ಅರಬ್ಬಿ ಸಮುದ್ರದಲ್ಲಿ ಮುಳುಗಿದ ಸರಕು ಮೇಲೆತ್ತುವ ಹಡಗು

ಮಂಗಳೂರಿನ ಬಂದರಿನಲ್ಲಿ ಸರಕನ್ನು ಮೇಲಕ್ಕೆ ಎತ್ತುವ ಡ್ರೆಡ್ಜಿಂಗ್ ಹಡಗೊಂಡು ಮುಳುಗಿದೆ. ಇದರಲ್ಲಿದ್ದ 13 ಮಂದಿಯನ್ನು ರಕ್ಷಣೆ ಮಾಡಲಾಗಿದೆ. 

ಮಂಗಳೂರು [ಸೆ.03]: ಅರಬ್ಬಿ ಸಮುದ್ರದಲ್ಲಿ ಸರಕನ್ನು ಮೇಲೆತ್ತುವ ಡ್ರೆಡ್ಜಿಂಗ್ ಹಡಗೊಂದು ಮುಳುಗಿದ್ದು, ಭಾರೀ ದುರಂತ ತಪ್ಪಿದೆ. 

ಮಂಗಳೂರು ಬಂದರಿನಿಂದ 5 ನಾಟಿಕಲ್ ಮೈಲು ದೂರದಲ್ಲಿ ತ್ರಿದೇವಿ ಪ್ರೇಮ್ ಎಂಬ ಡ್ರೆಡ್ಜಿಂಗ್ ಹಡಗು ಮುಳುಗಿ ಹೋಗಿದ್ದು, ಇದರಲ್ಲಿದ್ದ ಸಿಬ್ಬಂದಿಯನ್ನು ರಕ್ಷಣೆ ಮಾಡಲಾಗಿದೆ.

ಸೋಮವಾರವೇ ಹಡಗು ಸಮುದ್ರದಲ್ಲಿ ಅರ್ಧಂಬರ್ಧ ಮುಳುಗಿತ್ತು. ಈ ವೇಳೆ ಅದರಲ್ಲಿದ್ದ 13 ಸಿಬ್ಬಂದಿಯನ್ನು ಕೋಸ್ಟ್ ಗಾರ್ಡ್ ಸಿಬ್ಬಂದಿ ರಕ್ಷಣೆ ಮಾಡಿದ್ದರು.  ಇಂದು ಹಡಗು ಸಂಪೂರ್ಣ ನೀರಿನಲ್ಲಿ ಮುಳುಗಿ ಹೋಗಿದೆ.   

ಕೆಲ ತಿಂಗಳುಗಳ ಹಿಂದಷ್ಟೇ ಉಡುಪಿ ಕಡಲ ತಡಿಯಲ್ಲಿ ಮೀನುಗಾರರ ಸುವರ್ಣ ತ್ರಿಭುಜ ದೋಣಿ ನಾಪತ್ತೆಯಾಗಿ ಅದರಲ್ಲಿದ್ದ 7 ಮಂದಿ  ಮೀನುಗಾರರು ಕಣ್ಮರೆಯಾಗಿದ್ದರು. ಇದುವರೆಗೂ ಮೀನುಗಾರರ ಪತ್ತೆಯಾಗಿಲ್ಲ.