ಡೆತ್‌ ನೋಟ್‌ ಬರೆದು ಆತ್ಮಹತ್ಯೆಗೆ ಶರಣು| ಹಾವೇರಿ ಜಿಲ್ಲೆಯ ಹಾನಗಲ್‌ ಬಸ್‌ ಡಿಪೋದಲ್ಲಿ ನಿರ್ವಾಹಕನಾಗಿ ಕೆಲಸ ನಿರ್ವಹಿಸುತ್ತಿದ್ದ ಮೌಲಾಸಾಬ್‌ ದಾವಲ್‌ ಸಾಬ್‌ ಮಿಶ್ರಿಕೋಟೆ| ಮುಸ್ತಫಾ ಸೇರಿ ನಾಲ್ವರಿಂದ ಮಾನಸಿಕ ಕಿರುಕುಳ| ಈ ಸಂಬಂಧ ಹುಬ್ಬಳ್ಳಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲು|
ಹುಬ್ಬಳ್ಳಿ(ಏ.18): ಬೈಕ್‌ ಕಳ್ಳತನಕ್ಕೆ ವಿಷಯವಾಗಿ ಮಾನಸಿಕವಾಗಿ ನೊಂದುಕೊಂಡಿದ್ದ ಹಾನಗಲ್‌ ಡಿಪೋ ಬಸ್‌ ನಿರ್ವಾಹಕ ಮೌಲಾಸಾಬ್‌ ದಾವಲ್‌ ಸಾಬ್‌ ಮಿಶ್ರಿಕೋಟೆ (44) ಬಂಡಿವಾಡ ಗ್ರಾಮದ ಹೊಲದಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಕುಂದಗೋಳ ತಾಲೂಕಿನ ಕೂಬಿಹಾಳ ಮೂಲದ ಈತ ಬಂಡಿವಾಡದಲ್ಲಿ ವಾಸವಾಗಿದ್ದ. 8 ತಿಂಗಳ ಹಿಂದೆ ಮುಸ್ತಫಾ ಎಂಬುವವನಿಗೆ ಬೈಕ್‌ ಮಾರಿದ್ದ. ಈಚೆಗೆ ಆ ಬೈಕನ್ನು ಕದ್ದು ಮಾರಲು ಮುಂದಾದಾಗ ಮುಸ್ತಫಾ ಕೈಗೆ ಸಿಕ್ಕಿಬಿದ್ದಿದ್ದ. ಈ ವೇಳೆ ಮುಸ್ತಫಾ ಪೊಲೀಸರಿಗೆ ದೂರು ನೀಡುವುದಾಗಿ ಹೆದರಿಸಿದ್ದ ಎನ್ನಲಾಗಿದೆ.
ಕೊರೋನಾ, ಸಾರಿಗೆ ಮುಷ್ಕರ: ವಿವಿಧ ಪರೀಕ್ಷೆಗಳು ಮುಂದೂಡಿಕೆ
ಮೌಲಾಸಾಬ್‌ ಆತ್ಮಹತ್ಯೆಗೆ ಮುನ್ನ ಬರೆದ ಡೆತ್‌ ನೋಟ್‌ನಲ್ಲಿ ‘ಮುಸ್ತಫಾ ಸೇರಿ ನಾಲ್ವರು ಮಾನಸಿಕ ಕಿರುಕುಳ ನೀಡಿದ್ದರಿಂದ ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದೇನೆ’ ಎಂದು ಬರೆದಿದ್ದಾನೆ. ಈ ಬಗ್ಗೆ ಹುಬ್ಬಳ್ಳಿ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.