ಅಕ್ರಮವಾಗಿ ಮನೆ ಪ್ರವೇಶಿಸಿ ಮಹಿಳೆಯ ಮಾನಭಂಗ: ನಾಲ್ವರಿಗೆ ಜೈಲು ಶಿಕ್ಷೆ

2017ರಲ್ಲಿ ಶಿರಸಿಯ ಗಣೇಶನಗರದಲ್ಲಿ ನಡೆದಿದ್ದ ಘಟನೆ| ಉತ್ತರ ಕನ್ನಡ ಜಿಲ್ಲೆಯ ಶಿರಸಿ ನಗರ| ನಾಲ್ಕು ಜನರಿಗೆ ನಾಲ್ಕು ವರ್ಷ ಜೈಲು ಶಿಕ್ಷೆ ಹಾಗೂ 24 ಸಾವಿರ ದಂಡ| 

ಶಿರಸಿ(ಫೆ.05): ಅಕ್ರಮವಾಗಿ ಮನೆ ಪ್ರವೇಶಿಸಿ ಮಹಿಳೆಯ ಮಾನಭಂಗ ಮಾಡಿದ್ದ ನಾಲ್ವರಿಗೆ 1ನೇ ಹೆಚ್ಚುವರಿ ಜೆಎಂಎಫ್‌ಸಿ ನ್ಯಾಯಾಲಯ ನಾಲ್ಕು ವರ್ಷ ಜೈಲು ಶಿಕ್ಷೆ ಹಾಗೂ 24 ಸಾವಿರ ದಂಡ ವಿಧಿಸಿದೆ. 

2017 ಮಾರ್ಚ್‌ ತಿಂಗಳಿನಲ್ಲಿ ನಗರದ ಗಣೇಶನಗರದಲ್ಲಿ ಈ ಘಟನೆ ನಡೆದಿತ್ತು. ಆರೋಪಿಗಳಾದ ಹಿತ್ಲಳ್ಳಿಯ ಕವಿತಾ ಬೋವಿವಡ್ಡರ, ಶಿವಾನಂದ ಬೋವಿವಡ್ಡರ್‌, ಕಲಾವತಿ ಬೋವಿವಡ್ಡರ್‌ ಹಾಗೂ ರಾಘವೇಂದ್ರ ಬೋವಿವಡ್ಡರ್‌ ಅವರ ಮೇಲೆ ಪ್ರಕರಣ ದಾಖಲಾಗಿತ್ತು. 

ಸರ್ಕಾರಿ ಅಭಿಯೋಜಕಿ ಸೊಫಿಯಾ ಇನಾಮದಾರ, ದೇವರಾಜ ಶಿಲ್ಲಾಗೋಳ ನ್ಯಾಯಾಲಯದಲ್ಲಿ ವಾದಿಸಿದ್ದರು.