ಬಂಪರ್ ಉಚಿತ ಇಂಟರ್'ನೆಟ್ ಆಫರ್ ಪ್ರಕಟಿಸಿದ ಬಿಎಸ್'ಎನ್'ಎಲ್

ಉಳಿದ ಟೆಲಿಕಾಂ ಸಂಸ್ಥೆಗಳು ಜಿದ್ದಿಗೆ ಬಿದ್ದವರಂತೆ ಉಚಿತ ಆಫರ್'ಗಳನ್ನು ಪ್ರಕಟಿಸುತ್ತಿವೆ.

ನವದೆಹಲಿ(ಮಾ.25): ರಿಲಯನ್ಸ್ ಜಿಯೊ ಯಾವಾಗ  6 ತಿಂಗಳು ಕಾಲ ತನ್ನ ಗ್ರಾಹಕರಿಗೆ ಉಚಿತ ಇಂಟರ್'ನೆಟ್ ಸೇವೆ ಒದಗಿಸಿತೊ ಉಳಿದ ಟೆಲಿಕಾಂ ಸಂಸ್ಥೆಗಳು ಜಿದ್ದಿಗೆ ಬಿದ್ದವರಂತೆ ಉಚಿತ ಆಫರ್'ಗಳನ್ನು ಪ್ರಕಟಿಸುತ್ತಿವೆ.

ಸರ್ಕಾರಿ ಸ್ವಾಮ್ಯದ ಬಿಎಸ್'ಎನ್'ಎಲ್ ಸಂಸ್ಥೆ ಸ್ಮಾರ್ಟ್ ಫೋನ್ ಹೊಂದಿದ್ದು, ಜಿಎಸ್'ಎಂ ಮೊಬೈಲ್ ಡಾಟಾ ಸೇವೆಗಳನ್ನು ಉಪಯೋಗಿಸದ ಬಳಕೆದಾರರಿಗೆ 1 ಜಿಬಿ ಉಚಿತ ಇಂಟರ್'ನೆಟ್ ಸೌಲಭ್ಯ ಪ್ರಕಟಿಸಿದೆ. ಈ ಸೇವೆ ಪ್ರೀಪೇಯ್ಡ್ ಸಿಮ್ ಹೊಂದಿರುವವರಿಗೆ ಅನ್ವಯವಾಗಲಿದೆ.

ಈಗಾಗಲೇ ಬಿಎಸ್'ಎನ್'ಎಲ್' ಜಿಯೋಗೆ ಸಮನಾಗಿ 339 ರೂ.ಗಳಿಗೆ ನಿತ್ಯ 2 ಜಿಬಿ ಇಂಟರ್'ನೆಟ್, 25 ನಿಮಿಷ ಉಚಿತ ಕರೆ ಹಾಗೂ 25 ನಿಮಿಷದ ನಂತರ ಪ್ರತಿ ನಿಮಿಷಕ್ಕೆ 25 ಪೈಸೆಯಂತೆ ಕರೆ ದರವನ್ನು ಪ್ರಕಟಿಸಿದೆ. ಜಿಯೋ ಏಪ್ರಿಲ್ 1ರಿಂದ 303 ರೂ.ಗಳಿಗೆ ನಿತ್ಯ 1 ಜಿಬಿ ಇಂಟರ್'ನೆಟ್ ಹಾಗೂ ಉಚಿತ ಕರೆ ಹಾಗೂ ಎಸ್'ಎಂಎಸ್ ಆಫರ್ ಕಲ್ಪಿಸಿದೆ.