2004ರ ಲೋಕಸಭೆಯಲ್ಲಿ ವಾಜಪೇಯಿ ಕೊನೆಯದಾಗಿಮತದಾನ ಮಾಡಿದ್ದರು
ಲಖನೌ(ಸೆ.29): ಉತ್ತರ ಪ್ರದೇಶದಲ್ಲಿ ಶೀಘ್ರವೇ ನಡೆಯಲಿರುವ ಮುನ್ಸಿಪಲ್ ಚುನಾವಣೆಯಲ್ಲಿ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಮತದಾನ ಮಾಡುವಂತಿಲ್ಲ.
ಯಾಕೆಂದರೆ, ಲಖನೌನ ಮತದಾರರ ಪಟ್ಟಿಯಿಂದ ವಾಜಪೇಯಿ ಹೆಸರನ್ನು ಕೈಬಿಡಲಾಗಿದೆ. ಲಖನೌನ ಬಾಬು ಬನ್ಸಾರಿ ದಾಸ್ ವಾರ್ಡ್‌ನ ಮತದಾರರ ಪಟ್ಟಿಯಲ್ಲಿ ವಾಜಪೇಯಿ ಹೆಸರಿತ್ತು. ಈ ವಾರ್ಡ್‌ನಿಂದ 2004ರ ಲೋಕಸಭೆಯಲ್ಲಿ ವಾಜಪೇಯಿ ಕೊನೆಯದಾಗಿ ಮತದಾನ ಮಾಡಿದ್ದರು ಮತ್ತು ಮುನ್ಸಿಪಲ್ ಚುನಾವಣೆಗೆ 2000ರಲ್ಲಿ ಕೊನೆಯದಾಗಿ ಮತದಾನ ಮಾಡಿದ್ದರು. ಬಳಿಕ ಯಾವುದೇ ಚುನಾವಣೆಯಲ್ಲೂ ಮತಚಲಾವಣೆ ಮಾಡದ ಕಾರಣ, ಇತ್ತೀಚೆಗೆ ಮತದಾರ ಪಟ್ಟಿ ಪರಿಶೀಲನೆಯ ಸಂದರ್ಭ ಹೆಸರು ಕೈಬಿಡಲಾಗಿದೆ.