ಬೆಂಗಳೂರು- ಕಲಬುರಗಿ ಮಧ್ಯೆ ಯಶಸ್ಚಿಯಾಗಿ ವಿಮಾನ ಹಾರಿಸಿದ ಮಹಿಳಾ ಪೈಲಟ್‌ಗಳು

ಬೆಂಗಳೂರು-ಕಲಬುರಗಿ ಮಧ್ಯೆ ಸ್ಟಾರ್‌ ಏರ್‌ವೇಸ್‌ನ ವಿಮಾನವನ್ನು ಯಶಸ್ವಿಯಾಗಿ ಹಾರಿಸಿದ ಮಹಿಳಾ ಪೈಲಟ್‌ಗಳು ತಂಡ|  ವಿಮಾನ ನಿಲ್ದಾಣಕ್ಕೆ ಭೇಟಿ ನೀಡಿ ಯಶಸ್ವಿಯಾಗಿ ವಿಮಾನ ಹಾರಿಸಿದ ಮಹಿಳಾ ಪೈಲಟ್‌ ತಂಡಕ್ಕೆ ಅಭಿನಂದಿಸಿದ ಸಂಸದ ಡಾ. ಉಮೇಶ್‌ ಜಾಧವ್‌| 

ಕಲಬುರಗಿ(ಆ.13): ಮೊದಲ ಬಾರಿಗೆ ಬೆಂಗಳೂರು-ಕಲಬುರಗಿ ಮಧ್ಯೆ ಸ್ಟಾರ್‌ ಏರ್‌ವೇಸ್‌ನ ವಿಮಾನವನ್ನು ಮಹಿಳಾ ಪೈಲಟ್‌ಗಳು ತಂಡ ಯಶಸ್ವಿಯಾಗಿ ಹಾರಿಸಿ ಗಮನ ಸೆಳೆದಿದೆ. 

ಇಬ್ಬರು ಹಿರಿಯ ಪೈಲಟ್‌ ಸೇರಿ ನಾಲ್ವರು ಮಹಿಳೆಯರ ತಂಡ ಬುಧವಾರದ ಬೆಂಗಳೂರು- ಕಲಬುರಗಿ ಸ್ಟಾರ್‌ ವಿಮಾನ ಸೇವೆ ಪ್ರಯಾಣಿಕರಿಗೆ ನೀಡಿತು. ಕಲಬುರಗಿ ಸಂಸದ ಡಾ. ಉಮೇಶ್‌ ಜಾಧವ್‌ ವಿಮಾನ ನಿಲ್ದಾಣಕ್ಕೆ ಭೇಟಿ ನೀಡಿ ಯಶಸ್ವಿಯಾಗಿ ವಿಮಾನ ಹಾರಿಸಿದ ಮಹಿಳಾ ಪೈಲಟ್‌ ತಂಡವನ್ನು ಅಭಿನಂದಿಸಿದ್ದಾರೆ. 

ಸ್ಟಾರ್‌ ಏರ್‌ವೇಸ್‌ನ ಮಹಿಳಾ ತಂಡಕ್ಕೆ ಶಕ್ತಿ ಬೆಂಬಲ ನೀಡುವ ಈ ಕ್ರಮವನ್ನು ಸಂಸದ ಡಾ.ಉಮೇಶ್‌ ಜಾಧವ್‌ ಅವರು ತಮ್ಮ ಟ್ವಿಟರ್‌ ಸಂದೇಶದ ಮೂಲಕ ಮೆಚ್ಚಿಕೊಂಡಿದ್ದಾರೆ.