ಮದ್ ರ್ಇಾನ್ (30) ಬಂಧಿತ ಆರೋಪಿ. ಈತನ ತಂದೆ   ಫಾರೂಕ್ ಇಬ್ರಾಹಿಂ ಪರಾರಿಯಾಗಿದ್ದಾನೆ. ಯುನೈಟೆಡ್ ಡಿಸ್ಟ್ರಿಬ್ಯೂಟರ್ಸ್ ಕಂಪನಿಯಲ್ಲಿ ಕ್ಯಾಶಿಯರ್ ಆಗಿದ್ದ ಇಬ್ರಾಹಿಂ  51 ಲಕ್ಷ ಹಣ ದೋಚಿದ್ದಾನೆ. ಈ ಹಣದ ಪೈಕಿ  30 ಲಕ್ಷವನ್ನು ಮುಂಬೈನಲ್ಲಿರುವ ತನ್ನ ಪುತ್ರ ಮೊಹಮ್ಮದ್ ಇರ್ಫಾನ್'ಗೆ ಕೊಟ್ಟು ಪಾಕಿಸ್ತಾನಕ್ಕೆ ಓಡಿ ಹೋಗಿದ್ದಾನೆ. ಇದೀಗ ಈತನ ಪತ್ತೆಗಾಗಿ ಲುಕ್‌ಔಟ್ ನೋಟಿಸ್ ನೀಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಬ್ಯಾಟರಾಯನಪುರದ ಯುನೈಟೆಡ್ ಡಿಸ್ಟ್ರಿಬ್ಯೂಟರ್ಸ್ ಕಂಪನಿಯಲ್ಲಿ ಕ್ಯಾಶಿಯರ್ ಆಗಿದ್ದ  ಫಾರೂಕ್ ಇಬ್ರಾಹಿಂಗೆ ಮೂವರು ಮಕ್ಕಳಿದ್ದು, ಗುಜರಾತ್, ಮುಂಬೈ ಹಾಗೂ ಕರಾಚಿಯಲ್ಲಿ ನೆಲೆಸಿದ್ದಾರೆ. ಇಬ್ರಾಹಿಂ ಕಂಪನಿಯಲ್ಲಿ ಸಂಗ್ರಹವಾದ ಲಕ್ಷಾಂತರ ರುಪಾಯಿ ಹಣವನ್ನು ಬ್ಯಾಂಕ್‌ಗೆ ಜಮಾ ಮಾಡುತ್ತಿದ್ದ. ಅದೇ ರೀತಿ ಜ.29 ಮತ್ತು 30ರಂದು ಕಂಪನಿಯಲ್ಲಿ ಸಂಗ್ರಹವಾಗಿದ್ದ  51 ಲಕ್ಷವನ್ನು ಹಣವನ್ನು ಖಾತೆಗೆ ಜಮಾ ಮಾಡದೆ ಮುಂಬೈಗೆ ಹೋಗಿದ್ದಾನೆ. ಬಳಿಕ ತನ್ನ ಮೂವರು ಮಕ್ಕಳ ಪೈಕಿ ಮುಂಬೈನ ಕೋನ್‌ಗಾಂವ್‌ನಲ್ಲಿ ನೆಲೆಸಿರುವ ಪುತ್ರ ಮೊಹಮ್ಮದ್ ಇರ್ಫಾನ್'ಗೆ  30 ಲಕ್ಷ ನೀಡಿ ಪರಾರಿಯಾಗಿದ್ದಾನೆ. ಇನ್ನುಳಿದ ಹಣದೊಂದಿಗೆ ಕರಾಚಿಯಲ್ಲಿರುವ ತನ್ನ ಮತ್ತೊಬ್ಬ ಮಗನನ್ನು ಕಾಣಲು ಮಂಬೈನಿಂದ ತೆರಳಿದ್ದಾನೆ. ಈ ಹಿನ್ನೆಲೆಯಲ್ಲಿ ಮೊಹಮ್ಮದ್ ರ್ಇಾನ್‌ನನ್ನು ಬಂಸಿದ್ದು,  30 ಲಕ್ಷ ವಶಕ್ಕೆ ಪಡೆಯಲಾಗಿದೆ ಎಂದು ಅಕಾರಿಯೊಬ್ಬರು ತಿಳಿಸಿದ್ದಾರೆ.

ಲುಕ್‌ಔಟ್ ನೋಟಿಸ್

ಆರೋಪಿ ಪಾರೂಕ್ ಇಬ್ರಾಹಿಂ ಪತ್ತೆಗಾಗಿ ಲುಕ್‌ಔಟ್ ನೋಟಿಸ್ ಜಾರಿ ಮಾಡಿದ್ದು, ರೈಲ್ವೆ ನಿಲ್ದಾಣ, ಬಸ್ ನಿಲ್ದಾಣ ಹಾಗೂ ವಿಮಾನ ನಿಲ್ದಾಣಗಳ ಭದ್ರತಾ ಅಕಾರಿಗಳಿಗೆ ಮಾಹಿತಿ ನೀಡಲಾಗಿದೆ. ರಾಯಭಾರಿ ಕಚೇರಿ ಅಕಾರಿಗಳನ್ನು ಸಂಪರ್ಕಿಸಿ ಪಾಕಿಸ್ತಾನದ ಕರಾಚಿಯಲ್ಲೂ ಲುಕ್‌ಔಟ್ ನೋಟಿಸ್ ಪ್ರಕಟಿಸುವಂತೆ ಮನವಿ ಮಾಡಲಾಗಿದೆ. ಜತೆಗೆ ಗುಜರಾತ್‌ನಲ್ಲಿರುವ ಮತ್ತೊಬ್ಬ ಪುತ್ರನ ಚಲನವಲನಗಳ ಬಗ್ಗೆಯೂ ನಿಗಾವಹಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.